ଏସବିଆଇର ପେଟ୍ରୋଲ ଅଫର: ୧୦୦ଟଙ୍କାରେ ତେଲ ଭରିଲେ ମାଗଣାରେ ମିଳିବ ଅଧିକ ପାଂଚ ଲିଟର
ଗୋଟିଏ ମୋବାଇଲ ନମ୍ବରରୁ ସର୍ବାଧିକ ୨ଥର ଏହି ଅଫରର ଲାଭ ଉଠାଇପାରିବେ
ଭାରତୀୟ ଷ୍ଟେଟ ବ୍ୟାଙ୍କ ନିଜର ଗ୍ରାହକଙ୍କ ପାଇଁ ବହୁତ ବଢିଆ ଅଫର ଆଣିଛି । ବ୍ୟାଙ୍କ ତରଫରୁ ଦିଆଯାଇଥିବା ସୂଚନା ମୁତାବକ, ଯଦି ଗ୍ରାହକ ଇଣ୍ଡିଆନ ଅଏଲ କର୍ପୋରେସନର କୌଣସି ବି ପେଟ୍ରୋଲ ପମ୍ପରୁ ପେଟ୍ରୋଲ କିଣିବା ପରେ ଭିମ ଆପରୁ ପେମେଂଟ କରନ୍ତି ତେବେ ତାଙ୍କୁ ୫ ଲିଟର ପେଟ୍ରୋଲ ମାଗଣାରେ ମିଳିପାରେ । ତେବେ ଏହି ଅଫରର ଲାଭ ଉଠାଇବା ପଇଁ ଆପଣଙ୍କୁ ଅତି କମରେ ୧୦୦ଟଙ୍କାର ପେଟ୍ରୋଲ ଭରିବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
କିଭଳି ମିଳିବ ମାଗଣାରେ
ଏସବିଆଇ ଏସବିଆଇର ୱେବସାଇଟରେ ଦିଆଯାଇଥିବା ସୂଚନା ଅନୁସାରେ, ଗ୍ରାହକଙ୍କୁ ପେଟ୍ରୋଲ ଭରିବା ସମୟରେ ଭିମ ଆପ ଜରିଆରେ ପେମେଂଟ କରିବାକୁ ହେବ । ଏଥିପାଇଁ ଗ୍ରାହକଙ୍କୁ ଅତି କମରେ ୧୦୦ଟଙ୍କା ଖର୍ଚ୍ଚ କରିବାକୁ ହେବ । ଭିମ ଆପ ଜରିଆରେ ପେମେଂଟର ନମ୍ବରରେ ଲେଖି ଫୋନ ୯୨୨୨୨୨୨ରେ ଏସଏମେଏସ ପଠାଇବାକୁ ପଡିବ । ଆପଣଙ୍କୁ ଏସଏମଏସର ନର୍ମାଲ ଚାର୍ଜେସ ଦେବାକୁ ପଡିବ । ଏହାପରେ ଆପଣଙ୍କ ଟାଇମ ଆସିଲେ ଆପଣଙ୍କୁ ୫ ଲିଟର ମାଗଣାରେ ପେଟ୍ରୋଲ ମିଳିପାରେ । ଏସଂପର୍କରେ ସୂଚନା ଆପଣଙ୍କୁ ଫୋନ ଜରିଆରେ ମିଳୁଥିବ । ଅଫର ସଂପର୍କରେ ଅଧିକ ସୂଚନା ଆପଣଙ୍କୁ ଏସବିଆଇର ୱେବସାଇଟରେ ମିଳିଯିବ ।
କଷ୍ଟମର କେୟାରରୁ ସହଯୋଗ
କଷ୍ଟମର କେୟାର ସହ ଯୋଗାଯୋଗ କରିବା ପାଇଁ ଆପଣ ଟୋଲ ଫ୍ରି ନମ୍ବର ୧୮୦୦ ୨୨ ୮୮୮୮ରେ ଡାଏଲ କରିପାରିବେ । ଏହାବ୍ୟତୀତ ଆପଣ help@xtrarewards.comକୁ ମେଲ ପଠାଇ ମଧ୍ୟ ସହଯୋଗ ନେଇପାରିବେ । ଏହି ଅପରରେ ପ୍ରତି ଦିନ ୧୦,୦୦୦ ଲକି ଗ୍ରାହକଙ୍କୁ ୫ ଲିଟର ପର୍ଯ୍ୟନ୍ତ ପେଟ୍ରୋଲ ପାଇବାର ସୁଯୋଗ ମିଳିବ । ଏସବିଆଇ ତରଫରୁ ଲଂଚ ହୋଇଥିବା ଏହି ଅଫର ୨୩ ନଭେମ୍ବର ରାତି ୧୨ଟା ଯାଏ ଚାଲିବ । ତେବେ ଗୋଟିଏ ମୋବାଇଲ ନମ୍ବରରୁ ସର୍ବାଧିକ ୨ଥର ଏହି ଅଫରର ଲାଭ ଉଠାଇପାରିବେ ।