କନକ ବ୍ୟୁରୋ: ଆଜି ଅଶୋକାଷ୍ଟମୀ । ରଥ ଚଢି ଭକ୍ତଙ୍କୁ ଦର୍ଶନ ଦେବେ ଶ୍ରୀଲିଙ୍ଗରାଜ । ଏଥିପାଇଁ ରଥ ପ୍ରସ୍ତୁତ ଓ ପଥ ବି ପ୍ରସ୍ତୁତ । ରୁକୁଣା ରଥଯାତ୍ରା ପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି । ରଥରେ ସିଂହାସନ ଓ ପାଶ୍ୱମୂର୍ତି ଲାଗିବା ସହ ମୂର୍ତ୍ତି ବାରେଣୀ, ପ୍ରଭା, ଘୋଡା, ଇଶ ଓ ଚାରିଦ୍ୱାର ଲଗାଯାଇଛି । ଆଜି ରଥରେ ସଖୀ ଓ ଘୋଡା ଲଗାଯିବ । ଗତକାଲି ସପ୍ତମୀ ତିଥିରେ ରଥରେ ନେତ ବନ୍ଧା ହେବା ସହ ରାତିରେ ମହାଖଳାଠାରେ ରଥ ପ୍ରତିଷ୍ଠା କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ବିଧି ମୁତାବକ କେଦାର ଗୌରୀ ନିକଟ ମୁକ୍ତେଶ୍ୱର ମନ୍ଦିର ନିକଟ ମରିଚୀ କୁଣ୍ଡରୁ ପାଣି ଆସି ରଥ ପ୍ରତିଷ୍ଠା ହୋଇଥିଲା । ଆଜି ମହାପ୍ରଭୁଙ୍କ ରୁକୁଣା ରଥଯାତ୍ରା ପାଇଁ କମିଶନରେଟ ପୋଲିସ ପକ୍ଷରୁ ବ୍ୟାପକ ବ୍ୟବସ୍ଥା ହୋଇଛି । ରୁକୁଣା ରଥଯାତ୍ରାରୁ ଠାକୁର ମନ୍ଦିରକୁ ଯିବା ଯାଏଁ କିଭଳି ଶାନ୍ତିଶୃଙ୍ଖଳା ରହିବ ଓ ଟ୍ରାଫିକ ବ୍ୟବସ୍ଥା ଠିକ୍ ରହିବ ସେ ନେଇ ପଦକ୍ଷେପ ନିଆଯାଇଛି । ଟ୍ରାଫିକ ନିୟନ୍ତ୍ରଣ ପାଇଁ କେତେ ସ୍ଥାନରେ ବ୍ୟାରିକେଡ ନିର୍ମାଣ କରାଯାଇଛି । ରୁକୁଣା ରଥ ଯାତ୍ରାକୁ ଜଗିବେ ୮୦ ଅଫିସର ଓ ୨୨ ପ୍ଲାଟୁନ ଫୋର୍ସ ।