ଯୋଗୀ ଆଦିତ୍ୟନାଥଙ୍କୁ ଅଡୁଆ ହେବେ ବାବା । ହାଇପ୍ରୋଫାଇଲ୍ ନେତା ସ୍ୱାମୀ ଚିନ୍ମୟାନନ୍ଦଙ୍କ ନାଁରେ ଆଇନ ଛାତ୍ରୀ ଆଣିଲେ ଦୁଷ୍କର୍ମ ମାମଲା । ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ତଦନ୍ତ ପାଇଁ ଗଠନ ହେଲା ଏସଆଇଟି

ହାଇପ୍ରୋଫାଇଲ୍ ନେତା ସ୍ୱାମୀ ଚିନ୍ମୟାନନ୍ଦଙ୍କ ନାଁରେ ଦୁଷ୍କର୍ମ ମାମଲା ।

485
କନକ ବ୍ୟୁରୋ: ବିଜେପିକୁ ଅଡୁଆ ହେବେ ସ୍ୱାମୀ ଚିନ୍ମୟାନନ୍ଦ । ଉତରପ୍ରଦେଶର ଏହି ଗେରୁଆ ସନ୍ଥ ତଥା ରାଜନେତାଙ୍କ ନାଁରେ ଆସିଛି ଦୁଷ୍କର୍ମ ମାମଲା । ସ୍ୱାମୀ ସୁଖଦେବାନନ୍ଦ ଲ କଲେଜର ଜଣେ ଛାତ୍ରୀ ଆଣିଛନ୍ତି ଏହି ସଙ୍ଗୀନ ଅଭିଯୋଗ । ଏହାର ସବୁ ପ୍ରମାଣ ବି ଅଛି ତା,ଙ୍କ ପାଖରେ ।
ଉତ୍ତରପ୍ରଦେଶର ଜଣାଶୁଣା ଚେହେରା ସ୍ୱାମୀ ଚିନ୍ମୟା ନନ୍ଦ ପିନ୍ଧନ୍ତି ଗେରୁଆ ବସ୍ତ୍ର । ଜୀବନ ବିତାନ୍ତି ଆଧ୍ୟାତ୍ମିକ ଗୁରୁ ଭାବେ । ଲୋକଙ୍କୁ ଆଧ୍ୟାତ୍ମିକତାର ବାଟ ଦେଖାଇ ଭଲ ପ୍ରବଚନ ମଧ୍ୟ ଦିଅନ୍ତି । ରାଜନୀତି ବି କରନ୍ତି । ମୋଦି ସରକାରରେ ପୂର୍ବତନ କେନ୍ଦ୍ରମନ୍ତ୍ରୀ ବି ରହିସାରିଛନ୍ତି । ହେଲେ ଏହି ଭଦ୍ର ଚେହେରା ପଛରେ ଲୁଚି ରହିଥିଲା ଏକ କୁଶ୍ଚିତ ଚେହେରା । ଯାହାକୁ ସାଧାରଣରେ କେହି ଯାଣିନଥିଲେ । ଯାହା ଏବେ ପଦାରେ ପଡିଛି । ଚିନ୍ମୟାଙ୍କ ନାଁରେ ଆସିଛି ଦୁଷ୍କର୍ମ ଅଭିଯୋଗ । ଜଣେ ଆଇନ ଛାତ୍ରୀ ଏଭଲି ସାଙ୍ଘାତିକ ଅଭିଯୋଗ ଆଣିଛନ୍ତି । ତେବେ ଏପରି ଅଭିଯୋଗ ଆସିବା ପରେ ଚିନ୍ମୟ ସମର୍ଥକଙ୍କ ଚିନ୍ତା ବଢିଯାଇଛି ।
ୟୁପିର ଏହି ହାଇପ୍ରୋଫାଇଲ୍ ନେତାଙ୍କୁ ହାତ ମାରିବାକୁ ଡରିଲେ ଯୋଗୀ ସରକାରଙ୍କ ପୋଲିସ ପ୍ରଶାସନ । ଶେଷରେ ସୁପ୍ରିମକୋର୍ଟ ଏସଆଇଟି ଗଠନ ନିର୍ଦ୍ଦେଶ ଦେବା ପରେ ଗେରୁଆ ସାଧୁଙ୍କ ନାଁରେ ରୁଜ୍ଜୁ ହୋଇଛି ମାମଲା । ସେପଟେ ଏହାକୁ ନେଇ ବିଜେପିକୁ ଘେରିଛନ୍ତି ବିରୋଧୀ ।

Comments are closed.