ଭାରତ ସମେତ ପୂରା ବିଶ୍ୱକୁ ଧମକ ଦେଲେ ଟ୍ରମ୍ପ । କହିଲେ, ଦମ ଅଛି ତ ୪ ନଭେମ୍ବର ପରେ ଇରାନ ଠାରୁ ତୈଳ କିଣକି ଦେଖାଅ, ସମସ୍ତଙ୍କୁ ଦେଖିନେବ ଆମେରିକା
ଭାରତ ସମେତ ପୂରା ବିଶ୍ୱକୁ ଧମକ ଦେଲା ଆମେରିକା । ନଭେମ୍ବର ୪ ତାରିଖ ପରେ ଇରାନ ଠାରୁ କୌଣସି ଦେଶ ତୈଳ କିଣିଲେ ସେହି ଦେଶ ବିରୋଧରେ କଡା ପଦକ୍ଷେପ ନେବାକୁ ଆମେରିକା ପ୍ରସ୍ତୁତ ରହିଛି ବୋଲି ରାଷ୍ଟ୍ରପତି ଟ୍ରମ୍ପ କହିଛନ୍ତି । ପୂର୍ବରୁ ଆମେରିକାର ଚେତାବନୀ ସତ୍ତେ୍ୱ ମଧ୍ୟ ଋଷ ଠାରୁ ଭାରତ ଶକ୍ତିଶାଳୀ ଏସ-୪୦୦ ମିସାଇଲ ସିଷ୍ଟମ କିଣି ସମସ୍ତଙ୍କୁ ଚକିତ କରି ଦେଇଥିଲା । ତେବେ ଏହି ଡିଫେନ୍ସ ଡିଲ ପରେ ଭାରତ-ଆମେରିକା ସର୍ମ୍ପକ ମଧ୍ୟରେ ଫାଟ ସୃଷ୍ଟି ହେବ ବୋଲି ମଧ୍ୟ ଚର୍ଚ୍ଚା ହେଉଛି । ଆଉ ଏଭଳି ସମୟରେ ଆମେରିକାର ନାଲିଆଖିକୁ ଖାତିର ନ କରି ଇରାନ ଠାରୁ ତୈଳ କିଣୁଛି ଭାରତ ।
Kanak News is now on WhatsApp
Join and get latest news updates delivered to you via WhatsApp
ଡୋନାଲ୍ଡ ଟ୍ରମ୍ପ ଇରାନ ଠାରୁ କଞ୍ଚା ତୈଳ ଆମଦାନୀ କରୁଥିବା ଦେଶ ଗୁଡିକୁ ଚେତାବନୀ ଦେଇ କହିଛନ୍ତି, ନଭେମ୍ବର ୪ ସୁଦ୍ଧା ଯେଉଁ ଦେଶ ଇରାନ ସହ ତୈଳ କାରବାର ବନ୍ଦ ନ କରେ ତାହାକୁ ଆମେରିକା ଦେଖିନେବ । ଏପରିକି ଇରାନ ଠାରୁ ତୈଳ କାରବାର କରୁଥିବା ଚୀନ ଓ ଭାରତକୁ ମଧ୍ୟ ଦେଖିନେବୁ ବୋଲି କହିଛନ୍ତି ଟ୍ରମ୍ପ କହିଛନ୍ତି ।
ଏହା ପୂର୍ବରୁ ଏସ-୪୦୦ କିଣିବା ପାଇଁ ଋଷ ସହ ଭାରତ କରିଥିବା ଡିଫେନ୍ସ ଡିଲ ସର୍ମ୍ପକରେ ଟ୍ରମ୍ପ କହିଥିଲେ, ଆମେରିକାର ପ୍ରତିବନ୍ଧକ ସତ୍ତେ୍ୱ ମଧ୍ୟ ଭାରତ ଏହି ଡିଲ୍ କରିଛି । ତେଣୁ ଆମେରିକା ଆଇନ ଅନୁଯାୟୀ ଭାରତ ଉପରେ ପ୍ରତିବନ୍ଧକ ଲାଗିବ କି ନାହିଁ ତାହା ଖୁବଶୀଘ୍ର ସ୍ପଷ୍ଟ ହୋଇଯିବ ବୋଲି କହିଛନ୍ତି ଟ୍ରମ୍ପ । ପାଞ୍ଚ ବିଲିୟନ ଡଲାରର ଏହି ମେଗା ଡିଫେନ୍ସ ଡିଲ ପରେ ଆମେରିକା ଖୁବଶୀଘ୍ର ଭାରତ ଉପରେ କାଟସା କଟକଣା ଲଗାଇପାରେ । କାରଣ ଏହା ପୂର୍ବରୁ ଋଷ ଠାରୁ ଯୁଦ୍ଧ ବିମାନ ଓ ମିସାଇଲ ଡିଫେନ୍ସ କିଣିବାକୁ ବିରୋଧ କରି ଚୀନ ଉପରେ କାଟସା ଲଗାଇଥିଲା ଆମେରିକା । କାଟସା ଆଇନ ବଳରେ ଇରାନ, ଉତ୍ତର କୋରିଆ ଓ ଋଷ ଉପରେ ପ୍ରତିବନ୍ଧକ ଲଗାଇଛି ଆମେରିକା ।