ଦୁନିଆର ସବୁଠାରୁ ବୟୋଜ୍ୟେଷ୍ଠ ବ୍ୟକ୍ତି ଖୋଲିଲେ ଦୀର୍ଘଜୀବି ହେବାର ରହସ୍ୟ : ଜାଣନ୍ତୁ କ’ଣ ?
ଦୁନିଆର ସବୁଠାରୁ ବୟୋଜ୍ୟେଷ୍ଠ ବ୍ୟକ୍ତି ହିସାବରେ ନିଜର ପରିଚୟ ସୃଷ୍ଟି କରିଥିବା ୧୧୨ ବର୍ଷୀୟ ମସାଜୋ ନୋନାକାଙ୍କ ପରିବାର ଲୋକେ ତାଙ୍କ ଦୀର୍ଘଜୀବି ହେବାର ରହସ୍ୟ ପଦାକୁ ଆଣିଛନ୍ତି । ଏହି ରହସ୍ୟ ହେଉଛି ମିଠା ଖାଇବା ଓ ଗରମ ପାଣିରେ ଗାଧୋଇବା । ସେ ତାଙ୍କ ପରିବାର ଲୋକଙ୍କ ସହ ରହନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଲବର୍ଟ ଆଇନଷ୍ଟାଇନ ଦ୍ୱାରା ବିଶେଷ ସାପେକ୍ଷତାର ସିଦ୍ଧାନ୍ତ ପ୍ରତିପାଦିତ କରିବାର କିଛି ମାସ ପୂର୍ବରୁ ୨୫ ଜୁଲାଇ ୧୯୦୫ରେ ନୋନାକାଙ୍କ ଜନ୍ମ ହୋଇଥିଲା । ଜାପାନର ପୂର୍ବୋତ୍ତର ଦ୍ୱୀପ ହୋକ୍କାଇଡୋରେ ତାଙ୍କ ଘରେ ଗିନିଜ ବୁକ୍ ଅଫ ୱାଲର୍ଡ ରେକର୍ଡସ ତାଙ୍କୁ ପୃଥିବୀର ସବୁଠାରୁ ବୟୋଜ୍ୟଷ୍ଠ ଜୀବିତ ବ୍ୟକ୍ତିର ପ୍ରମାଣ ପତ୍ର ଦେଇଛି ।
ତାଙ୍କ ନାତୁଣୀ ୟୁକୋ ନୋନାକା କହିଛନ୍ତି, “ତାଙ୍କୁ ଯିବା ଆସିବା କରିବା ପାଇଁ ହ୍ୱିଲ ଚେୟାରର ଆବଶ୍ୟକତା ପଡେ, କିନ୍ତୁ ତାଙ୍କ ଅବସ୍ଥା ଠିକ ଅଛି । ସେ ଯେକୈାଣସି ପ୍ରକାରର ମିଷ୍ଠାନ୍ନ ଖାଇବାକୁ ବହୁତ ପସନ୍ଦ କରନ୍ତି । ସେ ପ୍ରତିଦିନ ଖବର କାଗଜ ପଢ଼ନ୍ତି ଏବଂ ଗରମ ପାଣିରେ ଗାଧାନ୍ତି । ତାଙ୍କର ସାତ ଭାଇ ଓ ଗୋଟିଏ ଭଉଣୀ ଅଛନ୍ତି । ”
ଗିନିଜ ୱାଲର୍ଡ ରେକର୍ଡ ମୁତାବକ ସେ ୧୯୩୧ରେ ହତସୁନୋଙ୍କୁ ବିବାହ କରିଥିଲେ ଓ ତାଙ୍କର ପାଂଚ ଜଣ ପିଲା ଅଛନ୍ତି । ଏହି ସଂଗଠନ କହିଛି ଯେ, ଫେବୃୟାରୀରେ ସ୍ପେନର ୧୧୩ ବର୍ଷୀୟ ଫ୍ରାନ୍ସିସ୍କୋ ନୁନେଜ ଓଲିବେରାଙ୍କ ନିଧନ ପରେ ନୋନାକା ଦୁନିଆର ସବୁଠାରୁ ବୟୋଜ୍ୟେଷ୍ଠ ବ୍ୟକ୍ତି ହେବାର ପ୍ରମାଣ ପତ୍ର ମିଳିଛି ।