ଜଗତସିଂହପୁରରେ ଆଜି ନିର୍ବାଚନ ପ୍ରଚାର କରିବେ କେନ୍ଦ୍ରମନ୍ତ୍ରୀ ରାମକ୍ରିପାଲ ଯାଦବ
କନକ ବ୍ୟୁରୋ : ଆଜି ଜଗତସିଂହପୁରରେ ପ୍ରଚାର କରିବେ କେନ୍ଦ୍ରମନ୍ତ୍ରୀ ରାମ କ୍ରିପାଲ ଯାଦବ । ଜଗତସିଂହପୁରରେ ଆୟୋଜିତ ନିର୍ବାଚନୀ ସଭାରେ ବିଜେପି ସମର୍ଥିତ ପ୍ରାର୍ଥୀଙ୍କ ପାଇଁ ପ୍ରଚାର କରିବେ ରାମ କ୍ରିପାଲ । ତେବେ ରାଜ୍ୟ ସରକାର ତାଙ୍କୁ ସୁରକ୍ଷା ଯୋଗାଇ ଦେଇ ନଥିବାରୁ କ୍ଷୋଭ ପ୍ରକାଶ କରିଛନ୍ତି କେନ୍ଦ୍ରମନ୍ତ୍ରୀ ରାମ କ୍ରିପାଲ ଯାଦବ । ରାଜ୍ୟ ସରକାର ପ୍ରୋଟୋକଲ ଭାଙ୍ଗିବା ସହ ତାଙ୍କୁ ସର୍ବନିମ୍ନ ସୁରକ୍ଷା ମଧ୍ୟ ଦେଇନାହାନ୍ତି ବୋଲି ରାମକ୍ରିପାଲ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ଅନେକ ସତ୍ୟ ପଦାକୁ ଆଣି ରାଜ୍ୟ ସରକାରଙ୍କ ମୁଖା ଖୋଲିଥିବାରୁ ରାଜ୍ୟ ସରକାର ଏଭଳି କରିଥିବା ସେ କହିଛନ୍ତି । କେନ୍ଦ୍ର କରୁଥିବା ଯୋଜନାର ସଦୁପଯୋଗ କରାଯାଉନାହିଁ । ୧୭ ବର୍ଷ ହେଲା ରାଜ୍ୟ ସରକାର ଲୋକଙ୍କୁ ଭୁଆଁ ବୁଲାଉଛନ୍ତି । ଏସବୁ କଥା ସେ ନିର୍ବାଚନୀ ସଭାରେ ଲୋକଙ୍କ ଆଗରେ ଉପସ୍ଥାପନ କରିବେ ବୋଲି କହିଛନ୍ତି ।