ସୋସିଆଲ ମିଡିଆ ବ୍ୟବହାର ସମୟରେ ଆଉ ସାରିବାକୁ ପଡିବନି ଡାଟା ! ଆପଣାନ୍ତୁ ଏହି ସହଜ ତରିକା
ଅଧିକାଂଶ ସ୍ମାର୍ଟଫୋନ ୟୁଜର ସୋସିଆଲ ନେଟୱର୍କିଂ ସାଇଟଗୁଡିକର ବ୍ୟବହାର ବହୁଲ ମାତ୍ରାରେ କରିଥାନ୍ତି । ଏପରିକି ନିଜର ବହୁମୂଲ୍ୟ ସମୟ ଫେସବୁକ୍, ଇନଷ୍ଟାଗ୍ରାମ ଏବଂ ହ୍ୱାଟସଆପ ଭଳି ସୋସିଆଲ ମିଡିଆ ଆପମାନଙ୍କରେ ଖର୍ଚ୍ଚ କରିପକାନ୍ତି । ଯେଉଁଥି ପାଇଁ ମୋବାଇଲ ଡାଟା ମଧ୍ୟ ସାରିବାକୁ ପଡିଥାଏ । କାହିଁକି ନା ଦିନ ତମାମ ଏହି ଆପଗୁଡିକ ଆକ୍ଟିଭ ରହିଥାଏ । ଯାହାଦ୍ୱାରା ଫୋନର ଡାଟା ତାର ସମୟସୀମା ପୂର୍ବରୁ ହିଁ ଶେଷ ହୋଇଯାଇଥାଏ ।
Kanak News is now on WhatsApp
Join and get latest news updates delivered to you via WhatsApp
ତେଣୁ ଏହାକୁ ଦୃଷ୍ଟିରେ ରଖି ଆଜି ଆମେ ଆପଣଙ୍କୁ ଏଭଳି କିଛି ସହଜ ଉପାୟ ସଂପର୍କରେ ଜଣାଇବାକୁ ଯାଉଛୁ ଯାହାକୁ ଆପଣ ବ୍ୟବହାର କି ନିଜର ଫୋନରେ ଡାଟାର ଖର୍ଚ୍ଚକୁ କମ କରିପାରିବେ । ତେବେ ଆସନ୍ତୁ ଜାଣିବା ସେ ସଂପର୍କରେ ।
ଫେସବୁକ
ଲୋକେ ଅଧିକାଂଶ ସମୟ ଫେସବୁକରେ ହିଁ ବିତାଇ ଥାନ୍ତି । ତେବେ ଫେସବୁକ ବ୍ୟବହାର ସମୟରେ ଆପଣ ଧ୍ୟାନ ଦେଇଥିବେ କି ଫେସବୁକରେ ଭିଡିଓ ସାମ୍ନାକୁ ଆସିବା କ୍ଷଣି ହିଁ ତାହା ଆପଣା ଛାଏଁ ପ୍ଲେ ହୋଇଯାଇଥାଏ । ଯାହାଦ୍ୱାରା ଆପଣଙ୍କ ଡାଟା ଅଧିକ ଖର୍ଚ୍ଚ ହୋଇଥାଏ । ତେଣୁ ଡାଟାକୁ ସେଭ୍ କରିବା ପାଇଁ ଆପଣଙ୍କୁ ଆପର ସେଟିଂକୁ ଯାଇ ସେଠାରେ କିଛି ପରିବର୍ତ୍ତନ କରିବାକୁ ପଡିବ । ଏଥିପାଇଁ ସର୍ବ ପ୍ରଥମେ ‘ଫେସବୁକ ଆପ’କୁ ଯିବାକୁ ପଡିବ । ଯେଉଁଠାରେ ଆପଣଙ୍କୁ ୩ଟି ‘ଡଟ’ ନଜର ଆସିବ । ଆଉ ଯାହା ଉପରେ ଆପଣଙ୍କୁ ‘କ୍ଲିକ୍’ କରିବାକୁ ପଡିବ । ଏଠାରେ ଆପଣ ‘ସେଟିଂ’କୁ ଯିବାକୁ ପଡିବ । ସେଟିଂର ନିମ୍ନକୁ ‘ସ୍କ୍ରଲ’ କରିବା ପରେ ଆପଣଙ୍କୁ ‘ଭିଡିଓ ଅଟୋ ପ୍ଲେ’ର ଅପସନ ମିଳିବ । ଏହି ଅପସନରେ ‘ୱାଇଫାଇ ଓନଲି’କୁ ‘ସିଲେକ୍ଟ’ କରନ୍ତୁ ଏବଂ ଏହାକୁ ‘ଅଫ’କରି ଦିଅନ୍ତୁ । ଏହାଦ୍ୱାରା ଆପଣଙ୍କ ଫୋନରେ ଫେସବୁକରୁ ଅଧିକା ଡାଟା ଖର୍ଚ୍ଚ ହେବ ନାହିଁ ।
ହ୍ୱାଟସଆପ
ହ୍ୱାଟସଆପର ବ୍ୟବହାର ତ ସମସ୍ତେ କରନ୍ତି । ଏହାଦ୍ୱାରା ମଧ୍ୟ ଡାଟା ଅଧିକ ସରିବାର ଭୟ ରହିଥାଏ । ଏଥିପାଇଁ ୟୁଜର୍ସଙ୍କୁ ‘ହ୍ୱାଟସଆପ ସେଟିଂ’କୁ ଯିବାକୁ ପଡିବ । ଏହାପରେ ‘ଡାଟା ୟୁଜର୍ସ’ ଉପରେ ‘କ୍ଲିକ’ କରନ୍ତୁ ଏବଂ ‘ଲୋ ଡାଟା ୟୁଜର୍ସ’କୁ ‘ଅନ’ କରି ଦିଅନ୍ତୁ ।
ଏହାଛଡା , ଅନ୍ୟ ଏକ ଉପାୟରେ ବି ଆପଣ ଆପଣଙ୍କର ଡାଟାକୁ ବଂଚାଇ ପାରିବେ । ଏଥିପାଇଁ ହ୍ୱାଟସାପର ସେଟିଂକୁ ଯିବାକୁ ପଡିବ । ଏଥିରେ ଆପଣଙ୍କୁ ‘ଡାଟା ୟୁଜ’ ଉପରେ କ୍ଲିକ କରିବାକୁ ହେବ, ଯେଉଁଥିରେ ଆପଣଙ୍କୁ ଅନେକଗୁଡିଏ ‘ବିକଳ୍ପ’ ନଜର ଆସିବ । ଏଥି ମଧ୍ୟରୁ ଆପଣଙ୍କୁ ପ୍ରଥମ ଅପସନ ‘ଅଟୋ ମିଡିଆ ଡାଉନଲୋଡ ପ୍ଲେ’ କ୍ଲିକ୍ କରିବାକୁ ପଡିବ । ଏଠାରେ ଆପଣଙ୍କୁ ଆହୁରି ‘୨ଟି ବିକଳ୍ପ’ ନଜର ଆସିବ । ଯେଉଁଥିରେ ଆପଣଙ୍କୁ ‘ୱାଇ-ଫାଇ’ର ଅପସନକୁ ଚୟନ କରିବାକୁ ହେବ । ଏହାଦ୍ୱାରା ଆପଣଙ୍କର ହ୍ୱାଟସଆପରେ ଆସୁଥିବା ଭିଡିଓ କିମ୍ବା ଇମେଜ ଆପଣା ଛାଏଁ ଡାଉନଲୋଡ ହେବ ନାହିଁ । କେବଳ ସେଗୁଡିକ ଡାଉନଲୋଡ ହେବ ଯାହାକୁ ଆପଣ ଚାହିଁବେ ।
ସୌଜନ୍ୟ: ଦୈନିକ ଜାଗରଣ