ଏନଡିଏର ରାଷ୍ଟ୍ରପତି ପ୍ରାର୍ଥୀ ରାମନାଥ କୋବିନ୍ଦଙ୍କୁ ବିଜେଡିର ସମର୍ଥନ ଘୋଷଣା ! ସମର୍ଥନ ନିଷ୍ପତିକୁ ଖବରକାଗଜରେ ସମାଲୋଚନା କଲେ ତଥାଗତ
କନକ ବ୍ୟୁରୋ : ଏନଡିଏର ରାଷ୍ଟ୍ରପତି ପ୍ରାର୍ଥୀ ରାମନାଥ କୋବିନ୍ଦଙ୍କୁ ବିଜେଡି ସମର୍ଥନ ଘୋଷଣା କରିଥିବା ବେଳେ ବିଜେଡି ସାଂସଦ ତଥାଗତ ଶତପଥୀଙ୍କ ଦୈନିକ ଖବର କାଗଜରେ ଏହାକୁ ସମାଲୋଚନା କରାଯାଇଛି । ଖବରରକାଗଜର ସମ୍ପାଦକୀୟରେ କୁହାଯାଇଛି ଯେ, ଓଡିଶାରେ ବିଜେଡିର ମୁଖ୍ୟ ପ୍ରତିଦ୍ୱନ୍ଦୀ ଭାବେ ଉଭା ହୋଇଛି ବିଜେପି ।
Kanak News is now on WhatsApp
Join and get latest news updates delivered to you via WhatsApp
ଏଭଳି ପରିସ୍ଥିତିରେ ବିଜେପିର ସବୁ ପଦକ୍ଷେପକୁ ସମର୍ଥନ କରୁଥିବାରୁ ବିଜେଡିର ନିଜସ୍ୱ ସ୍ଥିତି ଦୁର୍ବଳ ହେବା ଆଶଙ୍କା ରହିଛି । ବିଜେପି ଏକତରଫା ଭାବେ ରାଷ୍ଟ୍ରପତି ପ୍ରାର୍ଥୀ ଘୋଷଣା କରିଥିବାରୁ କଂଗ୍ରେସ ଓ ଅନ୍ୟ ବିରୋଧୀ ଦଳ ମାନେ ବିରୋଧ କରିବା ସମ୍ଭାବନା ରହିଛି । କିନ୍ତୁ ଏଭଳି ଏକ ପରିସ୍ଥିତିରେ ବିଜେଡିର ସମର୍ଥନ ଦ୍ୱାରା ରାଜ୍ୟବାସୀଙ୍କୁ ଭୁଲ ବାର୍ତା ଯାଇପାରେ ।
କାରଣ ମହାନଦୀ, ପୋଲାଭରମ୍ ଇତ୍ୟାଦି ପ୍ରସଙ୍ଗରେ କେନ୍ଦ୍ରର ଆଭିମୁଖ୍ୟ ଏପର୍ଯ୍ୟନ୍ତ ରାଜ୍ୟର ସ୍ୱାର୍ଥବିରୋଧୀ ହୋଇ ରହିଛି । ସେପଟେ ରାଜ୍ୟର ବିଭିନ୍ନ ଯୋଜନାରେ ମଧ୍ୟ କାଟଛାଂଟ କରୁଛନ୍ତି କେନ୍ଦ୍ର ସରକାର । ତେଣୁ ଏଭଳି ଏକ ସମୟରେ ବିଜେପିର ରାଷ୍ଟ୍ରପତି ପ୍ରାର୍ଥୀ ରାମନାଥ କୋବିନ୍ଦଙ୍କୁ ନବୀନ ସରକାରଙ୍କ ସମର୍ଥନକୁ ଭିନ୍ନ ଦୃଷ୍ଟିରେ ଦେଖାଯାଇପାରେ । ଓଡିଶା ବିରୋଧୀ ପ୍ରସଙ୍ଗରେ ଲଢିବା ପାଇଁ ବିଜେଡିର ଆନ୍ତରିକତା ନଥିବା ବାର୍ତା ଯାଇପାରେ ବୋଲି ତଥାଗତଙ୍କ ଖବରକାଗଜରେ ପ୍ରକାଶ ପାଇଛି ।