ସଙ୍କଟରେ ପିଏଫ-ପେନସନ ଆକାଉଣ୍ଟ ! ମିଳିନପାରେ ଖାତାରେ ଜମା ହୋଇଥିବା ଟଙ୍କା, ଏଭଳି ଲାଗିପାରେ ୨୦ ହଜାର କୋଟିର ଝଟକା
ପିଏଫ ଏବଂ ପେନସନ ଖାତାଧାରୀଙ୍କ ପାଇଁ ଜରୁରୀ ସୂଚନା । ବିପଦରେ ପଡିପାରେ ଆପଣଙ୍କର ପିଏଫ ଏବଂ ପେନସନ ଖାତା । ଏକ ଆନୁମାନିକ ମୁତାବକ, ପାଖାପାଖି ୨୦ ହଜାର କୋଟିର ଝଟକା ଏଭଳି ଲୋକଙ୍କୁ ଲାଗିପାରେ, ଯେଉଁମାନଙ୍କର ଉଭୟ ପିଏଫ ଏବଂ ପେନସନ ଫଣ୍ଡରେ ଖାତା ରହିଛି । ଏହାର ବଡ କାରଣ ହେଲା ଲୋକଙ୍କର ପିଏଫ ଏବଂ ପେନସନ ଫଣ୍ଡ ଖାତାର ଅଧିକାଂଶ ଟଙ୍କା ଋଣ ବୋଝରେ ବୁଡି ରହିଥିବା Incra Company IL&FSରେ ନିବେଶ କରାଯାଇଛି । ଯାହାକି ବର୍ତ୍ତମାନ ଦେବାଳିଆ ପରିସ୍ଥିତିରେ ପହଂଚିଛି । ତେଣୁ ଏଭଳି ପରିସ୍ଥିତିରେ ଦରମା ବର୍ଗର ଲୋକ ତଥା ଚାକିରିଆଙ୍କ ଉପରେ ଏହାର ଗଭୀର ପ୍ରଭାବ ପଡିବ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମ ଇକୋନୋମିକ ଟାଇମ୍ସରେ ପ୍ରକାଶିତ ଏକ ରିପୋର୍ଟ ଅନୁସାରେ, ଫଣ୍ଡ ମ୍ୟାନେଜରମାନେ ଅଧିକାଂଶ ଟଙ୍କା ବଣ୍ଡ ତଥା ଲୋନ ଆକାରରେ କଂପାନୀକୁ ଦେଇରଖିଛନ୍ତି । ତେବେ ଏହି ଟଙ୍କା ତାଙ୍କୁ ସେତେବେଳେ ଦିଆଯାଇଥିଲା ଯେତେବେଳେ କି ଆଇଏଲଆଣ୍ଡଏଫଏସର ଅବସ୍ଥା ବହୁତ ଭଲ ଥିଲା ଏବଂ ଏହାର ସୁରକ୍ଷିତ ନିବେଶ ପାଇଁ ଟ୍ରିପଲ-ଏ (AAA)ର ରେଟିଂ ମିଳିଥିଲା । ଆଇଏଲଆଣ୍ଡଏଫଏସରେ ନିବେଶକଙ୍କ ମୁତାବକ, ଉଭୟ ପେନସନ ଏବଂ ପିଏଫର ୪୦ ପ୍ରତିଶତ ଟଙ୍କା ଏଥିରେ ନିବେଶ ହୋଇଛି । ବାକି ୬୦ ପ୍ରତିଶତ ରକମ ୟସ୍ ବ୍ୟାଙ୍କ, ପଂଜାବ ନ୍ୟାସନାଲ ବ୍ୟାଙ୍କ , IndusInd Bank ଏବଂ ବ୍ୟାଙ୍କ ଅଫ୍ ବରୋଦା ଦ୍ୱାରା ଲୋନ ଆଧାରରେ ଦିଆଯାଇଥିଲା ।
ସୂଚନା ମୁତାବକ, କଂପାନୀ ଉପରେ ବର୍ତ୍ତମାନ ୯୧ ହଜାର କୋଟର କରଜ ରହିଛି । ଇନଫ୍ରାଷ୍ଟ୍ରକଚର ନିବେଶ ସହ ଜଡିତ ସରକାରୀ କ୍ଷେତ୍ରର କଂପାନୀ ଇନଫ୍ରାଷ୍ଟ୍ରକଚର ଲିଜିଂ ଆଣ୍ଡ ଫାଇନାନସିଆଲ ସର୍ଭିସେସ୍ (ଆଇଏଲ ଆଣ୍ଡ ଏଫଏସ) ନେଇଥିବା କରଜର କିସ୍ତି ଶୁଝିବାରେ ଅସଫଳ ରହିଛି । ଯେଉଁ କାରଣରୁ ନା କେବଳ ବଡ ବଡ ବ୍ୟାଙ୍କଗୁଡିକ ସଂକଟରେ ପଡିଯାଇଛନ୍ତି ବରଂ ପ୍ରୋଭିଡେଂଟ ଫଣ୍ଡ ଏବଂ ପେନସନ ଫଣ୍ଡରେ ଟଙ୍କା ଲଗାଇଥିବା ସାଧାରଣ ଲୋକଙ୍କର ଝାଳ ବୁହା ଧନ ବି ବାଜିରେ ଲାଗିଛି । ୨୦୧୭-୧୮ ର ଏକ ଆକଳନ ଅନୁସାରେ, ଆଇଏଲଆଣ୍ଡଏଫଏସ ସମୂହରେ ୧୬୯ଟି କଂପାନୀ ରହିଛି । ଏଥିରେ ଆଇଏଲ ଆଣ୍ଡ ଏଫଏସ ଟ୍ରାନ୍ସପୋର୍ଟେସନ ନେଟୱର୍କ, ଆଇଏଲ ଆଣ୍ଡ ଏଫଏସ ଫାଇନାନସିଆଲ ସର୍ଭିସ ଲିମିଟେଡ୍ ଏବଂ ଗୁରୁରାଟ ଇଂଟରନ୍ୟାସନାଲ ଫାଇନାନ୍ସ ଟେକ୍- ସିଟି କଂପାନୀ ଲିମିଟେଡ୍ ଆଦି ସାମିଲ ।
ସେଂଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆର ସବୁଠାରୁ ଅଧିକ ଋଣ
ଆଇଏଲଆଣ୍ଡଏଫଏସ ଉପରେ ମୋଟ ୯୦ହଜାର କୋଟି ଟଙ୍କା କରଜ ରହିଛି । ଏହି ଋଣରେ ସବୁଠାରୁ ଅଧିକ ଅଂଶୀଦାର ରହିଛନ୍ତି ସରକାରୀ ବ୍ୟାଙ୍କ । ଯେଉଁଥିରେ ସେଂଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆର ଅଂଶୀଦାର ୫୦.୫ ପ୍ରତିଶତ ରହିଥିବା ବେଳେ ୟୁଟିଆଇର ଅଂଶୀଦାର ୩୦.୫ ପ୍ରତିଶତ ରହିଛି ।