ସୁନ୍ଦରତା ହେଲା କାଳ ! ଅଧିକ ସୁନ୍ଦରୀ ହେବା କାରଣରୁ ଯୁବତୀ ହରାଇଲେ ଚାକିରି
କଥାଟା ଶୁଣିଲେ ଆପଣଙ୍କୁ ଅଜବ ଲାଗୁଥିଲେ ମଧ୍ୟ ଜଣେ ମହିଳା ଏହାକୁ ନେଇ ଦାବି କରିଛନ୍ତି କି ଅଧିକ ସୁନ୍ଦରୀ ହେବା କାରଣରୁ ତାଙ୍କୁ ଚାକିରିରୁ ବାହାର କରିଦିଆଯାଇଛି । ତେବେ ଏହି ମାମଲାଟି ଗତ ଫେବୃୟାରୀ ମାସରେ ଘଟିଛି ।
Kanak News is now on WhatsApp
Join and get latest news updates delivered to you via WhatsApp
୨୪ ବର୍ଷୀୟ ଏମ୍ମା ହଲ୍ସଙ୍କ ମତରେ, ସେ ଲଣ୍ଡନରେ ଏକ ପ୍ରଡ୍କସନ ହାଉସ ତଥା ‘ୟୁନିଟ୍ ଟିଭି’ ନାମକ ସଂସ୍ଥାରେ କାମ କରୁଥିଲେ । ଆଉ ତାଙ୍କର ସୁନ୍ଦରତା କାରଣରୁ ତାଙ୍କୁ ଚାକିରିରୁ ନିଲମ୍ବିତ କରିଦିଆଯାଇଛି । ଯଦିଓ ଏଭଳି ଅଭିଯୋଗ କିଛି ନୂଆ ନୁହେଁ କିନ୍ତୁ ଏହାକୁ ମଧ୍ୟ ଏଡାଇ ଦିଆଯାଇପାରିବନି କି ସୁନ୍ଦରତା କାରଣରୁ କେବେ କାହାକୁ ଚାକିରିରୁ ବାହାର କରାଯାଇପାରେ । ତେବେ ଯୁବତୀଙ୍କ କହିବା କଥା ହେଲା, ତାଙ୍କ ସହଯୋଗୀ ତାଙ୍କୁ କହିଥିଲେ କି ଏବେ ଏହି ସଂସ୍ଥାରେ ତାଙ୍କ କୌଣସି ଆବଶ୍ୟକତା ନାହିଁ । ଯୁବତୀ ଜଣକ ଆଉ ମଧ୍ୟ କହିଥିଲେ ସେ ସେଭଳି ଆପତ୍ତିଜନକ ପୋଷାକ ମଧ୍ୟ ପିନ୍ଧି ନଥିଲେ ନା ସେଭଳି କୌଣସି ମେକଅପ୍ ମଧ୍ୟ ନେଇ ନଥିଲେ ।
ତେବେ ଯୁବତୀଙ୍କ ଏଭଳି ଅଭିଯୋଗକୁ କଂପାନୀ ଖଣ୍ଡନ କରିଥିଲା । ଆଉ କହିଥିଲା କି, ତାଙ୍କର ପ୍ରୋଭେସନାରୀ ପିରୀୟଡ ଶେଷ ହୋଇଯାଇଥିବାରୁ ତାଙ୍କୁ ଚାକିରିରୁ ବାହାର କରିଦିଆଯାଇଛି । କଂପାନୀ ଆଉ ମଧ୍ୟ କହିଥିଲା କି, ଯୁବତୀ ଜଣକ କଂପାନୀର ପଲିସ ପାଇଁ ଉପଯୁକ୍ତ ନଥିଲେ ।