ଦେଶରେ ବିମୁଦ୍ରାକରଣ ପରେ ପରେ ଲୋକଙ୍କ ମଧ୍ୟରେ ମୋବାଇଲ ୱାଲେଟର ବ୍ୟବହାର ବୃଦ୍ଧି ପାଇଛି । ହେଲେ ଏବେ ଯେତେବେଳେ ଲୋକେ ଏହି ଅଭ୍ୟାସରେ ପଡିଯାଛନ୍ତି ଠିକ୍ ଏହି ସମୟରେ ହିଁ ଖବର ଆସିଛି କି ଆରବିଆଇ ମାର୍ଚ୍ଚ ସୁଦ୍ଧା ମୋବାଇଲ ୱାଲେଟ ବନ୍ଦ କରିବାର ନିଷ୍ପତି ନେଇପାରେ ।
Kanak News is now on WhatsApp
Join and get latest news updates delivered to you via WhatsApp
ଗଣମାଧ୍ୟମରେ ପ୍ରକାଶିତ ଖବର ମୁତାବକ, ଆରବିଆଇ ଆଗାମୀ ଦିନମାନଙ୍କରେ ତଥା ମାର୍ଚ୍ଚ ମାସସୁଦ୍ଧା ମୋବାଇଲ ୱାଲେଟକୁ ବନ୍ଦ କରିବା ନେଇ କଠୋର ନିର୍ଦ୍ଦେଶ ଦେଇପାରେ । ହେଲେ ଏହା କାହିଁକି ଏବଂ କେଉଁ ପରିସ୍ଥିତିରେ ଆରବିଆଇ ନେବାକୁ ଯାଉଛି ତାହା ସଂପର୍କରେ ଆମେ ନିମ୍ନରେ ବିସ୍ତାର ଭାବରେ ଆଲୋଚନା କରିଛୁ । ତେବେ ପଢନ୍ତୁ ପୂରା ଖବର ।
ଏବେ ନଜର ପକାନ୍ତୁ ଆରବିଆଇର ଏହି ନିଷ୍ପତି ପଛରେ କଣ ରହିଥାଇପାରେ ମୁଖ୍ୟକାରଣ
ଏହାପଛରେ ଥିବା କାରଣ କୁହାଯାଉଛି କି, ମୋବାଇଲ ୱାଲେଟ କଂପାନୀଗୁଡିକ ରିଜର୍ଭ ବ୍ୟାଙ୍କ ତରଫରୁ ଦିଆଯାଇଥିବା ଏକ ଜରୁରୀ ନିର୍ଦ୍ଦେଶକୁ ଅବମାନନା କରିଛନ୍ତି । ଯାହାକୁ ଭିର୍ତ୍ତି କରି ଆରବିଆଇ ଏଭଳି କଠୋର ନିଷ୍ପତି ନେଇପାରେ । ତେବେ ଆରବିଆଇ ଦେଇଥିବା ନିର୍ଦ୍ଦେଶକୁ ମାର୍ଚ୍ଚ ୧ ତାରିଖ ସୁଦ୍ଧା ପୂରା କରିବାର ସମୟ ସୀମା ମଧ୍ୟ ଦେଇଥିଲା । ଯଦି ମୋବାଇଲ ୱାଲେଟ କଂପାନୀମାନେ ମାର୍ଚ୍ଚ ପହିଲା ସୁଦ୍ଧା ଆରବିଆଇର ଏହି ନିର୍ଦ୍ଦେଶ ସଂପୂର୍ଣ୍ଣ ନକରନ୍ତି ତେବେ ମୋବାଇଲ ୱାଲେଟକୁ ବନ୍ଦ କରିଦିଆଯିବ ବୋଲି ସ୍ପଷ୍ଟ କରାଯାଇଥିଲା । ଯାହାକି ଏବେ ପୂରଣ ହେବାକୁ ବସିଛି ।
ସୂଚନା ମୁତାବକ, ଆରବିଆଇ ଦେଶରେ ଲାଇସେନ୍ସ ପ୍ରାପ୍ତ ସମସ୍ତ ମୋବାଇଲ ୱାଲେଟ କଂପାନୀଗୁଡିକୁ ନିଜ ଗ୍ରାହକମାନଙ୍କର ରକଣଉ ନର୍ମ୍ସ ପୂରା କରିବାର ନିର୍ଦ୍ଦେଶ ଦେଇଥିଲା । ଏଥିପାଇଁ କଂପାନୀମାନଙ୍କୁ ଏକ ନିର୍ଦ୍ଧାରିତ ସମୟସୀମା ମଧ୍ୟ ଘୋଷଣା କରିଥିଲା । ଯାହାକି ୨୮ ଫେବୃଆରୀ ୨୦୧୮ ରହିଛି । ମାତ୍ର ବିଡମ୍ବାନା ହେଲା ଏଯାବତ୍ ମାତ୍ର ଅଳ୍ପ ସଂଖ୍ୟକ କଂପାନୀ ଆରବିଆଇର ଏହି ନିଷ୍ପତିକୁ ପାଳନ କରିଛନ୍ତି ବାକି କଂପାନୀମାନେ ଏବେବି ଖାଲିରେ ବସିଛନ୍ତି । ତେଣୁ ଆରବିଆଇକୁ ବାଧ୍ୟ ହୋଇ ଉକ୍ତ କଂପାନୀଗୁଡିକର ମୋବାଇଲ ୱାଲେଟ୍ ଭଳି ବ୍ୟବସ୍ଥାକୁ ବନ୍ଦ କରିବାକୁ ପଡିପାରେ ବୋଲି ମିଳିଥିବା ସୂଚନାରୁ ଯାହା ଜଣାପଡିଛି ।
ସୌଜନ୍ୟ: ଦୈନିକ୍ ଜାଗରଣ