ପାସପୋର୍ଟକୁ ନେଇ ହେବାକୁ ଯାଉଛି ୩ଟି ବଡ ପରିବର୍ତ୍ତନ ! କିନ୍ତୁ ଆପଣଙ୍କ ମୁଣ୍ଡବ୍ୟଥାର କାରଣ ହୋଇପାରେ ଗୋଟିଏ ନିୟମ
ଯଦି ଆପଣ ପାସପୋର୍ଟ ବନାଇବାକୁ ଯାଉଛନ୍ତି ତେବେ ଏଥିରେ ହୋଇଥିବା ତିନୋଟି ବଡ ପରବର୍ତ୍ତନ ସଂପର୍କରେ ନିଶ୍ଚୟ ଜାଣି ରଖନ୍ତୁ । ନଚେତ୍ ଏହି ନୂଆ ନିୟମ କାରଣରୁ ଆପଣ ଭବିଷ୍ୟତରେ ଅସୁବିଧାରେ ପଡିପାରନ୍ତି । ଯାହା ସଂପର୍କରେ ଆମେ ନିମ୍ନରେ ଆଲୋଚନା କରିଛୁ ।
Kanak News is now on WhatsApp
Join and get latest news updates delivered to you via WhatsApp
ଅନଲାଇନ୍ ପୁଲିସ ଭେରିଫିକେସନ
ପାସପୋର୍ଟ ଅଧିକାରୀ ତଥା ଶିବାସ କବିରାଜଙ୍କ ସୂଚନା ଅନୁସାରେ, ପାସପୋର୍ଟ ପାଇଁ ଅନଲାଇନ ପୁଲିସ୍ ଭେରିଫିକେସନ ଆରମ୍ଭ କରାଯିବ । ଗତ ବର୍ଷ ଅଗଷ୍ଟ ମାସରେ କ୍ରାଇମ ଆଣ୍ଡ କ୍ରିମିନାଲ ଟ୍ରାକିଂ ନେଟୱର୍କ ଆଣ୍ଡ ସିଷ୍ଟମ ପ୍ରୋଜେକ୍ଟ ତଥା ସିସିଟିଏନେସକୁ ପାସପୋର୍ଟ ସର୍ଭିସ ସହିତ ଲିଙ୍କ କରିଦିଆଯାଇଛି । ଯାହାଦ୍ୱାରା ଖୁବ ଶୀଘ୍ର ଫିଜିକାଲ ପୁଲିସ ଭେରିଫିକେସନକୁ ବନ୍ଦ କରିଦିଆଯିବ । ତେବେ ଏହି ବ୍ୟବସ୍ଥା ଲାଗୁ ହେବା କ୍ଷଣି ହିଁ ଭେରିଫିକେସନ ମଧ୍ୟ ଅନଲାଇନ ହୋଇଯିବ । ଏହାଦ୍ୱାରା ପାସପୋର୍ଟ ତିଆରି ପାଇଁ ଲାଗୁଥିବା ସମୟ ଆହୁରୀ ମଧ୍ୟ କମ ହୋଇଯିବ ।
କମଳା ରଙ୍ଗର ମିଳିବ ପାସପୋର୍ଟ
ନୂଆ ନିୟମ ମୁତାବକ, ଏଣିକି ଇମିଗ୍ରେସନ ଚେକ୍ ପଏଂଟ ଉପରେ କମଳା ରଙ୍ଗର ପାସପୋର୍ଟ ପ୍ରଚଳନ କରାଯିବ । ପାସପୋର୍ଟ କାର୍ଯ୍ୟାଳୟ ତରଫରୁ ଏହି ସେବା ଖୁବ ଶୀଘ୍ର ହିଁ ଆରମ୍ଭ ହୋଇଯିବ । ତେବେ ଇସିଆର ପରିସରରେ ଆସୁଥିବା ବ୍ୟକ୍ତିବିଶେଷଙ୍କୁ ନାରଙ୍ଗି ରଙ୍ଗର ପାସପୋର୍ଟ ପ୍ରଦାନ କରାଯିବ । ସେହିପରି ନନ୍ ଇସିଆରଙ୍କୁ ନୀଳ ରଙ୍ଗର ପାସପୋର୍ଟ ହିଁ ପ୍ରଦାନ କରାଯିବ । ବର୍ତ୍ତମାନ ତିନି ପ୍ରକାରର ପାସପୋର୍ଟ ଜାରି କରାଯାଉଛି । ଧଳା ରଙ୍ଗର ପାସପୋର୍ଟ ଅଧିକାରୀ ଲୋକଙ୍କୁ ଦିଆଯାଇଥାଏ । ଲାଲ୍ ରଙ୍ଗର ପାସପୋର୍ଟ ରାଜନିତିଜ୍ଞଙ୍କୁ ଏବଂ ନୀଳ ରଙ୍ଗର ପାସପୋର୍ଟ ସାଧାରଣ ଲୋକଙ୍କୁ ଦିଆଯାଇଥାଏ ।
ଆଡ୍ରେସ ପ୍ରଫ୍ ଆଧାରରେ ବ୍ୟବହାର ହେବ ନାହିଁ
ପାସପୋର୍ଟକୁ ଏବେ ଲୋକେ ଆଡ୍ରେସ ପ୍ରୁଫ୍ ଆଧାରରେ ବ୍ୟବହାର କରିପାରିବେ ନାହିଁ । କାରଣ ଏହାର ଶେଷ ପେଜ୍ ଏବେବି ଖାଲି ରହିଛି । ଏହି ପେଜରେ ଆଡ୍ରେସ ସମେତ ଲିଗାଲ୍ ଗାର୍ଡିୟନଙ୍କ ନାମ, ମାଆ, ପତ୍ନୀ, ପତ୍ନୀଙ୍କ ନାମ ଏବଂ ପୁରୁଣା ପାସପୋର୍ଟର ନମ୍ବର ଇତ୍ୟାଦିର ତଥ୍ୟ ଦେବାକୁ ପଡିବ । ଏହି ପେଜ ଏବେ ନୂଆ ପାସପୋର୍ଟରେ ମିଳିବ ନାହିଁ । ଏଭଳି ପରିସ୍ଥିତିରେ ଆଡ୍ରେସ ପ୍ରୁଫ ଆଧାରରେ ଏବେ ପାସପୋର୍ଟ କାମ କରିପାରିବ ନାହିଁ । ଖୁବ ଶୀଘ୍ର ଏହି ସୁବିଧା ମଧ୍ୟ ଲାଗୁ କରିଦିଆଯିବ ।