ଜିଓ ଗିଗାଟିଭି: ମିଳିବ ୬୦୦ ଏଚଡି ଚ୍ୟାନେଲ, ୩ ମାସ କାଳ ମାଗଣାରେ ଦେଖିପାରିବେ ମନପସନ୍ଦର କାର୍ଯ୍ୟକ୍ରମ, ଜାଣନ୍ତୁ ରେଜିଷ୍ଟ୍ରେସନ କରିବାର ପୂରା ପ୍ରକ୍ରିୟା
୧୫ ଅଗଷ୍ଟରୁ ସାରା ଦେଶରେ ଆରମ୍ଭ ହେବାକୁ ରିଲାଏନ୍ସ ଜିଓର ଗିଗାଟିଭି ସେବା । ବଡ କଥା ହେଲା ରେଜିଷ୍ଟ୍ରେସନ କରିବା ପାଇଁ ଗ୍ରାହକଙ୍କୁ କୌଣସି ପ୍ରକାରର ଶୁଳ୍କ ଦେବାକୁ ପଡିବ ନାହିଁ । ତେବେ କଂପାନୀର ଏହା ଏକ ଫାଇବର ବ୍ରୋଡବ୍ୟାଣ୍ଡ ଆଧାରିତ ଏଚଡି ସେବା ଅଟେ । ଯେଉଁଥିରେ କୌଣସି ପ୍ରକାରର ଆଂଟିଣା ଲଗାଇବାକୁ ଆପଣଙ୍କୁ ପଡିବ ନାହିଁ । ଫୋନ ଆଧାରରେ ହିଁ ଲୋକଙ୍କୁ ଏଚଡି କ୍ୱାଲିଟିରେ ୬୦୦ରୁ ଅଧିକ ଚ୍ୟାନେଲ ଦେଖିବାର ସୁବିଧା ମିଳିବ । ତେବେ ଏହିସବୁ ଚ୍ୟାନେଲ ଦେଖିବା ପାଇଁ ଆପଣ ରିଲାଏନ୍ସ ଦ୍ୱାରା ଉପଲବ୍ଧ କରାଯାଇଥିବା ସେଟଅପ ବକ୍ସ ସହିତ ସଂଯୋଗ କରି ଏହି ସେବାର ମଜା ଉଠାଇପାରିବେ ।
Kanak News is now on WhatsApp
Join and get latest news updates delivered to you via WhatsApp
କିପରି ହେବ ରେଜିଷ୍ଟ୍ରେସନ
କଂପାନୀ ତରଫରୁ କୁହାଯାଇଛି କି, ୧୫ ଅଗଷ୍ଟରୁ ଏହି ନୂଆ ସେବା ଆରମ୍ଭ ହେବ । ଏହି ସୁବିଧାର ଲାଭ ଉଠାଇବା ପାଇଁ ଗ୍ରାହକତମାନେ ମାଇଜିଓ ଆପ କିମ୍ବା ଜିଓଡଟ୍ କମକୁ ଯାଇ ରେଜିଷ୍ଟ୍ରେସନ କରିପାରିବେ । ରେଜିଷ୍ଟ୍ରେସନ ବର୍ତମାନ ୧୧୦୦ଟି ସହର ପାଇଁ ହେବ । ଏଥିରେ ଯେଉଁ ସହରମାନଙ୍କରେ ସବୁଠାରୁ ଅଧିକ ରେଜିଷ୍ଟ୍ରେସନ ହେବ, ସେଠାରେ ପ୍ରଥମେ କନେକ୍ସନ ଦିଆଯିବ ।
୫୦୦ଟଙ୍କାରୁ ଆରମ୍ଭ ହେବ ପ୍ଲାନ
କଂପାନୀ ଗ୍ରାହକମାନଙ୍କ ପାଇଁ ୫ଟି ପ୍ଲାନ ଲଂଚ କରିବାକୁ ଯାଉଛି । ଯାହାର ପ୍ରାରମ୍ଭିକ ଦାମ ରଖାଯାଇଛି ମାତ୍ର ୫୦୦ ଟଙ୍କା ଏବଂ ସର୍ବାଧିକ ୧୫୦୦ ଟଙ୍କା ରଖାଯାଇଛି । ସମସ୍ତ ପ୍ଲାନରେ ଡିଟିଏଚ କନେକ୍ସନ ପାଇଁ କୌଣସି ପ୍ରକାରର ତଥା କୌଣସି ବି ଚାର୍ଜ ଲାଗିବ ନାହିଁ । ୫୦୦ ଟଙ୍କିଆ ପ୍ଲାନରେ ଲୋକଙ୍କୁ ମାସିକ ୩୦୦ ଜିବି ଡାଟା ଏବଂ ୫୦ ଏମବିପିଏସର ସ୍ପିଡ ମିଳିବ ।
୭୫୦ର ପ୍ଲାନ
ଏହାପରେ ୭୫୦ ଟଙ୍କିଆ ପ୍ଲାନ ରହିଛି, ଯେଉଁଥଇରେ ଲୋକଙ୍କୁ ୪୫୦ ଜିବିର ଡାଟା ମିଳିବ । ଏଥିରେ ମଧ୍ୟ ସ୍ପିଡ ୫୦ ଏମବିପିଏସର ମିଳିବ ।
୯୯୯ଟଙ୍କିଆ ପ୍ଲାନ
୯୯୯ଟଙ୍କିଆ ମାସିକ ପ୍ଲାନରେ ଲୋକଙ୍କୁ ୬୦୦ ଜିବି ଡାଟା ସମେତ ୧୦୦ ଏମବିପିଏସ ସ୍ପିଡ ମିଳିବ ।
୧୨୯୯ଟଙ୍କିଆ ପ୍ଲାନ
୧୨୯୯ ଟଙ୍କିଆ ପ୍ଲାନରେ ଗ୍ରାହକଙ୍କୁ ୩୦ ଦିନ ପର୍ଯ୍ୟନ୍ତ ୭୫୦ ଜିବି ଡାଟା ଏବଂ ୧୦୦ ଏମବିପିଏସର ସ୍ପିଡ ମିଳିବ । ସମସ୍ତ ପ୍ଲାନରେ ଗ୍ରାହକଙ୍କୁ ଡିଟିଏଚ ଏବଂ ଲ୍ୟାଣ୍ଡଲାଇନ ଫୋନର ସୁବିଧା ମଧ୍ୟ କଂପାନୀ ତରଫରୁ ମିଳିବ ।
୧୫୦୦ ଟଙ୍କିଆ ପ୍ଲାନ
୧୫୦୦ଟଙ୍କିଆ ପ୍ଲାନରେ ଗ୍ରାହକଙ୍କୁ ୩୦ ଦିନ ଯାଏଁ ୯୦୦ ଜିବି ଡାଟା ଏବଂ ୧୫୦ ଏମବିପିଏସର ସ୍ପିଡ ମିଳିବ ।