ସେଂଚୁରିଆନରେ ଶତକ ପରେ ୱେଡିଂ ରିଙ୍ଗକୁ କିସ୍ କଲେ କ୍ୟାପଟେନ କୋହଲି ! ଟ୍ୱିଟରରେ ଫ୍ୟାନଙ୍କ ପ୍ରଶଂସା
ସେଂଚୁରିଆନ ଟେଷ୍ଟରେ ଦେଢଶହ ରନ୍ ସ୍କୋର କରିବା ପରେ ନିଜ ୱେଡିଂ ରିଂକୁ କିସ୍ କଲେ କ୍ୟାପଟେନ କୋହଲି । ୮୯ତମ ଓଭରରେ ମନି ମର୍କେଲଙ୍କ ବଲରୁ ଦେଢଶହ ରନ ପୁରା କରିଥିଲେ କୋହଲି । ୱେଡିଂ ରିଂକୁ ନିଜ ଗଳାରେ ଝୁଲାଇଥିବାବେଳେ ପଡିଆ ମଝିରେ ଏହାକୁ କିସ୍ କରି ଜୀବନସାଥୀ ଅନୁଷ୍କା ଶର୍ମାଙ୍କ ପ୍ରତି ତାଙ୍କ ଭଲପାଇବାକୁ ପ୍ରଦର୍ଶନ କରିଥିଲେ କୋହଲି । ଯାହାକୁ ଟ୍ୱିଟରରେ ଖୁବ ପ୍ରଂଶସା କରିଛନ୍ତି ଦୁହିଙ୍କର ଅଗଣିତ ଫ୍ୟାନ ।
Kanak News is now on WhatsApp
Join and get latest news updates delivered to you via WhatsApp
ଇଟାଲିରେ ଗତ ଡିସେମ୍ବରରେ ନିଜ ଅନେକ ଦିନର ସାଥୀ ଅଭିନେତ୍ରୀ ଅନୁଷ୍କା ଶର୍ମାଙ୍କୁ ବିବାହ କରିଛନ୍ତି ବିରାଟ କୋହଲି । ଏବଂ ବିବାହ ପରେ ଏହା ତାଙ୍କର ପ୍ରଥମ ଅନ୍ତର୍ଜାତୀୟ ମ୍ୟାଚ । ଯେଉଁଥିରେ ସେ ଏକ ଦମଦାର ପାଳି ଖେଳି ଟିମ୍ ଇଣ୍ଡିଆକୁ ସଂକଟରୁ ଉଦ୍ଧାର କରିଛନ୍ତି । ଦକ୍ଷିଣ ଆଫ୍ରିକା ବିରୋଧରେ ସେଂଚୁରିଆନରେ ଖେଳାଯାଉଥିବା ଦ୍ୱିତୀୟ ଟେଷ୍ଟରେ ବିରାଟ କୋହଲି ୧୫୩ ରନ ସଂଗ୍ରହ କରିଛନ୍ତି । ଏହା ତାଙ୍କର ୨୧ତମ ଟେଷ୍ଟ ଶତକ । ଦଳ ୩୦୬ ରନ କରିବାକୁ ସକ୍ଷମ ହୋଇଛି ।
କିନ୍ତୁ ଦକ୍ଷିଣ ଆଫ୍ରିକାଠାରୁ ୨୮ ରନ ପଛରେ ରହିଛି ଭାରତ । ଏଥିସହ ଡନ୍ ବ୍ରାଡମ୍ୟାନଙ୍କ ରେକର୍ଡର ସମକକ୍ଷ ହୋଇଛନ୍ତି କ୍ୟାପଟେନ କୋହଲି । ଅଧିନାୟକ ଭାବେ ଅଷ୍ଟମଥର ପାଇଁ ଦେଢଶହ ରନ ପୁରା କରିବାର ବିରଳ ରେକର୍ଡ କରିଛନ୍ତି କ୍ୟାପଟେନ କୋହଲି । ଅଷ୍ଟ୍ରେଲିଆର ପୂର୍ବତନ ଅଧିନାୟକ ମାଇକେଲ କ୍ଲାର୍କ ୭ଥର ଦେଢଶହ ରନ୍ ପୁରା କରିଛନ୍ତି ।