ନିଜର ଅଭିନୟ ଯାଦୁରେ ସତୁରୀ – ଅଶୀ ଦଶକରେ ଦର୍ଶକଙ୍କ ହୃଦୟରେ ବେଶ୍ ରାଜ୍ କରିଥିଲେ ଗ୍ଲାମର୍ ଗର୍ଲ ରେଖା । ଅଭିନୟ ଜରିଆରେ ଫିଲ୍ମ ଦୁନିଆରେ ରେଖା ଯେତିକି ଚହଳ ସୃଷ୍ଟି କରିଥଲେ ବ୍ୟକ୍ତିଗତ ସଂପର୍କ ପାଇଁ ସେତିକି ଚର୍ଚ୍ଚିତ ମଧ୍ୟ ଥିଲେ । ବିଗ୍ ବି ଅମିତାଭ ବଚ୍ଚନଙ୍କ ସହ ତାଙ୍କ ପ୍ରେମ ସଂପର୍କ ଆଜି ବି ଏକ ରହସ୍ୟ ହୋଇ ରହିଯାଇଛି।
Kanak News is now on WhatsApp
Join and get latest news updates delivered to you via WhatsApp
ତେବେ ନିକଟରେ ଏହି ଶ୍ୟାମଳୀ ସୁନ୍ଦରୀଙ୍କୁ ନେଇ ଏକ ଚାଂଚଲ୍ୟକର କଥା ସାମ୍ନାକୁ ଆସିଛି । ନିଜର ପ୍ରଥମ ଫିଲ୍ମରୁ ହିଁ ରେଖା ଏକ ପ୍ରକାର ଯୌନ ଶୋଷଣର ଶିକାର ହୋଇଥିଲେ । ଫିଲ୍ମରେ ରେଖାଙ୍କ ବିପକ୍ଷରେ ନାୟକ ଥିଲେ ବିଶ୍ୱଜିତ୍ । ତେବେ ଯୋଜନା ମୂତାବକ ନିର୍ଦେଶକ ରାଜା ନବାଥେ , ପ୍ରଯୋଜକ କୁଲଜୀତ୍ ଓ ବିଶ୍ୱଜିତ୍ ଫିଲ୍ମରେ ଏକ କିସିଂ ସିନ୍ ରଖିଲେ ।
ଯେତେବେଳେ ନିର୍ଦେଶକ ଆକ୍ସନ୍ କହିଲେ ତୁରନ୍ତ ବିଶ୍ୱଜିତ୍ ରେଖାଙ୍କୁ କିସ୍ କରିବାକୁ ଲାଗିଲେ । ଏହି ସିନ୍ ପ୍ରାୟ ୫ ମିନିଟ୍ ପର୍ଯ୍ୟନ୍ତ ଚାଲିଲା । ନା ନିର୍ଦେଶକ କଟ୍ କହିଥିଲେ ନା ବିଶ୍ୱଜିତ୍ ଅଟକିଥିଲେ । ଆଉ ସୁଟିଂ ଦେଖୁଥିବା ୟୁନିଟର ବାକି ଲୋକ ସିଟି ମାରି ଉପଭୋଗ କରୁଥିଲେ । ତେବେ ରେଖା ଏହି ଅପମାନକୁ ଆଜି ଯାଏ ଭୁଲି ପାରି ନାହାନ୍ତି ବୋଲି ଲେଖକ ୟସିର୍ ଉସମାନ୍ ତାଙ୍କ ବହି ‘ରେଖା – ଦ ଅନଟୋଲ୍ଡ ଷ୍ଟୋରୀ’ରେ ଲେଖିଛନ୍ତି ।
ରେଖା ତାଙ୍କ ଜୀବନରେ ଅନେକ ଫିଲ୍ମରେ ଅଭିନୟ କରିଛନ୍ତି । କେଉଁଥିରେ ପ୍ରେମିକା ତ କେଉଁଥିରେ ବୋହୂ ଭାବରେ ନଜର ଆସିଛନ୍ତି । ଆଉ ସମସ୍ତ ଚରିତ୍ରକୁ ଅତି ନିଖୁଣ ଭାବରେ ସେ ପରଦାରେ ଉତାରିଛନ୍ତି । କିନ୍ତୁ ଫିଲ୍ମର ଚରିତ୍ର ପରି ରେଖା ନିଜ ବ୍ୟକ୍ତିଗତ ଜୀବନରେ ଏତେଟା ସଫଳତା ପାଇ ପାରି ନାହାନ୍ତି ।
ୟସିର୍ ଏହି ବହିରେ ଲେଖିଛନ୍ତି , ବିନୋଦ୍ ମେହେରା ଯଦିଓ ରେଖାଙ୍କୁ ବିବାହ କରିଥିଲେ କିନ୍ତୁ ତାଙ୍କୁ ସ୍ତ୍ରୀର ମର୍ଯ୍ୟଦା ଦେଇ ପାରି ନଥିଲେ । କାରଣ ତାଙ୍କ ମା’ ରେଖାଙ୍କୁ ପସନ୍ଦ କରୁ ନଥିଲେ । ଏମିତି କି ରେଖାଙ୍କୁ ଘରେ ପଶିବାକୁ ଦେଇ ନଥିଲେ ଆଉ ତାଙ୍କୁ ମାରିବାକୁ ଚପଲ ମଧ୍ୟ ଉଠାଇବାକୁ ପଛାଇନଥିଲେ । ଆଉ ଧୀରେ ଧୀରେ ସମୟ ସହ ବିନୋଦ ଓ ରେଖାଙ୍କ ଏହି ସଂପର୍କ ମଧ୍ୟ ମିଳାଇ ଯାଇଥିଲା।
ଏପରି ଅନେକ ଅକୁହା କଥାକୁ ନେଇ ରେଖାଙ୍କ ଜୀବନ ଉପରେ ଆଧାରିତ ବହି ବହି ‘ରେଖା – ଦ ଅନଟୋଲ୍ଡ ଷ୍ଟୋରୀ’ ।