କଂଗ୍ରେସର ମଙ୍ଗ ଧରିବେ ରାହୁଲ ଗାନ୍ଧି : ଅକ୍ଟୋବରରେ ଅଧ୍ୟକ୍ଷ ପଦ ସମ୍ଭାଳିବା ନେଇ ସୂଚନା
କନକ ବ୍ୟୁରୋ : କଂଗ୍ରେସରେ ବଡ଼ଧରଣର ପରିବର୍ତ୍ତନ । ଅକ୍ଟୋବରରେ କଂଗ୍ରେସର ମଙ୍ଗ ଧରିପାରନ୍ତି କଂଗ୍ରେସ ଯୁବରାଜ ରାହୁଲ ଗାନ୍ଧୀ । ଅଧ୍ୟକ୍ଷା ସୋନିଆ ଗାନ୍ଧୀଙ୍କ ପରେ ରାହୁଲ ଗାନ୍ଧୀକୁ ଅଧ୍ୟକ୍ଷ ପଦ ମିଳିବା ନେଇ ଦୀର୍ଘ ଦିନ ଧରି ଚର୍ଚ୍ଚା ଚାଲିଥିଲା । ତେବେ ଏଥିପାଇଁ ଏବେ ସମୟ ଧାର୍ଯ୍ୟ କରାଯାଇଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ରାହୁଲ ଗାନ୍ଧୀଙ୍କୁ କଂଗ୍ରେସ ଅଧ୍ୟକ୍ଷ ପଦ ଦେବା ପାଇଁ ଗତ ବର୍ଷ ନଭେମ୍ବରରେ ଆୟୋଜିତ ହୋଇଥିବା କଂଗ୍ରେସ କାର୍ଯ୍ୟ ସମିତି ବୈଠକରେ ସମସ୍ତେ ଏକମତ ହୋଇଥିଲେ । ଅକ୍ଟୋବର ୧୬ରୁ ୩୦ ମଧ୍ୟରେ ହେବାକୁ ଥିବା କଂଗ୍ରେସର ସାଂଗଠନିକ ନିର୍ବାଚନ ସମୟରେ ସୋନିଆ ଗାନ୍ଧୀ ଅଧ୍ୟକ୍ଷା ପଦ ଛାଡିବେ ଓ ରାହୁଲ ଗାନ୍ଧୀ କଂଗ୍ରେସର ମଙ୍ଗ ଧରିପାରନ୍ତି ବୋଲି ସୂଚନା ମିଳିଛି । ମଙ୍ଗଳବାର ଦିନ ହୋଇଥିବା ସିଡବ୍ଲୁସି ବୈଠକରେ ଏପରି ନିଷ୍ପତି ନିଆଯାଇଥିବା ସୂଚନା ମିଳିଛି । ଗାନ୍ଧୀ ପରିବାରରୁ ପଂଚମ ବ୍ୟକ୍ତି ଭାବେ ରାହୁଲଙ୍କ ହାତକୁ ଯିବ କଂଗ୍ରେସର ଲଗାମ ।