କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧି ଯେତେବେଳେ ବିଦେଶ ଗସ୍ତରେ ଥାନ୍ତି ସେତେବେଳେ ସମସ୍ତ ଗଣମାଧ୍ୟମଗୁଡିକର ନଜର କେବଳ ତାଙ୍କ ଉପରେ ହିଁ ରହିଥାଏ ଆଉ ବିଦେଶରେ ରାହୁଲଙ୍କ ଭାଷଣ ସାରା ଦେଶରେ ପାଲଟିଯାଏ ଚର୍ଚ୍ଚାର ବିଷୟ । କାରଣ ରାହୁଲ ଗାନ୍ଧି ତାଙ୍କ ଭାଷଣରେ କେତେବେଳେ ନିଜ ଦଳର ଗୁଣଗାନ କରିଥାନ୍ତି ତ ପୁଣି କେତେବେଳେ ପ୍ରଧାନମନ୍ତ୍ରୀଙ୍କୁ କଟାକ୍ଷ କରିଥାନ୍ତି । ତେବେ ସୋସିଆଲ ମିଡିଆରେ ରାହୁଲ ଗାନ୍ଧିଙ୍କୁ ନେଇ ଅନେକ ଖବର ଏବଂ ଫଟୋ ମଧ୍ୟ ଭାଇରାଲ ହୋଇଥାଏ । ଏବଂ ଯେଉଁଥିରେ କି କେବଳ ରାଜନୈତିକ ଗନ୍ଧ ବାରି ହୋଇଯାଇଥାଏ । ହେଲେ ଏଥରକ କିନ୍ତୁ ରାହୁଲଙ୍କର ଏକ ବିଶେଷ ଫଟୋ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ଯାହାକୁ ନା ତ ରାହୁଲ ଗାନ୍ଧି ପୋଷ୍ଟ କରିଛନ୍ତି ନା ହିଁ ରାହୁଲ ଗାନ୍ଧିଙ୍କର କୌଣସି ବନ୍ଧୁ କିମ୍ବା ସାଥୀ ନେତା ବରଂ ଜଣେ ଯୁବତୀ ୧୪ ସେପ୍ଟେମ୍ବରରେ ଇଷ୍ଟାଗ୍ରାମ ଏବଂ ଟୁଇଟରରେ ପୋଷ୍ଟ କରିଛନ୍ତି ।

ଏହି ଫଟୋରେ ରାହୁଲ ଗାନ୍ଧି ଏବଂ ଉକ୍ତ ଯୁବତୀ ଜଣକ ବେଶ୍ ଖୁସି ଥିବାର ନଜର ଆସିଛନ୍ତି । ତେବେ ପୋଷ୍ଟ କରିଥିବା ମହିଳା ଜଣକ ହେଉଛନ୍ତି ନଥାଲିୟା ରାମୋସ ।

ସୂଚନା ମୁତାବକ, ନିକଟରେ ନଥାଲିୟା ଇଷ୍ଟାଗ୍ରାମ ଏବଂ ଟୁଇଟରରେ ରାହୁଲ ଗାନ୍ଧି ଏବଂ ନିଜର କିଛି ଫଟୋ ପୋଷ୍ଟ କରିଛନ୍ତି । ଖାଲି ସେତିକି ନୁହେଁ ସେ ଏହି ଫଟୋକୁ ପୋଷ୍ଟ କରିବା ସହ କିଛି କଥା ମଧ୍ୟ ସେଠାରେ ଉଲ୍ଲେଖ କରିଛନ୍ତି । ସେ ଲେଖିଛନ୍ତି ଯେ, ରାହୁଲ ଗାନ୍ଧିଙ୍କ ସହିତ ଦୁନିଆର ଭିନ୍ନ ଭିନ୍ନ ସ୍ଥାନ ଏବଂ ନାଇଜେରିଆରୁ ଆସିଥିବା ସକରାତ୍ମକ ଚିନ୍ତାଧାରା ରଖିଥିବା ଲୋକଙ୍କ ସହ ମିଶି ମୋତେ ବହୁତ ଖୁସି ଲାଗିଲା । ସେ ଆହୁରୀ ମଧ୍ୟ ଲେଖିଥିଲେ, ଖୋଲା ମିଜାଜ୍ ଏବଂ ଖୋଲା ହୃଦୟ ସହିତ ହିଁ ଆମେ ଏହି ପୃଥିବୀକୁ ସବୁଠୁ ଭଲ ସ୍ଥାନ ଭାବେ ଗଢିପାରିବା । ଆଉ ମୋତେ ଏହି ଅନୁଭୂତି ସହ ପରିଚୟ କରିଥିବାରୁ ଧନ୍ୟବାଦ ।

ତେବେ ସୋସିଆଲ ମିଡିଆରେ ଏହି ଫଟୋ ଏବେ ଦ୍ରୁତ ଗତିରେ ଭାଇରାଲ ହେବାରେ ଲାଗିଛି । ଏବଂ ସମସ୍ତଙ୍କ ମନରେ ଏବେ ଉତ୍କଣ୍ଠା ଦେଖାଦେଇଛି କି ଏହି ମହିଳା ଜଣକ ବାସ୍ତବରେ କିଏ । ଏଠାରେ ଆମେ କହି ରଖୁଛୁ କି, ନଥାଲିୟାଙ୍କ ସଂପୂର୍ଣ୍ଣ ନାଁ ହେଉଛି, ନଥାଲିୟା ନୋରା ରାମୋସ କୋହେନ । ନଥାଲିୟା ଉଭୟ ସ୍ପେନିସ- ଅଷ୍ଟ୍ରେଲିୟାର ଜଣେ ଖ୍ୟାତନାମା ଅଭିନେତ୍ରୀ ଏବଂ ଏବେ ତାଙ୍କ ନିକଟରେ ଆମେରକାର ନାଗରିକତା ମଧ୍ୟ ରହିଛି ।

୨୦୦୭ରେ ସିମେନା ‘ଯସ୍ମିନ’ ଏବଂ ୨୦୧୩ରେ  ‘ଆଇ ଦଲ ଡେମ୍ଡ’ ପାଇଁ ତାଙ୍କୁ ସେ ଖୁବ୍ ପରିଚିତ । ନଥାଲିୟଙ୍କ ଜନ୍ମ ୧୯୯୨ରେ ସ୍ପେନର ମେଡ୍ରିଡ ସହରରେ ହୋଇଥିଲା । ନଥାଲିୟାଙ୍କ ମାଆ ଅଷ୍ଟ୍ରେଲିୟାର ନିବାସୀ ଅଟନ୍ତି ଏବଂ ବାପା ସ୍ପେନିସ ପପ୍ ସିଙ୍ଗର ଜୁଆନ କାର୍ଲାସ ରାମୋସ ବକେରୋ । ଯିଏ କି ଇୱାନ ନାଁରେ ଜଣାଶୁଣା । ନଥାଲିୟା ଯେତେବେଳେ ଦୁଇ ବର୍ଷର ହୋଇଥିଲେ ସେତେବେଳେ ସେ ଅଷ୍ଟ୍ରେଲିୟା ଚାଲି ଆସିଥିଲେ ଆଉ ସେଠାରେ ହିଁ ତାଙ୍କର ଲାଳନ ପାଳନ ହୋଇଥିଲା ।

ସୌଜନ୍ୟ- ବିବିସି ନ୍ୟୁଜ୍