ତାଜମହଲର ରେକର୍ଡ ଭାଙ୍ଗିଲା ଷ୍ଟାଚ୍ୟୁ ଅଫ୍ ୟୁନିଟି । ଜାଣନ୍ତୁ ବାର୍ଷିକ ମିଳୁଛି କେତେ ଟଙ୍କା , ଦିନକୁ ଖର୍ଚ୍ଚ ହେଉଛି କେତେ ଟଙ୍କା?
ଗୁଜୁରାଟରେ ନିର୍ମିତ ବିଶ୍ୱର ସବୁଠୁ ବଡ ପ୍ରତିମୂର୍ତ୍ତି ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ପ୍ରତିମୂର୍ତ୍ତି ବା ଷ୍ଟାଚ୍ୟୁ ଅଫ୍ ୟୁନିଟି ଉନ୍ମୋଚନ ହେବାର ଗୋଟିଏ ବର୍ଷ ବିତିଗଲାଣି । ଆଉ ଏସବୁ ଭିତରେ ଐତିହ୍ୟସର୍ମ୍ପନ୍ନ ତାଜମହଲର ରେକର୍ଡ ଭାଙ୍ଗିଛି ଷ୍ଟାଚ୍ୟୁ ଅଫ୍ ୟୁନିଟି । ଏଏସଆଇର ରିପୋର୍ଟ ଅନୁସାରେ, ୧୮୨ ଫୁଟର ଷ୍ଟାଚ୍ୟୁ ଅଫ୍ ୟୁନିଟିକୁ ଦେଖିବାକୁ କାହିଁ କେତେ ଦୂରରୁ ଆସୁଛନ୍ତି ପର୍ଯ୍ୟଟକ । ଦିନକୁ ଦିନ ପର୍ଯ୍ୟଟକଙ୍କ ସଂଖ୍ୟାରେ ବୃଦ୍ଧି ପାଉଥିବାରୁ ଏବେ ରୋଜଗାର ମଧ୍ୟ ସେହି ଅନୁପାତରେ ବଢିଚାଲିଛି ।
Kanak News is now on WhatsApp
Join and get latest news updates delivered to you via WhatsApp
ତାଜମହଲରୁ ବାର୍ଷିକ ଆୟ ୫୬ କୋଟି ହେଉଥିବା ବେଳେ ଷ୍ଟାଚ୍ୟୁ ଅଫ୍ ୟୁନିଟିରୁ ବାର୍ଷିକ ୬୩ କୋଟି ଟଙ୍କା ଆୟ କରୁଛନ୍ତି ସରକାର । ତାଜମହଲ ତୁଳନାରେ ଷ୍ଟାଚ୍ୟୁ ଅଫ୍ ୟୁନିଟି ଦେଖିବାକୁ କମ ପର୍ଯ୍ୟଟକ ଆସୁଛନ୍ତି । ଏହାସର୍ତ୍ତେ ମଧ୍ୟ ଷ୍ଟାଚ୍ୟୁ ଅଫ୍ ୟୁନିଟିରୁ ଅଧିକ ଟଙ୍କା ଆୟ କରୁଛନ୍ତି ସରକାର । ସେହିଭଳି ତାଜମହଲ ତୁଳନାରେ ଷ୍ଟାଚ୍ୟୁ ଅଫ୍ ୟୁନିଟିର ରକ୍ଷଣାବେକ୍ଷଣ ଖର୍ଚ୍ଚ ଅଧିକ ରହିଛି । ଷ୍ଟାଚ୍ୟୁ ଅଫ୍ ୟୁୂନିଟିର ଦୈନିକ ରକ୍ଷଣାବେକ୍ଷଣ ପାଇଁ ୧୨ ଲକ୍ଷ ଟଙ୍କା ଖର୍ଚ୍ଚ କରାଯାଉଛି । ଗତ ବର୍ଷ ଅକ୍ଟୋବର ମାସରେ ୧୮୨ ଫୁଟ୍ ଉଚ୍ଚତା ବିଶିଷ୍ଟ ଷ୍ଟାଚ୍ୟୁ ଅଫ୍ ୟୁନିଟିର ଉନ୍ମୋଚନ କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହାକୁ ନିର୍ମାଣ କରିବା ପାଇଁ ପାଖାପାଖି ୩୦୦୦ କୋଟି ଟଙ୍କା ଖର୍ଚ୍ଚ ହୋଇଛି ।