ଜୀବନ ନେଇଗଲା ଇୟରଫୋନ ! ରେଳ ଚକାତଳେ ଲିଭିଗଲା ୬ଜଣଙ୍କର ଜୀବନ ଦୀପ
କନକ ବ୍ୟୁରୋ: ଉତ୍ତରପ୍ରଦେଶରେ ଏକ ଅଭାବନୀୟ ଘଟଣାକ୍ରମରେ ଏକାବେଳେ ୬ଟି ଜୀବନ ଯାଇଛି । କାନରେ ଇୟରଫୋନ୍ ଦେଇ ରେଳ ଧାରଣା ଅତିକ୍ରମ କରୁଥିବା ବେଳେ ରେଳ ଚକାତଳେ ୬ ଜୀବନ ଦୀପ ଲିଭିଛି । ଉତ୍ତରପ୍ରଦେଶର ହପୁର ଜିଲ୍ଲାର ପିଲାକୁହା ସହରରେ ଉକ୍ତ ଦୁର୍ଘଟଣାଟି ଘଟିଛି।
Kanak News is now on WhatsApp
Join and get latest news updates delivered to you via WhatsApp
ସୂଚନାନୁଯାୟୀ, ବିଳମ୍ବିତ ରାତିରେ ୭ଜଣ ବନ୍ଧୁ ସ୍ଥାନୀୟ ସାଦିକପୁରାରେ ଦିଲ୍ଲୀ-ଲକ୍ଷ୍ନୌ ରେଳଧାରଣା ଅତିକ୍ରମ କରୁଥିବାବେଳେ ଦୁର୍ଘଟଣାଗ୍ରସ୍ତ ହୋଇଥିଲେ । କାନରେ ଇୟୟଫୋନ୍ ଦେଇଥିବା ହେତୁ ସେମାନେ ଟ୍ରେନର ହର୍ନକୁ ଶୁଣିପାରିନଥିଲେ। ଫଳରେ ଟ୍ରେନ୍ ପିଟିଦେବାଫଳରେ ଘଟଣା ସ୍ଥଳରେ ୫ ଜଣଙ୍କ ପ୍ରାଣହାନୀ ହୋଇଥିଲା। ଅନ୍ୟଜଣଙ୍କୁ ଗୁରୁତର ଅବସ୍ଥାରେ ଚିକିତ୍ସାଳୟରେ ଭର୍ତ୍ତି କରାଯାଇଥିଲେ ମଧ୍ୟ ତାଙ୍କର ମୃତ୍ୟୁ ହୋଇଯାଇଛି ।
ସେହିପରି ବଞ୍ଚିରହିଥିବା ଅନ୍ୟଜଣଙ୍କ ଅବସ୍ଥା ଏବେ ଅତୀବ ସଙ୍କଟାପନ୍ନ ରହିଛି । ସେମାନେ ହାଇଦ୍ରାବାଦରେ ଏକ ଭୋଜିରେ ରୋଷେୟା ଭାବେ କାମ କରିବାପାଇଁ ରବିବାର ସକାଳେ ଘର ଛାଡ଼ିଥିଲେ । ତେବେ ସେମାନଙ୍କ ଟ୍ରେନ୍ ବିଳମ୍ବ ହୋଇଯିବାରୁ ସେମାନେ ଗାଜିଆବାଦରୁ ନିଜ ଘରକୁ ଫେରୁଥିଲେ । କମ୍ ସମୟରେ ନିଜ ଘରେ ପହଞ୍ଚିବାପାଇଁ ସେମାନେ ଏକ ସର୍ଟକଟ୍ ରାସ୍ତାରେ ଯିବା ଉଦ୍ଦେଶ୍ୟରେ ଉକ୍ତ ରେଳ ଲାଇନ୍ ଅତିକ୍ରମ କରୁଥିବାବେଳେ ରେଳ ଦୁର୍ଘଟଣାରେ ସେମାନଙ୍କ ପ୍ରାଣହାନୀ ହୋଇଛି ।