ଆଉ ପେଟ୍ରୋଲ ପମ୍ପରେ ଠକାମୀର ଶିକାର ହେବେନି ସାଧାରଣ ଜନତା । ବଜାରକୁ ଆସିଲା ନୂଆ ଡିଭାଇସ୍
ଏଣିକି ଆପଣ ବି ପେଟ୍ରୋଲ ପମ୍ପରେ ହେଉଥିବା ତେଲ ଚୋରି ତଥା କଳାବଜାରୀ ତଥା ମାନ ଯାଂଚ କରିପାରିବେ । କାରଣ ଏଭଳି ଏକ ଡିଭାଇସ ପ୍ରସ୍ତୁତ କରିଛନ୍ତି ଆଇଆଇଟିର ମେକାନିକ ବିଭାଗର ପିଏଚଡି ଛାତ୍ରମାନେ । ଯାହାର ନାଁ ରଖାଯାଇଛି Fuel Quantifire ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଏହି ଡିଭାଇସ ଦ୍ୱାରା ଏଣିକି ଉଭୟ ପେଟ୍ରୋଲ ଏବଂ ଡିଜେଲ ପମ୍ପମାନଙ୍କରେ ହେଉଥିବା ତେଲର କଳାବଜାରୀ ତଥା ଅପମିଶ୍ରଣର ମାନ ଯାଂଚ କରିପାରିବେ ସାଧାରଣ ଜନତା । ଏହି ଖାସ୍ ଡିଭାଇସ୍ କୁ କାର କିମ୍ବା ବାଇକର ଫୁଏଲ ଟ୍ୟାଙ୍କରେ ଇନଷ୍ଟଲ କରାଯାଇପାରିବ । ପେଟ୍ରୋଲ କିମ୍ବା ଡିଜେଲ ପମ୍ପ ମେସିନର
Nozzle device ଟାଙ୍କି ମଧ୍ୟକୁ ପ୍ରବେଶ କରିବା ଦ୍ୱାରା ଏହା କାମ କରିବା ଆରମ୍ଭ କରିଦେଇଥାଏ । ଏହି ଡିଭାଇସ ଜରିଆରେ ଆପଣ ମାତ୍ର ୧୦ ସେକେଣ୍ଡରେ ତେଲର ବାସ୍ତବିକ ମାନ ଜାଣିପାରିବେ ଏବଂ ମାତ୍ରା ମଧ୍ୟ ଜାଣିପାରିବେ । ତେବେ ଆଇଆଇଟିର ଛାତ୍ରମାନଙ୍କୁ ଏହି ଉପକରଣଟିକୁ ପ୍ରସ୍ତୁତ କରିବା ପାଇଁ ମାତ୍ର ୧୫୦୦ରୁ ୨୦୦୦ ଟଙ୍କା ଖର୍ଚ୍ଚ କରିବାକୁ ପଡିଥିଲା । ସଂସ୍ଥା ପକ୍ଷରୁ ଏହି ଉତ୍ପାଦିତ ଦ୍ରବ୍ୟର ବିକ୍ରି ସଂକ୍ରାନ୍ତରେ ଘୋଷଣା କରିଦିଆଯାଇଛି ।
କିପରି କାମ କରିବ
ଫୁଏଲ କ୍ୱାଂଟିଫାୟାର ଡିଭାଇସ ପ୍ରତି ୟୁନିଟ ଟାଇମ ହିସାବରେ ତେଲ ମାପି ଥାଏ । ଏହି ତେଲର ଫ୍ଲୋ ରେଟକୁ ମାପି ନେଇଥାଏ । ନିଜଲରୁ ଟାଙ୍କିରେ ତେଲ ପ୍ରବେଶ କରିବାର ଗତି ଯେତେ ପ୍ରଖର କିମ୍ବା ଧିର ଥିଲେ ବି ଏହା ଉପରେ କୌଣସି ପ୍ରଭାବ ପଡିନଥାଏ । ବିଶେଷଜ୍ଞଙ୍କ କହିବା ଅନୁସାରେ, ଏହି ଡିଭାଇସରେ ଅନେକ ସେନସର ବ୍ୟବହାର କରାଯାଇଛି । ସର୍ବ ପ୍ରଥମେ ତେଲର ମ୍ୟାଗ୍ନେଟିକ୍ ରୋଟରକୁ ଯାଇଥାଏ । ଯେଉଁଥିରେ କି ବହୁତ ସଂଖ୍ୟାରେ ଉଭୟ ନେଗେଟିଭ ଏବଂ ପଜେଟିଭ ବ୍ଲେଡ ରହିଥାଏ । ଆଉ ଏହି ବ୍ଲେଡ ଘୁରିବା କ୍ଷଣି ହିଁ ତେଲର ଫ୍ଲୋର ରିଡିଂ ମାଇକ୍ରୋପ୍ରୋସେସର ୟୁନିଟରେ ଚାଲି ଆସିଥାଏ । ମାଇକ୍ରୋପ୍ରୋସେସର ପୂର୍ବରୁ ହିଁ କ୍ରମାଙ୍କନ ହୋଇଥାଏ । ଏହାକୁ ସଂପୂର୍ଣ୍ଣ ସର୍କିଟ ସହିତ ଫକସନ କରାଯାଇଛି ।
ଏହି ଡିଭାଇସକୁ କୋନ ଆକାରରେ ପ୍ରସ୍ତୁତ କରାଯାଇଛି । ଅଏଲ ଟ୍ୟାଙ୍କରେ ଅତି ସହଜରେ ଏହାକୁ ଆପଣ ଲଗାଇ ପାରିବେ । ସଂସ୍ଥାର ବିଶେଷଜ୍ଞଙ୍କ ସୂଚନା ମୁତାବକ, ସର୍କିଟର ବ୍ଲୁ ଟୁଥ ଡିଭାଇସ କିମ୍ବା ୱାଇଫାଇ ସହ ଯୋଡାଯାଇ ହେବ । ସର୍କିଟରେ ଛୋଟିଆ ବ୍ୟାଟେରୀ ମଧ୍ୟ ଲଗାଯାଇଛି । ରିଡିଂ କିଛି ହିଁ ସେକେଣ୍ଡରେ ମୋବାଇଲ ସ୍କ୍ରିନରେ ଚାଲି ଆସିବ । ପୃଥକ ଭାବରେ ଏକ ସ୍କ୍ରିନ ଡ୍ୟାସବୋର୍ଡରେ ମଧ୍ୟ ଲଗାଇପାରିବେ । ତେବେ ଏଥିପାଇଁ ଏକ ଆପ ବି ଲଂଚ କରାଯିବା ନେଇ ଯୋଜନା ରହିଛି ।