ବିମୁଦ୍ରାକରଣ ବିରୋଧରେ ନଭେମ୍ବର ୮କୁ କଳାଦିବସ ପାଳନ କରିବା ପ୍ରସଙ୍ଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରତିକ୍ରିୟା !
କନକ ବ୍ୟୁରୋ : ବିମୁଦ୍ରାକରଣ ବିରୋଧରେ ନଭେମ୍ବର ୮କୁ କଳାଦିବସ ପାଳନ କରିବା ପ୍ରସଙ୍ଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରତିକ୍ରିୟା ଦେଇଛନ୍ତି । ନଭେମ୍ବର ୮କୁ କଳାଦିବସ ପାଳନ କରିବା ନେଇ କୌଣସି ଆଲୋଚନା ହୋଇନଥିବା ସେ କହିଛନ୍ତି । ବିମୁଦ୍ରାକରଣ ବିରୋଧରେ ନଭେମ୍ବର ୮ତାରିଖକୁ କଂଗ୍ରେସ ସମେତ ୧୮ଟି ବିରୋଧୀ ଦଳ କଳାଦିବସ ଭାବେ ପାଳନ କରିବେ ବୋଲି ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏନେଇ ସୋମବାର ଦିନ ଏକ ବୈଠକରେ ୬ଟି ବିରୋଧୀ ଦଳର ନେତା ଏକାଠି ହୋଇ ଆଲୋଚନା କରିବା ପରେ କଂଗ୍ରେସ ସାଂସଦ ଗୁଲାମନବୀ ଆଜାଦ୍ ସୂଚନା ଦେଇଥିଲେ । ଗତବର୍ଷ ନଭେମ୍ବର ୮ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୫୦୦ ଓ ହଜାରେ ଟଙ୍କିଆ ନୋଟ୍ ଅଚଳ ଘୋଷଣା କରିଥିଲେ । ଏହାକୁ କଂଗ୍ରେସ ସମେତ କେତେକ ବିରୋଧୀ ଦଳ ବିରୋଧ କରିଥିଲେ । କିନ୍ତୁ ବିଜେଡି ବିମୁଦ୍ରାକରଣକୁ ସମର୍ଥନ କରିଥିଲା ।