ମୋବାଇଲ ପାଇଁ ଯାଇପାରନ୍ତି ଜେଲ୍ ! ଏଣିକି ଫୋନର ଆଇଏମଇଆଇ ନମ୍ବରର ଅପବ୍ୟବହାର ହେବ ଏକ ବଡ ଅପରାଧ
ଦୁର ସଂଚାର ବିଭାଗର ଆଇଏମଇଆଇ ନମ୍ବର ସହିତ କୌଣସି ପ୍ରକାର ଛେଡଖାନି ଏଣିକି ପଡିବ ମହଙ୍ଗା । କାରଣ ଆଗାମୀ ଦିନରେ ଏନେଇ ଏକ ନୁଆ ନିୟମ ପ୍ରଣୟନ ହେବାକୁ ଯାଉଛି, ଯାହାପରେ ୧୫ ଅଙ୍କ ବିଶିଷ୍ଟ ମୋବାଇଲର ଆଇଏମଇଆଇ ନମ୍ବର ସହିତ ଅପବ୍ୟବହାର କରିବା ଏକ ଅପରାଧ ହେବା ସହିତ ଏଥିପାଇଁ ୩ ବର୍ଷ ଜେଲ୍ ଦଣ୍ଡାଦେଶ ମଧ୍ୟ ହୋଇପାରେ ।
Kanak News is now on WhatsApp
Join and get latest news updates delivered to you via WhatsApp
ଏହି ଆଇଏମଇଆଇ ନମ୍ବର ଜରିଆରେ କୌଣସି ବି ମୋବାଇଲକୁ ଚିହ୍ନଟ କରାଯାଇଥାଏ ଏବଂ ହଜି ଯାଇଥିବା ଫୋନକୁ ମଧ୍ୟ ଏହି ନମ୍ବର ସାହାର୍ଯ୍ୟରେ ଟ୍ରାକିଂ କରାଯାଇଥାଏ । ବିଭାଗର ଜଣେ ଅଧିକାରୀ କହିଛନ୍ତି କି, କିଛିଦିନ ହେଲା ଅନେକ ଫର୍ଜି ଆଇଏମଇଆଇ ନମ୍ବର ସାମ୍ନାକୁ ଆସୁଛି , ଯାହାଦ୍ୱାରା ଫୋନକୁ ଟ୍ରାକ୍ କରିବା ମୁସ୍କିଲ୍ ହୋଇପଡିଛି । ଏଥିପାଇଁ ଆଇଏମଇଆଇ ନମ୍ବର ସହ କୌଣସି ପ୍ରକାରର ଅପବ୍ୟବହାରକୁ ଟେଲିଗ୍ରାଫ ଆଇନର ଅନ୍ତର୍ଭୁକ୍ତ କରିବା ସହିତ ଏହାକୁ ଅପରାଧ ଶ୍ରେଣୀଭୁକ୍ତ କରିବାକୁ ବିଚାର କରୁଛି ।
ଜାଣନ୍ତୁ ଆଇଏମଇଆଇ ନମ୍ବର କଣ ଓ ଏହାର ଲାଭ
ଆଇଏମଇଆଇ ନମ୍ବରର ପୁରା ନାମ ହେଲା ଇଂଟରନ୍ୟାସନାଲ୍ ମୋବାଇଲ ଇକ୍ୟୁପମେଂଟ୍ ଆଇଡେଂଟିଟି ନମ୍ବର । ଯାହା ୧୫ ଅଙ୍କ ବିଶିଷ୍ଟ ଅଟେ । ଏହି ନମ୍ବର ଜରିଆରେ ସିକ୍ୟୁରିଟି ଏଜେନ୍ସି ମୋବାଇଲ୍ ଫୋନକୁ ଟ୍ରାକିଂ କରିଥାଏ । ଏଠାରେ ଆମେ କହି ରଖୁଛୁ କି, ଦୂରସଂଚାର ବିଭାଗ ଟେଲିକମ ଅପରେଟରମାନଙ୍କୁ ନକଲି ଆଇଏମଇଆଇ ନମ୍ବରଧାରୀ ମୋବାଇଲ୍ ଉପରେ ନିଜର ସେବାଗୁଡିକ ଯୋଗାଇ ଦେବାକୁ ସଂପୂର୍ଣ୍ଣ ମନା କରି ଦେଇଛି ।
ସୌଜନ୍ୟ: ଅମର ଉଜାଲା
ଏହା ସହ ମଧ୍ୟ ପଢନ୍ତୁ-ମୋଦି ସରକାରଙ୍କୁ ସୁପ୍ରିମ କୋର୍ଟଙ୍କ ଝଟକା ! ଏଣିକି ବିନା ଆଧାର କାର୍ଡରେ ସରକାରୀ ସୁବିଧାର ଲାଭ ଉଠାଇ ପାରିବେ ଜନତା