କଟକ ଷ୍ଟେସନରେ ଟିଟିଇଙ୍କ ଦବଙ୍ଗଗିରି ! ନିଶାଗ୍ରସ୍ତ ହୋଇ ରେଷ୍ଟୁରାଂଟ କର୍ମଚାରୀଙ୍କୁ ଅଶ୍ରାବ୍ୟ ଭାଷାରେ ଗାଳିଗୁଲଜ ସହ ମରଣାନ୍ତକ ଆକ୍ରମଣ
କନକ ବ୍ୟୁରୋ: କଟକ ଷ୍ଟେସନ ପରିସରରେ ଥିବା ରେଷ୍ଟୁରାଂଟରେ ଟିଟିଇଙ୍କ ଉନ୍ମତକାଣ୍ଡ । ଉତ୍ୟକ୍ତ ଅବସ୍ଥାରେ ରେଷ୍ଟୁରାଂଟ ରୋଷେୟାଙ୍କ ଉପରକୁ ମାଡି ଯାଉଛନ୍ତି ଟିଟିଇ ଜଣଙ୍କ । ନିଶାଶକ୍ତ ଅବସ୍ଥାରେ ରେଷ୍ଟୁରାଂଟର ରୋଷେୟାଙ୍କୁ ନିର୍ଧୁମ ମାଡ ମାରୁଛନ୍ତି । ଠିକ୍ ଏକ ମାସ ତଳର ଏହି ଦୃଶ୍ୟ ରେଷ୍ଟୁରାଂଟରେ ଲାଗିଥିବା ସିସିଟିଭିରେ କଏଦ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ବଡ କଥା ହେଉଛି, ସିସିଟିଭିର ଦୃଶ୍ୟ ନିରିହ ରୋଷେୟାଙ୍କ ପ୍ରତି ଲଗା ଯାଇଥିବା ମିଛ ଅଭିଯୋଗର ପଦ୍ଦ।ଫାଶ କରିଛି । ଏକ ମାସ ତଳେ ଯେତେବେଳେ ରୋଷେୟା ଜଣଙ୍କ ରେଳବାଇ କର୍ତୃପକ୍ଷଙ୍କ ନିକଟରେ ଅଭିଯୋଗ କରିଥିଲେ ସେତେବେଳେ ଓଲଟା ରୋଷେୟାଙ୍କ ଉପରେ ଦୋଷ ଦେଇଥିଲେ ଟିଟିଇ ଜଣଙ୍କ । କିନ୍ତୁ ଏହି ସିସିଟିଭିର ଦୃଶ୍ୟ, ଟିଟିଇଙ୍କ ମିଛ ଅଭିଯୋଗକୁ ପଦାରେ ପକାଇ ଦେଇଛି ।
ବିଳମ୍ବିତ ରାତିରେ ରେଷ୍ଟୁରାଂଟ ବନ୍ଦ ସମୟରେ ନିଶାସକ୍ତ ଅବସ୍ଥାରେ ପହଂଚିଥିଲେ ଟିଟିଇ ବିପିନ ସିଂହ । ଟେବୁଲ ବାଡେଇ ଅଣ୍ଡା ଅମଲେଟ୍ ପାଇଁ ଅର୍ଡର ଦେଇଥିଲେ । ରେଷ୍ଟୁରାଂଟ ବନ୍ଦ ହୋଇଥିବାରୁ ଅଣ୍ଡା ଆମଲେଟ୍ ହୋଇପାରିବା ନାହିଁ ବୋଲି ରୋଷେୟା କହିବା କ୍ଷଣି ତାତି ଉଠିଥିଲେ ରେଳବାଇ ବାବୁ । ଆଉ ଏହାପରେ ଉତେଜିତ ହୋଇ ରେଷ୍ଟୁରାଂଟ କର୍ମଚାରୀଙ୍କୁ ମାଡ ମାରି ଲହୁଲୁହାଣ କରି ଦେଇଥିଲେ । ଟିଟିଇଙ୍କ ଗୁଣ୍ଡାଗିରି ଘଟଣାକୁ ନେଇ ରେଷ୍ଟୋରାଂଟ ମାଲିକ ରେଳବାଇ ଉଚ୍ଚ କର୍ତୃପକ୍ଷଙ୍କୁ ଲିଖିତ ଭାବେ ଜଣାଇଥିଲେ ସୁଦ୍ଧା କୌଣସି କାର୍ଯ୍ୟାନୁଷ୍ଠାନ ନିଆଯାଇ ନାହିଁ ।
ଏହା ସହ ଦେଖନ୍ତୁ ଏହି ଭିଡିଓ –