ନରଭକ୍ଷୀ ନାବାଳକ ! ମୃତଦେହକୁ ୬ଖଣ୍ଡ କରି କାଟି ତା’ର ମାଂସ ଖାଇବା ସହ ରକ୍ତ ପିଇଥିବା ଅଭିଯୋଗ
ସାମ୍ନାକୁ ଆସିଲା ନାବାଳକର ନୃଶଂସ ଚେହେରା । ସରଳ ଓ ନୀରିହ ମନେ ହେଉଥିବା ଚେହେରା ପଛରେ ଲୁଚି ରହିଛି ଏକ ବିଭତ୍ସ ସତ୍ୟ । ଜଣେ ୯ ବର୍ଷର ନାବାଳକକୁ ହତ୍ୟା କରିଛି ଏହି ୧୬ବର୍ଷ ବୟସର ନାବାଳକ ଜଣକ । କେବଳ ହତ୍ୟା କରିନହିଁ, ମୃତଦେହକୁ ୬ଖଣ୍ଡ କରି କାଟି ପକାଇବା ସହ ମାଂସ ଖାଇବା ଓ ରକ୍ତ ପିଇଥିବା ଅଭିଯୋଗ ମଧ୍ୟ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ପଂଜାବ ଲୁଧିଆନାରେ ଦୀପୁ କୁମାର ନାମକ ଜଣେ ୯ବର୍ଷ ଶିଶୁ ନିଖୋଜ ନେଇ ଅଭିଯୋଗ ହୋଇଥିଲା ଗତ ସୋମବାର ଦିନ । ପରଦିନ ଅର୍ଥାତ ମଙ୍ଗଳବାର ତାର ମୁଣ୍ଡ ନଥିବା ମୃତ ଦେହକୁ ‘ଦୁଗ୍ରି’ ଅଂଚଳରୁ ଉଦ୍ଧାର ହେବା ପରେ ଚାଂଚଲ୍ୟ ଖେଳିଯାଇଥିଲା । ଥାନାରେ ଅଭିଯୋଗ ପରେ ଛାନଭିନ ଆରମ୍ଭ କରିଥିଲା ପୋଲିସ । ସିସିଟିଭି ଫୁଟେଜ ଯାଂଚ ପରେ ପୋଲିସ ଅଭିଯୁକ୍ତକୁ କାବୁ କରିବା ସହ ସତ ସାମ୍ନାକୁ ଆଣିଛି ।
ପୋଲିସର କହିବା ଅନୁସାରେ, ହତ୍ୟା କରିଥିବା ନାବାଳକ ‘କାନିବାଲିଜମ’ ବା ନିଜ ଜାତିର ମାଂସ ଖାଇବା ପ୍ରବୃତିର ଶିକାର । ଆଉ ସେଥିପାଇଁ ଏହି ୯ ବର୍ଷର ଶିଶୁକୁ ଅପହରଣ କରିବା ସହ ହତ୍ୟା କରି ତାର ମାଂସ ଖାଇଥିଲା ଓ ରକ୍ତ ପିଇଥିଲା ।