୧୩ଟଙ୍କା ମୂଲ୍ୟର ଖଜୁୁରି ପ୍ୟାକେଟକୁ ୧୫ଟଙ୍କାରେ କିଣିବାରୁ ଉପଭୋକ୍ତା ଲଢିଲେ କେସ୍ ! ମିଳିଲା କ୍ଷତି ପୂରଣ ବାବଦକୁ ୧୨ହଜାର ଟଙ୍କା
ଚେନ୍ନାଇ : ଏକ ଖଜୁୁରି ପ୍ୟାକେଟର ଦାମକୁ ନେଇ ଯେ ଜଣେ କେସ୍ ଲଢିବ । ଆଉ ଦୀର୍ଘ ବର୍ଷ ପରେ ପାଇବ କ୍ଷତିପୂରଣ , ଏହା କେବେ ଆପଣ ବିଶ୍ୱାସ କରୁଛନ୍ତି । କିନ୍ତୁ ଏ କଥା ସତ । ଏମିତି ଏକ ଘଟଣା ଘଟିଛି ଚେନ୍ନାଇରେ । ନବଭାରତ ଟାଇମ୍ସରେ ପ୍ରକାଶିତ ଏହି ଖବର ଏବେ ଚର୍ଚ୍ଚାରେ ।
Kanak News is now on WhatsApp
Join and get latest news updates delivered to you via WhatsApp
ପ୍ରକାଶିତ ତଥ୍ୟ ଅନୁସାରେ, ଖଜୁୁରିର ଏକ ପ୍ୟାକେଟ କିଣିବା ବେଳେ ସୂଚିତ ଦାମ୍ ଠାରୁ ୨ଟଙ୍କା ଅଧିକ ଗ୍ରାହକଙ୍କ ଠାରୁ ନେଇଥିଲେ ଦୋକାନୀ । ଆଉ କେବିନ ଜୋସେଫ ରେବଲୋ ନାମକ ଏହି ଗ୍ରାହକ ଜଣକ ଦୀର୍ଘ ୧୧ ବର୍ଷ ଲଢିଥିଲେ ଆଇନର ଲଢେଇ । ଆଉ ଶେଷରେ ହୋଇଛି ତାଙ୍କର ଜିତାପଟ । ଉପଭୋକ୍ତା ଅଦାଲତ ଏହି ବ୍ୟକ୍ତିଙ୍କୁ ୧୨ହଜାର ଟଙ୍କାର କ୍ଷତିପୂରଣ ପାଇବାକୁ ଆଦେଶ ଦେଇଛନ୍ତି ।
ଅଗଷ୍ଟ ୨୦୦୬ । କେବିନ୍ ରୋୟାପେଟା ସ୍ଥିତ ସୁପରମାର୍କେଟ ସ୍ପେନ୍ସରରୁ ୨୦୦ ଗ୍ରାମର ଏକ ଖଜୁୁରି ପ୍ୟାକେଟ୍ କିଣିଥିଲେ । କେବିନ୍ ଦାବୀ କରିଛନ୍ତି ଯେ,ପ୍ୟାକେଟଟିରେ ସୂଚିତ ମୂଲ୍ୟ ୧୩ଟଙ୍କା ଥିଲା । କିନ୍ତୁ ଦୋକାନୀ ତାଙ୍କ ଠାରୁ ୧୫ଟଙ୍କା ନେଇଥିଲେ । ଖଜୁୁରି ପ୍ୟାକେଟରୁ ମଧ୍ୟ ଅନେକ କୀଟ ଥିବାର ନଜର ଆସିଥିଲା । ଖଜୁୁରି ପ୍ୟାକେଟର ଏକ୍ସପାୟର ଡେଟର ୪ମାସ ପରେ ବିକ୍ରି କରାଯାଇଥିଲା ।
କେବିନ୍ ଜିଲ୍ଲା ଉପଭୋକ୍ତା ଫୋରମ୍ ରେ ନିଜର ମତାମତ ଦେବାବେଳେ କହିଥିଲେ । ସେ ସୁପରମାର୍କେଟ୍ ଓ ମାନ୍ୟୁଫାକଚର ବିରୋଧରେ ଏତଲା ଦେଇଥିଲେ । ଖଜୁରୀକୁ ଫୁଡ୍ ପ୍ରୋସେସିଂ ଲ୍ୟାବ୍ କୁ ପରୀକ୍ଷା ପାଇଁ ପଠାଇଯାଇଥିଲା । ସେପ୍ଟେମ୍ବର ୨୦୦୬ରେ ଲ୍ୟାବ୍ ନିଜର ରିପୋର୍ଟ ଦେଇଥିଲେ । ରିପୋର୍ଟରେ କୁହାଯାଇଥିଲା କି ସାମ୍ପୁଲ୍ ରେ ୨୦ଟି ଜିଅନ୍ତା କୀଟ ମିଳିଥିଲେ ଏବଂ ଏହା ମାନବ ଉପଭୋକ୍ତା ପାଇଁ ଅନୁପଯୁକ୍ତ ବୋଲି କୁହାଯାଇଥିଲା ।
ମାନ୍ୟୁଫାକଚର କଂପାନୀ ଦାବୀ କରିଥିଲା ଯେ, ସେମାନେ ସରକାରୀ ମେସିନ୍ ବ୍ୟବହାର କରି ଏହି ଖଜୁୁରିକୁ ପ୍ୟାକେଜିଂ କରାଯାଇଥିଲା । ଆଉ ମଧ୍ୟ କଂପାନୀ କହିଥିଲା ସୁପରମାର୍କେଟ ଏକ୍ସପାୟରୀ ଡେଟ୍ ପରେ ଖଜୁୁରି ପ୍ୟାକେଟକୁ ବିକ୍ରିବାକୁ ଜରୁରୀ ନଥିଲା । ଏଣୁୁ ଏହି ମାମଲାରେ କଂପାନୀର କୈାଣସି ସଂପୃକ୍ତି ନାହିଁ । ଫୋରମ୍ କିନ୍ତୁ ସେମାନଙ୍କର ସବୁ ଦାବୀକୁ ଖାରଜ କରିଦେଇଥିଲା ଏବଂ ଜାଣିବାକୁ ପାଇଥିଲା କି ଏକ୍ସପାୟରୀ ଡେଟ୍ ପରେ ବିକା ଯାଇଥିବା ଖଜୁୁରୀର ଗୁଣବତ୍ତା ନିମ୍ନ ମାନର ଥିଲା । ଫୋରମ୍ ମାନ୍ୟୁଫାକଚର କଂପାନୀ ଓ ସୁପରମାର୍କେଟକୁ ୧୨,୦୧୫ଟଙ୍କା କ୍ଷତିପୂରଣ ସ୍ୱରୂପ ଦେବାକୁ ଆଦେଶ ଦେଇଥିଲେ ।