କନକ ବ୍ୟୁରୋ : ବିଶାଳ ଚାଷୀ ସମାବେଶ ପୂର୍ବରୁ ପୁଲିସର ଆଗୁଆ କାର୍ଯ୍ୟାନୁଷ୍ଠାନ । ୨ ଚାଷୀ ନେତା ଅକ୍ଷୟ କୁମାର ଓ ଶେଷଦେବ ନନ୍ଦ ଗିରଫ କରିଛି ପୁଲିସ୍ । ଆସନ୍ତା ୧୪ରେ ନବନିର୍ମାଣ କୃଷକ ସଂଗଠନ ପକ୍ଷରୁ ଆନ୍ଦୋଳନ ଡ଼ାକରା ଦିଆଯାଇଛି । ଚାଷୀ ପେନସନ୍ ସହ ଅନ୍ୟାନ୍ୟ କୃଷକ ସୁରକ୍ଷା ଦାବି ନେଇ ପୁଣି ମୁହାଁମୁହିଁ ହେବେ ନବ ନିର୍ମାଣ କୃଷକ ସଂଗଠନ ଓ ରାଜ୍ୟ ସରକାର । ଦାବି ପୂରଣ ପାଇଁ ଆସନ୍ତା ୧୩ ତାରିଖ ସଂଧ୍ୟା ଯାଏଁ ଡେଡଲାଇନ୍ ଦିଆଯାଇଥିବା ବେଳେ ଆଜି ଚାଷୀ ନେତାଙ୍କୁ ଗିରଫ କରିଛି ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ଆସନ୍ତା ୧୪ରେ ଭୁବନେଶ୍ୱର ହାଇଟେକ୍ ଛକରୁ ହଜାର ହାଜର ଚାଷୀ ବିଶାଳ ଶୋଭାଯାତ୍ରାରେ ବାହାରି ଲୋୟର ପିଏମଜିଠାରେ ଆନ୍ଦୋଳନ କରିବେ । ପୂର୍ବରୁ ମଧ୍ୟ ନବ ନିର୍ମାଣ କୃଷକ ସଂଗଠନ ପକ୍ଷରୁ ମୁଖ୍ୟ ଶାସନ ସଚିବଙ୍କ ସମେତ ଖାଦ୍ୟ ଯୋଗାଣ ମନ୍ତ୍ରୀଙ୍କୁ ଭେଟି ଦାବି ସଂପର୍କରେ ଅବଗତ କରାଯାଇଛି । ହେଲେ ରାଜ୍ୟ ସରକାର କର୍ଣ୍ଣପାତ କରି ନଥିବା ଅଭିଯୋଗ ହୋଇଛି ।