ବଜାରକୁ ଆସିଲା ସ୍ମାର୍ଟ ପୋଷାକ ! ପିନ୍ଧିବା କ୍ଷଣି ବଡ ବଡ ରୋଗ ସମେତ ହାର୍ଟଆଟାକ ଆସିବା ପୂର୍ବରୁ ଫୋନକୁ ଚାଲିଆସିବ ଆଲର୍ଟ
ଆମେରିକାର ଲାସ ବେଗାସରେ ଆଜି ବିଶ୍ୱର ସବୁଠାରୁ ବଡ ଟେକ୍ ସୋ କନଜ୍ୟୁମର ଇଲେକ୍ଟ୍ରୋନିକ ସୋ ତଥା ସିଇଏସ ୨୦୧୯ ଆରମ୍ଭ ହେବାକୁ ଯାଉଛି । ହେଲେ ଏହା ପୂର୍ବରୁ ଏଭଳି ଏକ ସ୍ମାର୍ଟ ୱେଷ୍ଟ ଲଂଚ କରାଯାଇଛି, ଯାହା କି ସମୟ ପୂର୍ବରୁ ହିଁ ହାର୍ଟ ଆଟାକର ସୂଚନା ଦେଇଦେବ । ଏହି ୱେଷ୍ଟକୁ ମେଡିକାଲ ହେଲଥ କେୟାର ପ୍ରଡକ୍ଟ ନିର୍ମାଣ କରୁଥିବା ଫ୍ରାଂଚ କଂପାନୀ କ୍ରନୋଲାଇଫ ଲଂଚ କରିଛି । କଂପାନୀର ଦାବି ରହିଛି କି ଏହି ସ୍ମାଷ୍ଟ ୱେଷ୍ଟ ଜରିଆରେ ଇସିଜି ଏବଂ ହାର୍ଟ ଆଟାକ୍ ସମେତ ୬ ପ୍ରକାରର ରୋଗ ବେମାରୀ ସଂପର୍କରେ ସୂଚନା ଆପଣ ମୋବାଇଲ ଆପ ଜରିଆରେ ହିଁ ହାସଲ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଏହି ସ୍ମାର୍ଟ ୱେଷ୍ଟକୁ କଟନ ଏବଂ ଲାଇକ୍ରାରୁ ପ୍ରସ୍ତୁତ କରାଯାଇଛି । ଯାହାକୁ ପ୍ରତିଦିନ ଧୋଇ ବି ପାରିବେ । ୱେଷ୍ଟରେ ଏକ ସ୍ୱତନ୍ତ୍ର ଧରଣର ସେନସର ବ୍ୟବହାର କରାଯାଇଛି, ଯାହାକି ହାର୍ଟ , ବ୍ରେଥ୍, ବଡି ଟେମ୍ପରେଚର, ଏବଂ ସାମାନ୍ୟ ଫିଜିକାଲ ଆକ୍ଟିଭିଟିର ଇଲେକ୍ଟ୍ରୋନିକ ଆକ୍ଟିଭିଟି ଉପରେ ନଜର ରଖିଥାଏ । ଏହି ୱେଷ୍ଟ ଜରିଆରେ ୟୁଜରଙ୍କର ଯେଉଁ ଡାଟା ନିଆଯିବ , ତାକୁ ମୋବାଇଲ ଆପରେ ଆପଣ ଦେଖିପାରିବେ । ଏହି ୱେଷ୍ଟକୁ ପିନ୍ଧୁଥିବା ୟୁଜର ନିଜ ଡାକ୍ଟରଙ୍କ ନିକଟକୁ ବି ଏହି ଡାଟା ପଠାଇପାରିବେ ।
ସାଧାରଣତଃ କୌଣସି ବି ପ୍ରକାରର ସ୍ମାର୍ଟ ଗ୍ୟାଜେଟ କିମ୍ବା ସ୍ମାର୍ଟ କ୍ଲଥ ପାଇଁ ଇଂଟରନେଟ କନେକସନର ଆବଶ୍ୟକତା ପଡିଥାଏ, ହେଲେ କଂପାନୀ ସୂଚନା ମୁତାବକ, ଏହି ସ୍ମାର୍ଟ ୱେଷ୍ଟକୁ ବିନା ଇଂଟରନେଟରେ ବ୍ୟବହାର କରିପାରିବେ । କାହିଁକି ନା ଏହି ୱେଷ୍ଟ ୟୁଜରଙ୍କ ଶରୀରରେ ନଜର ରଖିଥାଏ । ଏହାବ୍ୟତୀତ ଏହି ୱେଷ୍ଟକୁ ଚାର୍ଜିଂର ଆବଶ୍ୟକତା ବି ଦରକାର ପଡିନଥାଏ । ଏଥି ସହିତ ହିଁ ଧୋଇବା ସମୟରେ ଏଥିରେ ଲାଗିଥିବା ସେନସରକୁ ବି ଆପଣ ବାହାର କରିପାରିବେ । କଂପାନୀ କହିବା ଅନୁସାରେ, ଏହାର ଡାଟା କ୍ଲାଉଡ ସର୍ଭିସରେ ଷ୍ଟୋର ରହିଥାଏ ।
ଏହି ୱେଷ୍ଟର ବର୍ତ୍ତମାନ ବିକ୍ରି ଆରମ୍ଭ ହୋଇନି , କାହିଁକି ନା ଆମେରିକା ବଜାରରେ ଏହି ୱେଷ୍ଟକୁ ବିକ୍ରି କରିବା ପାଇଁ ଏଫଡିଏ ଏବଂ ୟୁରୋପି. ବଜାରରେ ବିକ୍ରି କରିବା ପାଇଁ ମଂଜୁରୀ ନେବାକୁ ହେବ । ତେବେ କଂପାନୀ ଅନୁସାରେ ଯେତେବେଳେ ଏହାର ବିକ୍ରି ଆରମ୍ଭ ହେବ ସେତେବେଳେ ଏହାକୁ ୨୩୦ ଡଲାର (ପାଖାପାଖି ୧୬ ହଜାର)ଟଙ୍କାରେ କିଣିପାରିବେ ।