କନକ ବ୍ୟୁରୋ : ପୂରା ବିଶ୍ୱ ଜାଣିଲା ଓଡ଼ିଆ ପୁଅ ଶହୀଦ ବାଜି ରାଉତଙ୍କର ବୀରତ୍ୱର ଗାଥା । ବାଜି ରାଉତଙ୍କ ବୀରତ୍ୱର ଗାଥାକୁ ପୂରା ବିଶ୍ୱ ଆଗରେ ବଖାଣିଛନ୍ତି ଭାରତୀୟ କ୍ରିକେଟର ବୀରେନ୍ଦ୍ର ସେହେୱାଗ । ଶିଶୁ ଦିବସ ଅବସରରେ ସେହୱାଗ ଓଡ଼ିଆ ପୁଅ ବାଜି ରାଉତଙ୍କୁ ମନେ ପକାଇଛନ୍ତି । ନିଜ ଟ୍ୱିଟର ପେଜରେ ବାଜି ରାଉତଙ୍କ ବୀରତ୍ୱର ସମ୍ପୂର୍ଣ୍ଣ କଥା ଲେଖିଛନ୍ତି ଏହି ଦୁର୍ଦ୍ଧଷ ବ୍ୟାଟସମ୍ୟାନ । କିପରି ବାଜି ଇଂରେଜଙ୍କୁ ଖାତିର ନକରି ହସି ହସି ଜୀବନ ଦେଇଥିଲେ ତାହାର ପୂରା ଇତିହାସ ସେ ନିଜ ଟ୍ୱିଟର ପେଜରେ ଉଲ୍ଲେଖ କରିବା ସହ ବାଜି ରାଉତଙ୍କ ଫଟୋ ସେୟାର କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
On this #ChildrensDay it’s time we know about Shaheed Baji Rout ,from Nilakanthpur in Orissa ,the youngest Martyr of India’s freedom struggle.
At the age of 12,this young boy was on guard of a country boat and was ordered by the British troop to ferry them across river Brahamani pic.twitter.com/6opZqLCKYs— Virender Sehwag (@virendersehwag) November 14, 2017
ସେହୱାଗ ଟ୍ୱିଟ କରି କହିଛନ୍ତି, ଭାରତୀୟ ସ୍ୱାଧୀନତା ସଂଗ୍ରାମର ସର୍ବକନିଷ୍ଠ ଶହିଦ ଭାବେ ବାଜି ରାଉତ ଇଂରେଜଙ୍କ ଗୁଳିରେ ମୃତ୍ୟବରଣ କରିଥିଲେ । ଓଡ଼ିଶାର ନୀଳକଣ୍ଠପୁର ଅଞ୍ଚଳର ୧୨ ବର୍ଷିୟ ବାଜି ରାଉତ । ବ୍ରାହ୍ମଣୀ ନଦୀରେ ଡଙ୍ଗା ଘାଟ ଜଗିବା ତାଙ୍କ ବେଉସା ଥିଲ । ଡଙ୍ଗାରେ ନଦୀ ପାର କରିବାରେ ସେ ଲୋକଙ୍କୁ ସାହାଯ୍ୟ କରୁଥିଲେ । ଭାରତରେ ସ୍ୱାଧୀନତା ଆନ୍ଦୋଳନ ଚାଲିଥିବା ବେଳେ ଇଂରେଜ ମାନେ ଭାରତୀୟଙ୍କ ଉପରେ ଅକଥନୀୟ ଅତ୍ୟାଚାର କରୁଥିଲେ । ଇଂରେଜ ମାନେ ବିନା କାରଣରେ କିପରି ଲୋକଙ୍କୁ ହତ୍ୟା କରୁଥିଲେ ତାହା ପୂର୍ବରୁ ଶୁଣିଥିଲେ ବାଜି ।
କିନ୍ତୁ ଜାଣି ନଥିଲେ ଦିନେ ଇଂରେଜଙ୍କ ସହ ତାଙ୍କର ମୁହାଁମୁହିଁ ଭେଟ ହେବ ବୋଲି । ଦିନେ ଗୋରା ସୈନିକ ବାଜି ରାଉତ ଜଗୁଥିବା ଘାଟରେ ପହଞ୍ଚି ସେମାନଙ୍କୁ ନଦୀର ଆରପାରିକୁ ନେବାକୁ କହିଥିଲେ । ତେବେ ଇଂରେଜଙ୍କ ବିଷୟରେ ଆଗରୁ ଜାଣିଥିବା ବାଜି ନଦୀ ପାର କରାଇବାକୁ ସିଧାସଳଖ ମନା କରି ଦେଇଥିଲେ । ଏଥିରେ ଉତ୍ତକ୍ଷିପ୍ତ ହୋଇଯାଇଥିଲେ ଇଂରେଜ ସୈନିକ । ଏଥିପାଇଁ ତାଙ୍କୁ ହତ୍ୟା କରିବାକୁ ଧମକ ଦେଇଥିଲେ । କିନ୍ତୁ ଏହାର କାଣିଚାଏ ପ୍ରଭାବ ମଧ୍ୟ ବାଜିଙ୍କ ଉପରେ ପଡିନଥିଲା । ଇଂରେଜଙ୍କ ଧମକକୁ ଖାତିର ନକରି ସେ ପୁର୍ନବାର ତାଙ୍କୁ ନଦୀର ଆରପାରିକୁ ନେବାକୁ ମନା କରିଥିଲେ । ବାଜି ଏଭଳି ସାହସ ଦେଖି ଆହୁରି ରାଗି ଯାଇଥିଲେ ଇଂରେଜ । ଜଣେ ଇଂରେଜ ସୈନ୍ୟ ବାଜିଙ୍କ ମୁଣ୍ଡକୁ ନିଜ ବନ୍ଧୁକରେ ଆଘାତ କରିଥିଲେ । ଏଥିରେ ତଳେ ଟଳି ପଡିଥିଲେ ବାଜି ରାଉତ ।
On behalf of the whole Odia Community, express my gratitude to @virendersehwag for remembering Baji Rout, the youngest Martyr of Indian Freedom Movement & sharing his story in detail. Baji Rout is the symbol of true Odia Pride & Veeru gave his bravery a global canvas today. https://t.co/Qhnu4GnH0O
— Dharmendra Pradhan (@dpradhanbjp) November 14, 2017
କିନ୍ତୁ ପୁଣିଥରେ ସାହସ ଜୁଟାଇ ଇଂରେଜକୁ ସାମ୍ନା କରିବାକୁ ଛିଡା ହୋଇଥିଲେ ବାଜି । ଏପରିକି ସେ ବଞ୍ଚଥିବା ପର୍ଯ୍ୟନ୍ତ ବ୍ରିଟିଶ ସେନାକୁ ନଦୀ ପାର କରାଇଦେବେନି ବୋଲି ଚେତାଇ ଦେଇଥିଲେ । ଏହା ଶୁଣିବା ପରେ ଆଉ ଏକ ବ୍ରିଟିଶ ସୈନିକ ପାଲଟି ଯାଇଥିଲେ ରାକ୍ଷସ । ଅତି ନିର୍ଦ୍ଦୟ ଭାବେ ବାଜି ରାଉତଙ୍କ ଉପରକୁ ଗୁଳି ଚଳାଇଥିଲେ । ଇଂରେଜଙ୍କ ଗୁଳିରେ ସେହିଠାରେ ହିଁ ବାଜି ରାଉତଙ୍କ ପ୍ରାଣବାୟୁ ଉଡି ଯାଇଥିଲା । କେବ, ବାଜି ନୁହଁନ୍ତି ତାଙ୍କର ଅନ୍ୟ ତିନି ସାଙ୍ଗ ମଧ୍ୟ ସେହିଠାରେ ଇଂରେଜଙ୍କ ଗୁଳିରେ ଟଳି ପଡିଥିଲେ । ବାଜି ସିନା ଇଂରେଜଙ୍କ ଗୁଳିରେ ଶହିଦ ହୋଇଯାଇଥିଲେ କିନ୍ତୁ ଶେଷ ପର୍ଯ୍ୟନ୍ତ ହାର ମାନିନଥିଲେ । ଅତି ଛୋଟ ବୟସରେ ଇଂରେଜଙ୍କ ଆଗରେ ଦେଖାଇଥିଲେ ସାହସ । ତେଣୁ ତାଙ୍କ ବଳିଦାନକୁ ସଲାମ କରିଛନ୍ତି ବିରେନ୍ଦ୍ର ସେହୱାଗ ।
ବାଜି ରାଉତଙ୍କ ବଳିଦାନକୁ ସେହୱାଗ ଟ୍ୱିଟ୍ କରିବା ପରେ ଏହାକୁ ରି ଟ୍ୱିଟ୍୍ କରିଛନ୍ତି କେନ୍ଦ୍ରମନ୍ତ୍ରୀ ଧମେନ୍ଦ୍ର ପ୍ରଧାନ । ବାଜି ରାଉତଙ୍କ ବୀରତ୍ୱର କାହାଣୀକୁ ବିଶ୍ୱ ଦରବାରରେ ପହଞ୍ଚାଇଥିବାରୁ ସେହୱାଗଙ୍କୁ ଧନ୍ୟବାଦ ଜଣାଇଛନ୍ତି ଧର୍ମେନ୍ଦ୍ର । ଏହା ଓଡିଶାବାସୀଙ୍କ ପାଇଁ ଏକ ଗର୍ବର ବିଷୟ ବୋଲି କହିଛନ୍ତି ।