ଅଧିକାଂଶ ଲୋକେ ଏଫଡି କିମ୍ବା ଅନ୍ୟ ତରିକାରେ ଟଙ୍କା ନିବେଶ କରିଥାନ୍ତି, ଯେଉଁଠୁ ତାଙ୍କୁ ଏକ ଭଲ ରିଟର୍ଣ୍ଣ ମିଳି ପାରିବ । କିନ୍ତୁ ଫାଇନାନ୍ସିଆଲ ମାର୍କେଟରେ ଏଭଳି ନିବେଶ ଜରୁରୀ ନୁହେଁ କି ତାହା ସୁରକ୍ଷିତ ହୋଇପାରେ । ଏଭଳି ପରିସ୍ଥିତିରେ ସ୍ୱଳ୍ପ ସଂଚୟ ଯୋଜନାଗୁଡିକ ବି ଆପଣଙ୍କର ବହୁତ କାମରେ ଆସିପାରେ । ଆଜି ଆମେ ଆପଣଙ୍କୁ ପୋଷ୍ଟ ଅଫିସର ଏଭଳି ହିଁ ଏକ ସ୍ୱଳ୍ପ ସଂଚୟ ଯୋଜନା ତଥା ରେକରିଂ ଡିପୋଜିଟ ସଂପର୍କରେ ଜଣାଇବୁ , ଯେଉଁଠି ଆପଣଙ୍କର ଟଙ୍କା ଉପରେ୍ ଅଧିକ ସୁଧ ମିଳିବ । ଗୁରୁତ୍ୱପୂର୍ଣ୍ଣ କଥା ହେଲା କି, ଏଠାରେ ପ୍ରତିଟି ଟଙ୍କା ଉପରେ ସୁରକ୍ଷା ଗ୍ୟାରେଂଟି ମଧ୍ୟ ସରକାରଙ୍କ ତରଫରୁ ମିଳିବ । ତେବେ ଏହି ଯୋଜନାଟିକୁ ଆପଣ ମାତ୍ର ୧୦ ଟଙ୍କାରୁ ବି ଆରମ୍ଭ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ବ୍ୟାଙ୍କର ସେଭିଂ ଆକାଉଂଟଠୁ ଦୁଇଗୁଣା ରିଟର୍ଣ୍ଣ ପାଇବା ପାଇଁ ସବୁଠାରୁ ଭଲ ବିକଳ୍ପ ହେଉଛି ପୋଷ୍ଟ ଅଫିସର ସ୍ମଲ ସେଭିଂ ସ୍କିମ ବା ରେକରିଂ ଡିପୋଜିଟ୍ ତଥା ଆରଡି । ପୋଷ୍ଟ ଅଫିସର ୧ ବର୍ଷରୁ ୫ ବର୍ଷ ପର୍ଯ୍ୟନ୍ତର ଏହି ଆରଡି ସ୍କିମ ଉପରେ ବର୍ଷକୁ ମିଳୁଛି ୬.୯ ପ୍ରତିଶତ ସୁଧ ।
ସେଭିଂ ଆକାଉଂଟ
ଯଦି ବ୍ୟାଙ୍କ କିମ୍ବା ପୋଷ୍ଟ ଅଫିସର ସେଭିଂ ଆକାଉଂଟରେ ପ୍ରତି ମାସ ୨ ହଜାର ଟଙ୍କା ଲେଖାଏଁ ଜମା କରନ୍ତି ତେବେ ୫ ବର୍ଷରେ ଆପଣଙ୍କର ମୋଟ୍ ନିବେଶ ୧.୨୦ ଲକ୍ଷ ଟଙ୍କା ହେବ । ସେହିପରି, ବର୍ଷକୁ ୪ ପ୍ରତିଶତ ମିଳୁଥିବା ସୁଧ ହିସାବରେ ୫ ବର୍ଷରେ ଆପଣଙ୍କ ଟଙ୍କା ୧,୩୫,୧୯୧ ଟଙ୍କା ହୋଇଯିବ । ଅର୍ଥାତ୍ ଆପଣଙ୍କୁ ସୁଧ ବାବଦକୁ ମିଳିଲା ୧୫୧୯୧ ଟଙ୍କା ।
ଆରଡି
ଯେବେକି ଆରଡିରେ ପ୍ରତି ମାସ ୨ ହଜାର ଟଙ୍କା ପର୍ଯ୍ୟନ୍ତ ଜମା କଲେ ୫ ବର୍ଷରେ ଆପଣଙ୍କର ମୋଟ ନିବେଶ ୧.୨୦ ଲକ୍ଷ ଟଙ୍କା ହୋଇଯିବ । ସେହିପରି , ଆପଣଙ୍କୁ ପୋଷ୍ଟ ଅଫିସ ଆରଡି ଉପରେ କ୍ୱାର୍ଟଲି କଂପାଉଣ୍ଡିଂ ଉପରେ ବାର୍ଷିକ ୬.୯ ପ୍ରତିଶତ ସୁଧ ମିଳିଥାଏ । ଏହି ଦୃଷ୍ଟିରୁ ଆପଣଙ୍କର ଟଙ୍କା ୫ ବର୍ଷରେ ପାଖାପାଖି ୧,୪୪,୩୦୫ ଟଙ୍କା ହୋଇଯିବ । ଅର୍ଥାତ୍ ଆପଣଙ୍କୁ ୨୪୩୦୫ ଟଙ୍କା ଅତିରିକ୍ତ ମିଳିଲା ।
କିପରି ଖୋଲିବେ ଖାତା
ଆରଡି ଆକାଉଂଟ ପୋଷ୍ଟ ଅଫିସ, ବ୍ୟାଙ୍କ ଯାଇ କିମ୍ବା ଅନଲାଇନରେ ବି ଖୋଲି ପାରିବେ । ଆପଣ ମୋବାଇଲ ଆପରୁ ବି ଏହାକୁ ଖୋଲି ପାରିବେ । ଯଦି ଆପଣ ପୋଷ୍ଟ ଅଫିସରେ ଆରଡି ଖୋଲୁଛନ୍ତି ତେବେ କ୍ୟାସ କିମ୍ବା ଚେକ ଦେଇ ଏହାକୁ ଖୋଲି ପାରିବେ । ଆପଣଙ୍କର ଆକାଉଂଟ ଗୋଟିଏ ପୋଷ୍ଟ ଅଫିସରୁ ଅନ୍ୟ ଏକ ପୋଷ୍ଟ ଅଫିସକୁ ଟ୍ରାନ୍ସଫର ମଧ୍ୟ କରିପାରିବେ । ଦୁଇ ଜଣେ ଆଡଲ୍ଟଙ୍କ ନାଁରେ ଆପଣ ଜଏଂଟ ଆକାଉଂଟ ମଧ୍ୟ ଖୋଲି ପାରିବେ । ତେବେ ଆରଡି ଆକାଉଂଟ ଖୋଲିବା ପୂର୍ବରୁ ଧ୍ୟାନ ରଖିବେ କି ଏଥିରୁ ଆପଣଙ୍କୁ କେତେ ପରିମାଣରେ ସୁଧ ମିଳୁଛି । ଯଦି ଆରଡି ଉପରେ ୧୦ ହଜାରରୁ ଅଧିକ ସୁଧ ମିଳେ ତେବେ ତାହା ଟ୍ୟାକ୍ସେବୁଲ ହେବ ।