ନାହିଁ ନାହିଁରେ ଚାଲିଛି କଳାହାଣ୍ଡି କଲମପୁର ବ୍ଲକ୍ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର : ରୋଗୀ ସେବା ବିପର୍ଯ୍ୟସ୍ଥ,ରୋଗୀଙ୍କ ମଧ୍ୟରେ ଅସନ୍ତୋଷ
କନକ ବ୍ୟୁରୋ : ନାହିଁ ନାହିଁରେ ଚାଲିଛି କଳାହାଣ୍ଡି କଲମପୁର ବ୍ଲକ୍ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର । ନା ଅଛନ୍ତି ଡାକ୍ତର । ନା ଅଛି ବେଡ୍ ନା ଶୌଚାଳୟ । ପାଖପାଖି ଅଂଚଳରୁ ପ୍ରତିଦିନ ବହୁ ରୋଗୀ ହସ୍ପିଟାଲକୁ ଆସୁଥିବା ବେଳେ ଉପଯୁକ୍ତ ସେବା ନେଇ ନିରାଶ ହୋଇ ଫେରୁଛନ୍ତି । ଏହି ହସ୍ପିଟାଲରେ ଆବଶ୍ୟକୀୟ ବେଡ ନଥିବାରୁ ବାରଣ୍ଡାରେ ଓ ଗଛ ମୂଳେ ରୋଗୀ ପଡି ରହିଛନ୍ତି । ଫଳରେ ରୋଗୀ ସେବା ବିପର୍ଯ୍ୟସ୍ଥ ହୋଇପଡିଛନ୍ତି । ହସ୍ପିଟାଲରେ ନାଁ ଅଛି ଆବଶ୍ୟକୀୟ ବେଡ ନା ଡାକ୍ତର । ଏହାକୁ ନେଇ ରୋଗୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରୁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପରିଣତ ହେଲା ପରେ ନା ବେଡ୍ ସଂଖ୍ୟା ବଢାଗଲା ନା ଆବଶ୍ୟୀକୟ ଡାକ୍ତରଙ୍କୁ ନିଯୁକ୍ତି ଦିଆଗଲା । ମେଡିକାଲରେ ଶୌଚାଳୟଟିଏ ବି ନାହିଁ । ଏଭଳି ଅବସ୍ଥା ଖାଲି କଲମପୁରର ନୁହଁ ଜିଲ୍ଲାର ବହୁ ହସ୍ପିଟାଲରେ ଦେଖାଦେଇଛି । ବିଭିନ୍ନ ଅବ୍ୟବସ୍ଥା ଦେଇ ଗତି କରୁଥିବା ଏହି ସ୍ୱାସ୍ଥ୍ୟକେନ୍ଦ୍ରରେ ରୋଗୀଙ୍କ ଉଚିତ ସ୍ୱାସ୍ଥ୍ୟ ସେବା ନମିଳିବାରୁ ରୋଗୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।