କନକ ବ୍ୟୁରୋ : ଦେଶର ପ୍ରମୁଖ ରାଜନୈତିକ ଦଳ ଗୁଡ଼ିକ ଆଗାମୀ ଲୋକସଭା ନିର୍ବାଚନ ପାଇଁ ଜୋରସୋରରରେ ପ୍ରସ୍ତୁତି ଆରମ୍ଭ କରିଦେଲେଣି । ଶାସକ ଓ ଦଳ ବିରୋଧୀ ମଧ୍ୟରେ ଏବେଠାରୁ ବାକ୍ ଯୁଦ୍ଧ ଆରମ୍ଭ ହୋଇଗଲାଣି । ଚାଲିଲାଣି ଆରୋପ ପ୍ରତ୍ୟାରୋପର ପର୍ବ । ନିଜ ନିଜ ଭିତରେ କାଦୁଅ ଫୋପାଡ଼ିବାର ସୁଯୋଗକୁ କେହି ବି ହାତଛଡ଼ା କରୁନାହାନ୍ତି । ଲୋକଙ୍କୁ ନିଜ ଦଳ ଆଡ଼କୁ ଆକର୍ଷିତ କରିବା ବଡ଼ ବଡ଼ ନେତାମାନେ ପାଇଁ ବିଭିନ୍ନ ରାଜ୍ୟ ବୁଲିଲେଣି । ଏବେ ଠାରୁ ଆରମ୍ଭ ହୋଇଗଲାଣି ରାଲି । ହେଲେ ଜନତାଙ୍କ ହାତରେ ରହିଛି ରାଜନେତାଙ୍କ ଭାଗ୍ୟ । ସମୟ କହିବ କାହା ମୁଣ୍ଡରେ ସୁନାକଳସ ଢ଼ାଳିବ ହାତୀ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ପାଂଚଟି ରାଜ୍ୟର ବିଧାନସଭା ନିର୍ବାଚନ ପରେ ଅନୌପଚାରିକ ଭାବେ ଦେଶରେ ସାଧାରଣ ନିର୍ବାଚନ ୨୦୧୯ର ବିଗୁଲ ବାଜିଯିବ । ୨୦୧୪ର ନିର୍ବାଚନରେ ବିଜେପି ବିପୁଳ ଭୋଟରେ ସରକାର ଗଠନ କରିଥିଲା ଏବଂ ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ହୋଇଥିଲେ । ପ୍ରଥମ କାର୍ଯ୍ୟକାଳ ପରେ ଏବେ ପୁଣି ଥରେ ଦ୍ୱିତୀୟ ଥର ଶାସନକୁ ଆସିବା ପାଇଁ ମୋଦି ଜନତାଙ୍କ ନିକଟତର ହେବେ । ଆଗାମୀ ସାଧାରଣ ନିର୍ବାଚନରେ ମୋଦି ସରକାର ତାଙ୍କର ୫ଟି ଲୋକ କଲ୍ୟାଣ ଯୋଜନାକୁ ଆୟୁଧ କରିବେ ବୋଲି କୁହାଯାଉଛି । ଏହି ୫ଟି ଯୋଜନାର ତଥ୍ୟରୁ ଆକଳନ ୨୦୧୯ ନିର୍ବାଚନରେ ପୁଣି ଥରେ ମୋଦି ସରକାର ସଫଳତା ପାଇପାରନ୍ତି । ତେବେ ନିର୍ବାଚନର ଭାଗ୍ୟ ନିର୍ଦ୍ଧାରଣ କରିବେ ଜନତା ।
ଉଜ୍ଜଳା ଯୋଜନା –
ପ୍ରଧାନମନ୍ତ୍ରୀ ଉଜ୍ଜଳା ଯୋଜନା ଅନୁସାରେ ଗରିବ ସୀମାରେଖା ତଳେ ଥିବା ୫ କୋଟି ପରିବାରକୁ ବିନା କୌଣସି ସିକ୍ୟୁରିଟି ରାଶିରେ ଏଲପିଜି ସଂଯୋଗ କରାଯିବାର ଯୋଜନା ହୋଇଥିଲା । ଏହି ଯୋଜନା ଆରମ୍ଭ ହେବା ପରେ ୫ କୋଟି ପରିବାରକୁ ଏଲପିଜି ସଂଯୋଗର କରିବାର ଲକ୍ଷ୍ୟ ମାତ୍ର ୨୮ ମାସରେ ହିଁ ପୁରା ହୋଇଗଲା । ଯାହାପରେ ଚଳିତ ଆର୍ଥିକ ବର୍ଷ ପାଇଁ ଏହି ଯୋଜନା ମାଧ୍ୟମରେ ୮ କୋଟି ପରିବାରକୁ ଦିଆଯାଇଛି ।
ଆବାସ ଯୋଜନା –
ଦେଶରେ ୨୦୨୨ ମସିହା ସୁଦ୍ଧା ସମସ୍ତ ବାସହୀନ ଅଥବା ବାସଗୃହ ନଥିବା ସମସ୍ତ ପରିବାରଙ୍କୁ ପକ୍କା ଘର ଯୋଗାଇ ଦିଆଯିବା ଲକ୍ଷ୍ୟରେ ଆରମ୍ଭ ହୋଇଥିଲା ପ୍ରଧାନମନ୍ତ୍ରୀ ଆବାସ ଯୋଜନା । ଦେଶର ଏକ କୋଟି ପରିବାରଙ୍କୁ ସେମାନଙ୍କର ପକ୍କା ଘର ନିର୍ମାଣ ଲାଗି ଆର୍ଥିକ ସହାୟତା ଯୋଗାଇ ଦିଆଯିବ ବୋଲି ଲକ୍ଷ୍ୟ ଥିଲା । ୨୦ ନଭେମ୍ବର ୨୦୧୬ରେ ଆରମ୍ଭ ହେଲା ଯୋଜନା । ୨୦୨୨ ପର୍ଯ୍ୟନ୍ତ ୨.୯୫ କୋଟି ଘର ତିଆରି କରିବାର ଲକ୍ଷ୍ୟ ରହିଲା । ଯୋଜନାର ପ୍ରଥମ ପର୍ଯ୍ୟୟାୟରେ ୩୧ ମାର୍ଚ୍ଚ ୨୦୧୯ ପର୍ଯ୍ୟନ୍ତ ୧ କୋଟି ପକ୍କା ଘର ତିଆରି କରିବାର ଲକ୍ଷ୍ୟ ରହିଥିଲା । କେନ୍ଦ୍ର ସରକାରଙ୍କ ତଥ୍ୟ ଅନୁସାରେ ୨୦୧୪-୧୫ରୁ ୨୦୧୭-୧୮ ପର୍ଯ୍ୟନ୍ତ ଗାଁରେ ୧.୦୭ କୋଟି ପକ୍କ୍ା ଘର ତିଆରି ହୋଇସାରିଛି । ଏଥିରେ ୩୮.୨୦ ଲକ୍ଷ ଘର ପ୍ରଧାନମନ୍ତ୍ରୀ ଆବାସ ଯୋଜନା ଓ ଅନ୍ୟ ଗୁଡ଼ିକ ଇନ୍ଦିରା ଆବାସ ଯୋଜନା ଅନୁସାରେ ତିଆରି ହୋଇଛି ।
ଶୌଚାଳୟ ଯୋଜନା –
୨ ଅକ୍ଟୋବର ୨୦୧୪ରେ ଆରମ୍ଭ ହୋଇଥିଲା ମୋଦି ସ୍ୱଚ୍ଛ ଭାରତ ଯୋଜନା । ୨୦୧୯ ପର୍ଯ୍ୟନ୍ତ ଗ୍ରାମୀଣ ଅଂଚଳରେ ପୂର୍ଣ୍ଣ ସ୍ୱଚ୍ଛତା ଲକ୍ଷ୍ୟରେ ଆରମ୍ଭ ହୋଇଥିଲା ଯୋଜନା । ଏହି ଯୋଜନାରେ ଗାଁରେ ପ୍ରତି ଘରକୁ ଶୌଚାଳୟ ତିଆରି କରିବା ପାଇଁ ୧୨,୦୦୦ କୋଟି ଟଙ୍କାର ଦିଆଯିବାର ପ୍ରାବଧାନ କରାଗଲା । ଏହି ରାଶି କେନ୍ଦ୍ର ସରାକାରୀ ଓ ରାଜ୍ୟ ସରକାର ଏକ ସର୍ତ୍ତ ଆକାରରେ ପ୍ରଦାନ କରିବାର ଯୋଜନା ରହିଲା । କେନ୍ଦ୍ର ସରକାରଙ୍କ ତଥ୍ୟ ଅନୁସାରେ ୩୧ ଅଗଷ୍ଟ ୨୦୧୮ ପର୍ଯ୍ୟନ୍ତ ୮୮.୯ ପ୍ରତିଶତ ଗ୍ରାମୀଣ ଅଂଚଳରେ ଶୌଚାଳୟ ନିର୍ମାଣର କାମ ପୁରା କରାଯାଇଛି । ଯୋଜନ ରେ ୨୦୧୪ରେ ଲଂଚ କରିବା ପରେ ଏବେ ପର୍ଯ୍ୟନ୍ତ ୭.୯୪ କୋଟିରୁ ଅଧିକ ଶୌଚଳୟ ନିର୍ମାଣ କରାଯାଇଛି । ୧୯ ରାଜ୍ୟେ ୪୧୯ଟି ଜିଲ୍ଲାରେ ୪.୦୪ ଲକ୍ଷ ଗାଁରେ ଏହି ଯୋଜନା କାର୍ଯ୍ୟକାରୀ ହୋଇସାରିଛି ।
ଜନଧନ ଯୋଜନା –
ବ୍ୟାଙ୍କ ଖାତା, ସଞ୍ଚୟ ଯୋଜନା, ଜମା ଖାତା, ଋଣ ପ୍ରଦାନ, ଅର୍ଥ ପ୍ରେରଣ, ବୀମା ତଥା ପେନସନ୍ ଯୋଜନା ଅତି ସହଜ ଉପାୟରେ ପହଞ୍ଚାଇବା ହେଉଛି ପ୍ରଧାନମନ୍ତ୍ରୀ ଜନଧନ ଯୋଜନାର ମୂଳ ଲକ୍ଷ୍ୟ । ଆର୍ଥିକ ଅନ୍ତର୍ଭୁକ୍ତକୁ ବ୍ୟାପକ କରି ଦେଶର ସମସ୍ତ ପରିବାରକୁ ଏକୀକୃତ ଭାବେ ସାମିଲ କରିବା ହେଉଛି ପ୍ରଧାନମନ୍ତ୍ରୀ ଜନଧନ ଯୋଜନାର ଜାତୀୟ ଲକ୍ଷ୍ୟ । କେନ୍ଦ୍ର ସରକାରଙ୍କ ତଥ୍ୟ ଅନୁସାରେ ଦେଶରେ ୩୨.୪୧ କୋଟିର ଜନଧନ ଖାତା ଏଯାଏଁ ଖୋଲାଯାଇଛି । ଆଉ ଏଥିରେ ମୋଟ୍ ୮୧.୨୦୦ କୋଟି ଟଙ୍କାରୁ ଅଧିକ ରହିଛି ।