ଟୟଲେଟରେ ସ୍ମାର୍ଟଫୋନ ବ୍ୟବହାର କରୁଛନ୍ତି କି ? ଜାଣନ୍ତୁ ଏପରି କରିବା ସ୍ୱାସ୍ଥ୍ୟପକ୍ଷେ କେତେ କ୍ଷତିକାରକ
ଆଗରୁ ଲୋକମାନେ ଟୟଲେଟ ଯିବା ସମୟରେ ନିଜ ସହ ଖବରକାଗଜ କିମ୍ବା ମ୍ୟାଗାଜିନ ନେଇ ଯାଉଥିଲେ କିନ୍ତୁ ଏବେ ଟ୍ରେଣ୍ଡ ବଦଳି ଯାଇଛି । ଆଜିକାଲି ଲୋକମାନେ ଟୟଲେଟ ଯିବା ସମୟରେ ସ୍ମାର୍ଟଫୋନ ବ୍ୟବହାର କରୁଛନ୍ତି । କାରଣ ଫୋନକୁ ଛାଡି ଗୋଟିଏ ବି ମିନିଟ ରହିପାରୁ ନାହାନ୍ତି ସେମାନେ । କିନ୍ତୁ ଆପଣ ଜାଣନ୍ତି କି ଟୟଲେଟରେ ସ୍ମାର୍ଟଫୋନ ବ୍ୟବହାର ସ୍ୱାସ୍ଥ୍ୟ ପାଇଁ କେତେ କ୍ଷତିକାରକ ହୋଇପାରେ । କାରଣ ଟୟଲେଟରେ ସବୁଠାରୁ ଅଧିକ ଜୀବାଣୁ ଥାଆନ୍ତି ଯାହା ଆପଣଙ୍କ ଫୋନରେ ଲାଗି ଯାଆନ୍ତି । ଏଥିରେ ସଂକ୍ରମଣର ଭୟ ମଧ୍ୟ ଅଧିକ ରହେ ।
Kanak News is now on WhatsApp
Join and get latest news updates delivered to you via WhatsApp
ଯେତେବେଳେ ଆପଣ ଫ୍ଲସ କରନ୍ତି ପାଣି ବହୁତ ଦୂର ପର୍ଯ୍ୟନ୍ତ ଯାଏ, ଯାହା ଆପଣଙ୍କ ଫୋନ ଉପରେ ମଧ୍ୟ ପଡିଥାଏ । ଏପରି କରିବା ଦ୍ୱାରା ସଂକ୍ରମଣ ବ୍ୟାପିଥାଏ । ଟୟଲେଟର ପ୍ରତ୍ୟେକ ଜିନିଷ ଉପରେ ଜୀବାଣୁ ଥାଆନ୍ତି । ତେଣୁ ଆପଣ ଏହି ଜିନିଷ ବ୍ୟବହାର କରିବା ପରେ ଫୋନ ଛୁଇଁଲେ ବ୍ୟାକ୍ଟେରିଆ ଆପଣଙ୍କ ଫୋନକୁ ଆସିଯାଏ । ଏକ ସର୍ବେକ୍ଷଣରୁ ଜଣାପଡିଛି ଫୋନର ହିଟକୁ ବ୍ୟାକ୍ଟେରିଆ ଅଧିକ ଆକର୍ଷିତ ହୁଅନ୍ତି ଓ ଆପଣଙ୍କ ଫୋନକୁ ଘର କରି ନିଅନ୍ତି । ଯାହା ଆପଣଙ୍କ ସ୍ୱାସ୍ଥ୍ୟ ପାଇଁ ବହୁତ କ୍ଷତିକାରକ । ଘରର ଟୟଲେଟ ଅପେକ୍ଷା ସର୍ବସାଧାରଣରେ ବ୍ୟବହାର ହେଉଥିବା ଟୟଲେଟରେ ଅଧିକ ଜୀବାଣୁ ଥାଆନ୍ତି । ତେଣୁ ଭୁଲରେ ମଧ୍ୟ ଏପରି ସ୍ଥାନରେ ସ୍ମାର୍ଟଫୋନ ବ୍ୟବହାର କରନ୍ତୁ ନାହିଁ ।