ବ୍ରେଟ ଲିଙ୍କ ଫିଲ୍ମ ‘ଅନଇଣ୍ଡିଆନ୍ ’ର ଲଭଦୃଶ୍ୟରେ ସେନସର ବୋର୍ଡର କଇଁଚି
Kanak News is now on WhatsApp
Join and get latest news updates delivered to you via WhatsApp
ଅଷ୍ଟ୍ରେଲିଆ କ୍ରିକେଟର ବ୍ରେଟ ଲି’ଙ୍କ ପ୍ରଥମ ଫିଲ୍ମ ‘ଅନଇଣ୍ଡିଆନ’ର ଲଭମେକିଙ୍ଗ ଦୃଶ୍ୟକୁ ନେଇ ବିବାଦ ଥିଲା । ଫିଲ୍ମରେ ବ୍ରେଟଲି ଓ ଅଭିନେତ୍ରୀ ତନିଷ୍ଠା ଚାଟର୍ଜି ମଧ୍ୟରେ ପିକଚରାଇଜ ହୋଇଥିବା ଲଭମେକିଙ୍ଗ ଦୃଶ୍ୟକୁ ସେନସର ବୋର୍ଡ ଆପତ୍ତିଜନକ ବୋଲି କହିଥିଲା ଏବଂ ବର୍ତମାନ ୬୮ ସେକେଣ୍ଡର ଏହି ଆପତ୍ତିକର ସିନକୁ କାଟି ୨୬ ସେକେଣ୍ଡର କରିଛି ।
ଏହି ଦୃଶ୍ୟରେ ବ୍ରେଟଲି ଓ ତନିଷ୍ଠା ପରସ୍ପରକୁ ଯେତେବେଳେ ଆଲିଙ୍ଗନ କରି ପ୍ରେମରେ ମାତିଛନ୍ତି ,ସେତେବେଳେ ତନିଷ୍ଠାଙ୍କର ବାପା-ମା ଟିଭିରେ ଜଣେ ଆଧ୍ୟାତ୍ମିକ ଗୁରୁଙ୍କ ପ୍ରବଚନ ଶୁଣୁଛନ୍ତି । ଯାଂଚ ଟିମ ଏକାସାଥିରେ ସେକ୍ସ ଦୃଶ୍ୟ ଓ ମନ୍ତ୍ରଉଚ୍ଚାରଣର ଦୃଶ୍ୟକୁ ନାପସନ୍ଦ କରିଛି । କିନ୍ତୁ ବ୍ରେଟଲି କହିଛନ୍ତି ଏହି ଫିଲ୍ମରେ ଏମିତି କିଛି ଦୃଶ୍ୟ ନାହିଁ ଯାହାକୁ ଅଶ୍ଳୀଳ କୁହାଯିବ । ଫିଲ୍ମର ପ୍ରତି ଦୃଶ୍ୟ ଖୁବ୍ ଭଲ ହୋଇଛି ବୋଲି ବ୍ରେଟଲି କହିଛନ୍ତି । ସେ ସିନା ଅଷ୍ଟ୍ରେଲିଆନ ହେଲେ ଫିଲ୍ମର ନିର୍ଦେଶକ ଓ ହିରୋଇନ ଭାରତୀୟ ।
‘ଅନଇଣ୍ଡିଆନ’ ଫିଲ୍ମଟି ଇଂରାଜୀରେ ତିଆରି ହୋଇଛି । ନିର୍ଦେଶକ ଅନୁପମ ଶର୍ମା । ଫିଲ୍ମର ଅଧିକାଂଶ ସୁଟିଂ ସିଡନୀରେ ହୋଇଛି । ବ୍ରେଟଲି କ୍ରିକେଟରରୁ ଫିଲ୍ମ ହିରୋ ସାଜିଛନ୍ତି ଏବଂ ଖବର ମିଳିଛି ଯେ ସେ ‘ହାଉସଫୁଲ୍-୩ ’ପାଇଁ ମଧ୍ୟ ଆପ୍ରୋଚ ଚଳାଇଛନ୍ତି ।