ଆସନ୍ତାକାଲିଠାରୁ ଆରମ୍ଭ ହୋଇପାରେ କେନ୍ଦ୍ର ସରକାରଙ୍କ ବହୁଚର୍ଚ୍ଚିତ ଆୟୁଷ୍ମାନ ଭାରତ ଯୋଜନା । ସ୍ୱାଧୀନତା ଦିବସ ଅବସରରେ ଲାଲକିଲ୍ଲାରେ ଏନେଇ ଘୋଷଣା କରିପାରନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ତେବେ କେନ୍ଦ୍ର ସରକାରଙ୍କ ବହୁଚର୍ଚ୍ଚିତ ଆୟୁଷ୍ମାନ ଭାରତ ଯୋଜନାକୁ କ୍ୟାବିନେଟ୍ ଅନୁମୋଦନ ମିଳିସାରିଛି । ୧୦କୋଟି ଗରୀବ ପରିବାରଙ୍କୁ ୫ ଲକ୍ଷ ଟଙ୍କାର ବାର୍ଷିକ ବୀମା ଦେବା ପାଇଁ ପ୍ରସ୍ତାବିତ ନମୋକେୟାର ତଥା ଆୟୁଷ୍ମାନ ଭାରତ-ରାଷ୍ଟ୍ରୀୟ ସ୍ୱାସ୍ଥ୍ୟ ସୁରକ୍ଷା ମିଶନ ୧୫ ଅଗଷ୍ଟରୁ ୧୧ଟି ରାଜ୍ୟର ମନୋନିତ ଜିଲ୍ଲାମାନଙ୍କରେ ଲାଗୁ ହୋଇପାରେ। ଏନେଇ ଆସନ୍ତାକାଲି ଲାଲକିଲ୍ଲାଠାରେ ଘୋଷଣା କରିପାରନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
Kanak News is now on WhatsApp
Join and get latest news updates delivered to you via WhatsApp
ଏହି ଯୋଜନାରେ ସାଧାରଣ ଜନତାଙ୍କୁ ସ୍ୱାସ୍ଥ୍ୟସେବା ଯୋଗାଇଦେବାକୁ ଲକ୍ଷ୍ୟ ରହିଛି । ଦେଶର ପ୍ରାୟ ୧୧ କୋଟି ପରିବାର ଏହି ଯୋଜନାରେ ଉପକୃତ ହେବେ ବୋଲି ଆକଳନ କରାଯାଇଛି । ପ୍ରତି ପରିବାରକୁ ୫ଲକ୍ଷ ଲେଖାଏଁ ବୀମା ପ୍ରଦାନ କରାଯିବ । ଆୟୁଷ୍ମାନ ଭାରତ ଯୋଜନା ନେଇ କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟଲୀ ଚଳିତ ବଜେଟରେ ଘୋଷଣା କରିଥିଲେ । ଯାହାକୁ ଆସନ୍ତାକାଲି ମୋଦି ଲାଲକିଲ୍ଲାଠାରେ ଘୋଷଣା କରିପାରନ୍ତି ।
ଆୟୁଷ୍ମାନ ଭାରତ ସ୍କିମ ଉପରେ ନଜର ରଖିବା ପାଇଁ ଏକ ବିଭାଗ ପ୍ରସ୍ତୁତ କରିବା ପାଇଁ ମଧ୍ୟ ରହିଛି । ଯେଉଁଥିରେ ଏହି ସ୍କିମ ନିରୀକ୍ଷଣ କରିବା ପାଇଁ କେନ୍ଦ୍ର ତରଫରୁ ୬୦ ଭାଗ ଏବଂ ରାଜ୍ୟ ୪୦ ଭାଗ ଖର୍ଚ୍ଚ ବହନ କରିବ ।ତେବେ ଏହି ଯୋଜନାର ପ୍ରଭାବ ଆଗାମୀ ଲୋକସଭା ନିର୍ବାଚନେରେ ପଡିବା ନେଇ ଚର୍ଚ୍ଚା ଜୋର ଧରୁଛି । ବର୍ତ୍ତମାନ ଆସନ୍ତୁ ଜାଣିବା ଏହି ଯୋଜନାରେ ଜଡିତ ହୋଇ ରହିଥିବା କିଛି ଖାସ୍ କଥା ଯାହା ଭାରତବାସୀଙ୍କ ହିତ ସାଧନ କରିିବାରେ ସହାୟକ ହୋଇପାରିବ ।
୧. ଏହି ଯୋଜନାର ଲକ୍ଷ୍ୟ ଭାରତର ୧୦.୭ କୋଟି ଲୋକ ଏବଂ ପରିବାରକୁ ସ୍କିମ ସହ ଯୋଡିବା ।
୨. ମୋଦିକେୟାର ଯୋଜନା ମାଧ୍ୟମରେ ପ୍ରତି ପରିବାରକୁ ୫ ଲକ୍ଷ ଲେଖାଏଁ ସ୍ୱାସ୍ଥ୍ୟ ବୀମା ମିଳିବ ।
୩. ପରିବାରର ସବୁ ସଦସ୍ୟ ଏହି ଯୋଜନା ସହ ଜଡିତ ହୋଇପାରିବେ ।
୪. ଏହି ଯୋଜନା ଅନୁସାରେ କେଉଁ ପରିବାରକୁ ଏହାର ସୁବିଧା ମିଳିବ ତାହା ଆର୍ଥିକ ଆଧାରରୁ ସି୍ଥର କରାଯିବ ।
୫. ଯୋଜନା ଅନ୍ତର୍ଗତ ପରିବାରକୁ ସରକାରୀ,ବେସରକାରୀ କିମ୍ବା ଦେଶର ଯେକୌଣସି ସ୍ଥାନରେ ଚିକିତ୍ସିତ ହେବାର ସୁବିଧା ମିଳିବ ।
୬. ଆୟୁଷ୍ମାନ ଭାରତ ସ୍କିମ ସମ୍ପୂର୍ଣ୍ଣ ଭାବେ କ୍ୟାସଲେସ ଅଟେ ।
୭. ଏହି ଯୋଜନାରେ ବୀମା କଭରକୁ ନେଇ ନିର୍ଦ୍ଧିଷ୍ଟ ବୟସସୀମାର ଆବଶ୍ୟକତା ନାହିଁ ।
୮. ଯୋଜନା ଅନୁସାରେ ଭାରତରେ ୧.୫ ଲକ୍ଷ ସ୍ୱାସ୍ଥ୍ୟ କେନ୍ଦ୍ର ପ୍ରସ୍ତୁତ ହେବ । ଏହି ଯୋଜନାରେ ବେସରକାରୀ କେନ୍ଦ୍ର ମଧ୍ୟ ଅନ୍ତର୍ଭୁକ୍ତ ।