ଚର୍ଚ୍ଚାରେ ହଙ୍କକଙ୍ଗର ଏକ ସହର ! ଯେଉଁଠି ପଶୁ ନୁହେଁ ବରଂ ମଣିଷ ଅତିବାହିତ କରନ୍ତି ବନ୍ଦୀର ଜୀବନ
ସାଧାରଣତଃ ଆପଣ ଦେଖିଥିବେ ବିଶ୍ୱରେ ଏବେବି ଅନେକ ଲୋକ ଅଛନ୍ତି ଯାହାଙ୍କ ପାଖରେ ରହିବାକୁ ଭଲ ଘର ଖଣ୍ଡେ ନାହିିଁ । ଖାଲି ସେତିକି ନୁହେଁ ଏମାନେ ଦିନରେ ଦୁଇ ଓଳି ଭଲରେ ଖାଇବା ତ ବଡ କଥା ମୁଣ୍ଡ ଗୁଞ୍ଜିବାକୁ ଘର ଖଣ୍ଡେ ନ ପାଇ ରାସ୍ତା କଡରେ ରହୁଥିବାର କରୁଣ ଦୃଶ୍ୟ । ମାତ୍ର କେବେ ଆପଣ ଶୁଣିଛନ୍ତି ବିଶ୍ୱରେ ଏଭଳି ଏକ ସହର ରହିଛି ଯେଉଁଠି ଏହିଭଳି ଅନେକ ଲୋକ ଜୀବଜନ୍ତୁଙ୍କ ପରି ପିଞ୍ଜରାରେ ରହିବାକୁ ବାଧ୍ୟ ହୋଇଛନ୍ତି । କଥାଟା ଆପଣଙ୍କୁ ମନଗଢା କାହାଣୀ ଭଳି ଲାଗୁଥିଲେ ମଧ୍ୟ ବାସ୍ତବରେ ଏହା ସତ୍ୟ । ଏଭଳି କିଛି ଦୃଶ୍ୟ ଦେଖିବାକୁ ମିଳିଛି ଚୀନର ହଙ୍କକଙ୍ଗ୍ ସହରରେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଆପଣଙ୍କ ଜାଣିବା ପାଇଁ ଏଠାରେ କହି ରଖୁଛୁ ଯେ, ବିଶ୍ୱର ଧନୀ ରାଷ୍ଟ୍ର ତଥା ସହରମାନଙ୍କ ତାଲିକାରେ ହଙ୍କକଙ୍ଗ୍’ ମଧ୍ୟ ସ୍ଥାନ ପାଇଛି । ମାତ୍ର ବାସ୍ତବରେ ଏଠାରେ ବାସ କରୁଥିବା ଅଧିକାଂଶ ଲୋକ ଅଛନ୍ତି ଅତ୍ୟନ୍ତ ଗରିବ ।
ସୂଚନା ଅନୁସାରେ, ଏଠାରେ ଆଜି ମଧ୍ୟ ଅଧିକାଂଶ ଲୋକ ରହିଛନ୍ତି, ଯେଉଁମାନେ ମୁଣ୍ଡ ଗୁଞ୍ଜିବାକୁ ଭଲ ଘର ଖଣ୍ଡେ ପାଉନାହାଁନ୍ତି ଆଉ ପଶୁଙ୍କ ଭଳି ପିଞ୍ଜରାରେ ରହିବାକୁ ବାଧ୍ୟ ହୋଇଛନ୍ତି । ଖାଲି ସେତିକି ନୁହେଁ ଏହାର ପ୍ରତିବଦଳରେ ସେମାନଙ୍କୁ ଦେବାକୁ ପଡିଥାଏ ପାଖାପାଖି ୧୧ ହଜାର ଟଙ୍କା ।
ତେବେ ଏହି ପିଞ୍ଜରାଗୁଡିକ ଲୁହାରେ ତିଆରି ହୋଇଥାଏ । ଆଉ ଯାହାର ସାଇଜ୍ ପୂର୍ବ ନିର୍ଦ୍ଧାରିତ ହୋଇଥାଏ । ଉପଯୁକ୍ତ ଜାଗା ଅଭାବରୁ ଏହି ପିଞରାଗୁଡିକୁ ଗୋଟିଏ ସ୍ଥାନରେ ହିଁ ରଖାଯାଇଥାଏ । ତେବେ ଘର ଅଭାବରୁ ହଙ୍ଗକଙ୍ଗରେ ଥିବା ଏଭଳି ପିଞ୍ଜରାଗୁଡିକରେ ତଥା ଗୋଟିଏ ଆପାର୍ଟମେଂଟରେ ୧୦୦ ଲୋକ ବାସ କରୁଥିବାବେଳେ ମୋଟ ଉପରେ କହିବାକୁ ଗଲେ ଏହି ସହରରେ ପାଖାପାଖି ଏକ ଲକ୍ଷ ଲୋକ ଏଭଳି ସ୍ଥାନରେ ରହିବାକୁ ବାଧ୍ୟ ଅଛନ୍ତି ।