କନକ ବ୍ୟୁରୋ : ପରପାରିରେ ବଲିଉଡର ଚାନ୍ଦିନୀ ଶ୍ରୀଦେବୀ । ଗତକାଲି ଦୁବାଇରେ ତାଙ୍କର ମୃତ୍ୟୁ ହୋଇଛି । ଏହି ଖବର ଆସିବା ପରେ ଶ୍ରୀଦେବୀଙ୍କ ଶେଷ ଦର୍ଶନ ପାଇଁ ତାଙ୍କ ଘର ଆଗରେ ହଜାର ହଜାର ସମର୍ଥକଙ୍କ ଭିଡ଼ । କିନ୍ତୁ ସବୁଠାରୁ ବଡ ପ୍ରଶ୍ନ ହେଲା ଦୁବାଇରୁ କେତେବେଳେ ଭାରତ ଫେରିବ ଶ୍ରୀଦେବୀଙ୍କ ମୃତଦେହ । ହେଲେ ମିଳିଥିବା ତାଜା ସୂଚନା ଅନୁସାରେ ଆଉ ଗୋଟିଏ ରାତି ଦୁବାଇରେ ରହିପାରେ ଶ୍ରୀଦେବୀଙ୍କ ମର ଶରୀର ।
Kanak News is now on WhatsApp
Join and get latest news updates delivered to you via WhatsApp
ଦୁବାଇର ଏକ ପ୍ରମୁଖ ଗଣମାଧ୍ୟମ ‘ଖଲିଜ ଟାଇମ୍ସ’ ସୂତ୍ରରୁ ମିଳିଥିବା ସୂଚନା ଅନୁସାରେ, ଆଜି ଶ୍ରୀଦେବୀଙ୍କ ପାର୍ଥିବ ଶରୀର ମୁମ୍ବାଇ ଆସିବା ସମ୍ଭାବନା କମ୍ । କାରଣ ଶବ ବ୍ୟବଚ୍ଛେଦ ସରିଥିଲେ ସୁଦ୍ଧା, ଏସଂପର୍କୀତ ରିପୋର୍ଟ ଆସିନାହିଁ । ସେହିପରି ଭାରତୀୟ ସମୟ ରାତି ୯ଟା ସୁଦ୍ଧା ପରିବାର ସଦସ୍ୟଙ୍କୁ ମୃତଦେହ ହସ୍ତାନ୍ତର ହୋଇନାହିଁ । ଏହାବାଦ ଅନ୍ୟାନ୍ୟ ଆଇନଗତ ପ୍ରକ୍ରିୟା ଶେଷ କରିବାକୁ ବିଳମ୍ବ ହୋଇପାରେ ବୋଲି ଏହି ଗଣମାଧ୍ୟମ ପ୍ରକାଶ କରିଛି ।
ମୃତ୍ୟୁର କାରଣ ନେଇ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ଶବକୁ ସଂରକ୍ଷିତ କରିବା ପାଇଁ ପ୍ରକ୍ରିୟା ସମୟ ସାପେକ୍ଷ । ସେହିପରି ମୃତଦେହକୁ ଘରୋଇ ଜେଟରେ ପଠାଇବା ନେଇ ମଧ୍ୟ ଅନ୍ୟାନ୍ୟ ଆଇନଗତ ଦିଗ ରହିଛି । ଏସବୁ ଶେଷ ହେବା ଭିତରେ ଶ୍ରୀଦେବୀଙ୍କ ମର ଶରୀର ଆହୁରି ଗୋଟିଏ ରାତି ଦୁବାଇରେ ରହିବା ସମ୍ଭାବନା ବଢିଯାଇଛି । ତେଣୁ ଆସନ୍ତାକାଲି ଶ୍ରୀ’ଙ୍କ ପାର୍ଥିବ ଶରୀର ମୁମ୍ବାଇ ଅଭିମୁଖେ ବାହାରିବାର ଯଥେଷ୍ଟ ସମ୍ଭାବନା ରହିଛି ବୋଲି ‘ଖଲିଜ ଟାଇମ୍ସ’ ପ୍ରକାଶ କରିଛି ।