ରାଉରକେଲା : ରାଉରକେଲାରୁ ଗିରଫ ୫ ସିମି ଆତଙ୍କବାଦୀଙ୍କ ବିରୋଧରେ ଚାର୍ଜସିଟ ଦାଖଲ କଲା କ୍ରାଇମବ୍ରାଂଚ। ରାଉରକେଲା ଏସଡିଜେଏମ କୋର୍ଟରେ କ୍ରାଇମବ୍ରାଂଚ ପକ୍ଷରୁ ଚାର୍ଜସିଟ ଦାଖଲ କରାଯାଇଛି। ଗତ ଫେବ୍ରୁଆରୀ ୧୭ ତାରିଖରେ ଷ୍ଟୁଡେଂଟ ଇସ୍ଲାମିକ ମୁଭମେଂଟ ଅଫ ଇଣ୍ଡିଆ- ସିମିର ୫ଜଣ ଆତଙ୍କବାଦୀଙ୍କୁ ବିଳମ୍ବିତ ରାତିରେ ରାଉରକେଲାରୁ ଗିରଫ କରାଯାଇଥିଲା।
Kanak News is now on WhatsApp
Join and get latest news updates delivered to you via WhatsApp
ଏମାନଙ୍କ ମଧ୍ୟରେ ଜଣେ ମହିଳା ବି ଅଛନ୍ତି। ଏମାନଙ୍କ ନିକଟରୁ ୩ଟି ପିସ୍ତଲ, ୧୧ ରାଉଣ୍ଡ ଗୁଳି ଓ ୭ଟି ମୋବାଇଲ ଫୋନ ଜବତ କରାଯାଇଥିଲା। ନକଲି ପରିଚୟପତ୍ର ଓ ନକଲି ପାସପୋର୍ଟ ବି ଜବତ କରିଥିଲା ପୋଲିସ। ଏହି ୫ ଆତଙ୍କବାଦୀଙ୍କୁ ଏନଆଇଏ ଓ କ୍ରାଇମବ୍ରାଂଚ ରିମାଣ୍ଡରେ ନେଇ ପଚରା ଉଚରା କରିଥିଲା।