ରେଳ ମନ୍ତ୍ରଣାଳୟର ନବକଳେବର ! ଜାଣନ୍ତୁ କଣ ରହିଛି ଆପଣଙ୍କ ପାଇଁ ସୁବିଧା
ଜୁଲାଇ ପହିଲାରୁ ରେଳ ମନ୍ତ୍ରଣାଳୟ ଯାତ୍ରୀମାନଙ୍କର ସୁବିଧା ପାଇଁ ପୂର୍ବରୁ ଥିବା ସେବାଗୁଡିକରେ କିଛି ପରିବର୍ତ୍ତନ କରିବାକୁ ଯାଉଛନ୍ତି । ଯାହା ଦ୍ୱାରା ସମସ୍ତ ଯାତ୍ରୀମାନଙ୍କୁ ରେଳ କ୍ଷେତ୍ରରେ ଏକ ବଡ ଧରଣର ପରିବର୍ତ୍ତନ ହେବା ଭଳି ପ୍ରତୀୟ ହୋଇପାରେ । ତେବେ ଆସନ୍ତୁ ଜାଣିବା ସେ ସଂପର୍କରେ ଅଧିକ ସୂଚନା ।
Kanak News is now on WhatsApp
Join and get latest news updates delivered to you via WhatsApp
ରେଳ ବିଭାଗର ସ୍ପଷ୍ଟି କରଣ
ଏହି ବାବଦରେ ରେଳ ମନ୍ତ୍ରଣାଳୟ ନିଜର ସ୍ପଷ୍ଟିକରଣ ଦେଇ କହିିଛି କି, ଜୁଲାଇ ପହିଲାରୁ ସେଭଳି କିଛି ପରିବର୍ତ୍ତନ କରାଯାଇନାହିଁ । ରେଳ ମନ୍ତ୍ରଣାଳୟ ପୁଣି ମଧ୍ୟ କହିଛି, ଶତାଦ୍ଦି ଓ ରାଜଧାନୀ ଟ୍ରେନ କିମ୍ବା ଟେନର କୌଣସି ବି ଶ୍ରେଣୀ ପାଇଁ କାଗଜ ଟିକେଟକୁ ବନ୍ଦ କରାଯିବାର କୌଣସି ପ୍ରକାରର ପ୍ରସ୍ତାବ ଆସିନାହିଁ ।
ହଁ ଅନଲାଇନ୍ ଟିକେଟ୍ ବୁକ୍ କରୁଥିବା ଯାତ୍ରୀମାନଙ୍କ ପାଇଁ ଏସଏମଏସଦ୍ୱାରା ପ୍ରାପ୍ତ ଟିକେଟ୍ ସହ ନିଜର ପରିଚୟ ପତ୍ର ସହିତ ବୈଧ ଅଟେ । ସେହିପରି ବିଜ୍ଞପ୍ତି ଅନୁସାରେ ନଭେମ୍ବର, ୨୦୧୫ରେ ଅଧିସୂଚିତ ରିଫଣ୍ଡ ନିୟମଗୁଡିକରେ କୌଣସି ପ୍ରକାର ପରିବର୍ତ୍ତନ କରାଯାଇନାହିଁ । ରେଳବାଇ ଅକ୍ଟୋବରରୁ ଏନେଇ ନୁଆ ସମୟ ବିବରଣୀ ଆଣିବାକୁ ଯାଉଛି ।
ଆଂଚଳିକ ଭାଷାରେ ମଧ୍ୟ ମିଳିବ ଟିକେଟ୍
ବଦଳିଥିବା ନିୟମ ଆଧାରରେ ଜୁଲାଇ ୧ରୁ ଅନଲାଇନରେ ୱେଟିଂ ଟିକେଟ୍ ମିଳିବନାହିଁ । ଏଥିସହିତ ଶତାଦ୍ଦି, ରାଜଧାନୀ ଭଳି ଅନ୍ୟ ଟ୍ରେନମାନଙ୍କରେ ମଧ୍ୟ କୋଚର ସଂଖ୍ୟା ବଢାଇ ଦିଆଯିବ । ତତକାଳୀନ ଟିକେଟର ଆରକ୍ଷଣ ରଦ୍ଦ କରିବାଦ୍ୱାରା ଏଣିକି ତାର ଅଧା ରିଫଣ୍ଡ ଯାତ୍ରୀମାନଙ୍କୁ ମିଳିବ । ଏଥିସହିତ ଯାତ୍ରୀମାନଙ୍କ ଦାବିକୁ ଦୃଷ୍ଟିରେ ରଖି ଏଣିକି ଆଂଚଳିକ ଭାଷାରେ ମଧ୍ୟ ଟ୍ରେନ୍ ଟିକେଟ୍ ଉପଲବ୍ଧ ହେବ ।
ଯାତ୍ରୀଙ୍କୁ ମିଳିବ ନାହିଁ ୱେଟିଂ ଟିକେଟ୍
ଟିକେଟ୍ ରଦ୍ଦ କରିବା ପରେ ଏହାର ଅଧା ଟଙ୍କା ଯାତ୍ରୀଙ୍କୁ ମିଳିବ ଏବଂ ଏହାର କୋଚ୍ ହିସାବରେ ଚାର୍ଜ ଲାଗିବ । ତେବେ ଏସି ଫାଷ୍ଟ ଏବଂ ସେକେଣ୍ଡର ଟିକେଟ୍ ରଦ୍ଦ କରିବା ଦ୍ୱାରା ୧୦୦ ଟଙ୍କା ଅତିରିକ୍ତ ବାବଦକୁ କାଟି ଦିଆଯିବ । ଏସି ଥାର୍ଡ ଉପରେ ୯୦ ଟଙ୍କା ଏବଂ ସ୍ଲିପର କ୍ଲାସର ଟିକେଟ୍ ରଦ୍ଦ କରିବା ବାବଦକୁ ଉପରେ ୬୦ ଟଙ୍କା ଅତିରିକ୍ତ ବାବଦକୁ କାଟି ଦିଆଯିବ ।
ତତକାଳୀନ ଟିକେଟ୍ ରଦ୍ଦ ହେବା ଉପରେ ଫେରି ପାଇବେ ୫୦ ପ୍ରତିଶତ ଭଡା
ତତକାଳ ଟିକେଟ୍ ରଦ୍ଦ କରିବା ଉପରେ ଏଣିକି ୫୦ ପ୍ରତିଶତ ଭଡା ଫେରସ୍ତ ମିଳିବ । ଅର୍ଥାତ୍ ଏଣିକି ଟିକେଟ୍ ବାବଦକୁ ଦେଇଥିବା ପୁରା ଟଙ୍କାର କ୍ଷତି ଯାତ୍ରାଙ୍କୁ ସହିବାକୁ ପଡିବ ନାହିଁ । ଖାଲି ସେତିକି ନୁହେଁ, ରେଳ ଟିକେଟ୍ କାଉଂଟରର ଝରକା ଖୋଲିବା କ୍ଷଣି ଯାତ୍ରୀମାନେ ଅନଲାଇନ୍ ତତକାଳ ଟିକେଟ୍ ବୁକ୍ କରିପାରିବେ । ତେବେ ଏସି କ୍ଲାସ ପାଇଁ ତତକାଳ ଟିକେଟର ବୁକିଂ କରିବାର ସମୟ ସକାଳ ୧୦ରୁ ୧୧ ଟା ଯାଏଁ ରଖାଯାଇଥିବା ବେଳେ ସ୍ଲିପର ପାଇଁ ୧୧ରୁ ୧୨ଟା ମଧ୍ୟରେ ରଖାଯାଇଛି ।
ରାଜଧାନୀ-ଶତାଦ୍ଦିରେ କୋଚ୍ ସଂଖ୍ୟା ବଢିବ
ରାଜଧାନୀ-ଶତାଦ୍ଦିରେ ଯାତ୍ରୀମାନଙ୍କ ଭିଡକୁ ଦୃଷ୍ଟିରେ ରଖି ଏହି ଟ୍ରେନମାନଙ୍କରେ କୋଚ୍ ସଂଖ।। ବଢାଇ ଦିଆଯିବ । ଯାହାଦ୍ୱାରା ଯାତ୍ରୀମାନଙ୍କୁ ଅଧିକ ସଂଖ୍ୟାରେ କନଫର୍ମ ଟିକେଟ୍ ମିଳିପାରିବ । ଏଥସହିତ ରାଜଧାନୀ- ଶତାଦ୍ଦିରେ ଯାତ୍ରୀମାନଙ୍କ ପାଇଁ ପେପରଲେସ୍ ଟିକେଟିଂର ସୁବିଧା ମଧ୍ୟ କରାଯିବ ।
ଯାହାର ଅର୍ଥ ସେମାନେ ଦେଇଥିବା ମୋବାଇଲ ନମ୍ବରରେ ଟିକେଟ୍ ବାବଦର ସମସ୍ତ ତଥ୍ୟ ଉପଲବ୍ଧ ହେବ । ଯାହା ଯାତ୍ରା ସମୟରେ ପରିଚୟ ପତ୍ର ସହିତ ଟିଟିଇଙ୍କୁ ଦେଖାଇବାକୁ ପଡିବ ।
୫୦ ହଜାର ଟଙ୍କାରେ ସାତଦିନ ପାଇଁ କୋଚ୍ ବୁକ୍
ନୁଆ ନିୟମ ଅନୁସାରେ କୌଣସି ବି ବ୍ୟକ୍ତି ୫୦ ହଜାର ଟଙ୍କାରେ ସାତଦିନ ପାଇଁ କୋଚ୍ ବୁକ୍ କରିପାରିବେ । ସେହିପରି ୯ ଲକ୍ଷ ଦେଇ କୌଣସି ବି ବ୍ୟକ୍ତି କିମ୍ବା ସଂଗଠନ ସାତଦିନ ପାଇଁ ୧୮ ବଗି ବିଶିଷ୍ଟ ପୁରା ରେଳଗାଡିଟିକୁ ବୁକିଂ କରିପାରିବେ ।
ଯଦି ତାଙ୍କୁ ୧୮ ବଗିରୁ ଅଧିକ ବଗି ଆବଶ୍ୟକ ପଡେ ତେବେ ସେ ୫୦ ହଜାର ଟଙ୍କା ପ୍ରତି କୋଚ୍ ବାବଦରେ ଅତରିକ୍ତ ଜମା କରି ବୁକ୍ କରିପାରିବେ । ତେବେ ସାତ ଦିନରୁ ଅଧିକ କୋଚ କିମ୍ବା ରେଳଗାଡି ବୁକିଂ କରିବାକୁ ହେଲେ ପ୍ରତିଦିନ ହିସାବରେ ୧୦ ହଜାର ଟଙ୍କା ପ୍ରତି କୋଚ ପାଇଁ ଦେବାକୁ ପଡିବ ।
ସୌଜନ୍ୟ: ଦୈନିକ୍ ଜାଗରଣ
ଏହାସହ ମଧ୍ୟ ପଢନ୍ତୁ- ଜିଏସଟିକୁ ନେଇ ଗୋଟିଏ ସତ୍ୟ ! ଯାହା ସଂପର୍କରେ ଜନତା ଅଜ୍ଞ