କନକ ବ୍ୟୁରୋ : ଜଣେ ପୁରୁଷର ପେଟରୁ ବହାରିଲା ଭ୍ରୁଣ । ଅବିଶ୍ୱାସ ଲାଗୁଥିଲେବି ଘଟଣାଟି ସତ୍ୟ । ଭୁବନେଶ୍ୱର ଏମ୍ସର ଡାକ୍ତରମାନଙ୍କ ଏହି ବିରଳ ଅସ୍ତ୍ରୋପଚାରକୁ ସଫଳ ଭାବେ ସଂପୂର୍ଣ୍ଣ କରିଛନ୍ତି । ବିରଳ ଘଟଣାକ୍ରମରେ ଯଦି ମା ପେଟରେ ଯାଆଁଳା ଭ୍ରୁଣ ରହିଯାନ୍ତି, ଯମଜ ସନ୍ତାନ ଜନ୍ମ ହୋଇଥାନ୍ତି । କିନ୍ତୁ କୌଣସି ସମୟରେ ଗୋଟିଏ ଭ୍ରୁଣରେ ଅନ୍ୟ ଏକ ଭ୍ରୁଣ ରହିଯାଇଥାଏ । ଡାକ୍ତରୀ ବିଜ୍ଞାନରେ ଏହାକୁ ‘ଫିଟ୍ସ ଫିଟୁ’ କୁହାଯାଏ । ଏଭଳି ଘଟଣା ଉନବିଂଶ ଶତାଦ୍ଧୀରେ ପ୍ରଥମଥର ପାଇଁ ଦେଖାଯାଇଥିଲା । ବର୍ତମାନ ସୁଦ୍ଧା ସମଗ୍ର ପୃଥିବୀରେ ଏଭଳି ମାତ୍ର ୧୦୦ଟି ଘଟଣା ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ବାଲେଶ୍ୱର ଜିଲ୍ଲା ଜଳେଶ୍ୱର ଅଂଚଳର ଜଣେ ୨୧ ବର୍ଷୀୟ ଯୁବକର ତଳିପେଟରେ ଥିବା ପେଲଭିସରେ ଏହି ଭ୍ରୁଣ ରହିଥିଲା । ବୟସ ବଢିବାସହ ଭ୍ରୁଣ ବଡ ହେବାର ସୁଯୋଗ ପାଇ ନଥିଲେବି ସେଥିରେ ଚର୍ମ ଓ ଲୋମ ସୃଷ୍ଟି ହେବାରୁ ଯୁବକ ଜଣକ ଯନ୍ତ୍ରଣା ଅନୁଭବ କରିଥିଲେ । ପରେ ସେ ଏକ ଘରୋଇ ହସପିଟାଲରେ ଅସ୍ତ୍ରପଚାର କରିଥିଲେ । ସମସ୍ୟାର ସମାଧାନ ନହେବାରୁ ସେ ଏମ୍ସ ଆସିଥିଲେ ।
ଏମ୍ସର ଶଲ୍ୟ ବିଭାଗ ମୁଖ୍ୟ ଡାକ୍ତର ତୁଷାର ଶୁଭଦର୍ଶନ ମିଶ୍ର ଏବଂ ତାଙ୍କ ଡାକ୍ତରୀ ଟିମ୍ ଦିର୍ଘ ୫ ଘଂଟା ଧରି ଅପରେସନ କରିଥିଲେ ।
ଏହାସହ ଦେଖନ୍ତୁ ଏହି ଭିଡିଓ –