ପ୍ରଚାର ପାଇଁ ପିଙ୍କିଙ୍କ ଠୁମକା ! ବିଜେପି ପାଇଁ ଷ୍ଟେଜରେ ଗୀତ ଗାଇ ନାଚିଲେ ଅଭିନେତ୍ରୀ
କନକ ବ୍ୟୁରୋ : ପ୍ରଚାର ପାଇଁ ଠୁମକା ଲଗାଇଲେ ପିଙ୍କି ପ୍ରଧାନ । ମାଲକାନଗିରିରେ ପଂଚାୟତ ନିର୍ବାଚନ ପାଇଁ ପହଂଚିଥିବା ଅଭିନେତ୍ରୀ ପିଙ୍କି, ଆଜି ବିଜେପି ପାଇଁ ଷ୍ଟେଜରେ ଗୀତ ଗାଇ ନାଚିଛନ୍ତି । ତେବେ ଠୁମକା ଲଗାଇବାବେଳେ ନବୀନ ସରକାରଙ୍କ ବିରୋଧରେ ଗୀତ ଗାଇଛନ୍ତି ଅଭିନେତ୍ରୀରୁ ନାରୀନେତ୍ରୀ ବନିଥିବା ପିଙ୍କି । ଯାହା ଉପସ୍ଥିତ ଦର୍ଶକଙ୍କୁ ମନୋରଞ୍ଜନର ଖୋରାକ ଯୋଗାଇଥିଲା
Kanak News is now on WhatsApp
Join and get latest news updates delivered to you via WhatsApp
ମାଲାକାନଗିରିକୁ ଜାପାନୀ ଜ୍ୱର ଛାଡି ଚାଲିିଯିବା ପରେ ବି କମିନି ଉଷ୍ମତା । ଏ ତାତି ତ୍ରିସ୍ତରୀୟ ପଂଚାୟତ ନିର୍ବାଚନ ପାଇଁ । ମାଓ ମୂଲକରେ ଚାଲିଛି ହାଇପ୍ରୋଫାଇଲ ପ୍ରଚାର । କେନ୍ଦ୍ରମନ୍ତ୍ରୀ ଜୁଏଲ ଓରାମଙ୍କ ସହ ପହଂଚିଛନ୍ତି ଅଭିନେତ୍ରୀ ପିଙ୍କି ପ୍ରଧାନ । ଆଉ ଭୋଟରଙ୍କୁ ଆକୃଷ୍ଟ କରିବାକୁ ଷ୍ଟେଜରେ ଠୁମକା ଲଗାଇଛନ୍ତି ପିଙ୍କି । ହେଲେ କଂଠରେ ରାଜ୍ୟ ସରକାର ବିରୋଧୀ ସ୍ୱର ।
ଜାପାନୀ ଜ୍ୱରରେ ଗୋଟିଏ ପରେ ଗୋଟିଏ କଅଁଳା ଶିଶୁ ଅଖିବୁଜିବା ଘଟଣାକୁ ନେଇ ଜିଲ୍ଲାରେ ବେଶ ସମାଲୋଚିତ ହୋଇଛନ୍ତି ସରକାର । ତେଣୁ ନିର୍ବାଚନ ପ୍ରଚାରବେଳେ ଏହି ପ୍ରମୁଖ ପ୍ରସଙ୍ଗରେ ଶାସକ ଦଳକୁ ଟାର୍ଗେଟ କରିବାକୁ ଭୁଲି ନାହାନ୍ତି ଅଭିନେତ୍ରୀରୁ ନାରୀ ନେତ୍ରୀ ବନିଥିବା ପିଙ୍କି ପ୍ରଧାନ ।
ଗାଁ ନିର୍ବାଚନ ପ୍ରଚାରରେ ସାମିଲ ଅଭିନେତ୍ରୀଙ୍କୁ ଦେଖିବାକୁ ବେଶ ଲୋକ ସମାଗମ ହୋଇଥିଲା । ପ୍ରାୟ ୫ ହାଜର ଅଧିକ ଲୋକ ଉପସ୍ଥିତିରେ ନବୀନ ସରକାର ବିରୋଧୀ ଗୀତ ଗାଇ ଷ୍ଟେଜରେ ଠୁମକା ଲଗାଇଛନ୍ତି ପିଙ୍କି । ବିଜେପି କ୍ୟାମ୍ପର କେନ୍ଦ୍ରୀୟ ନେତା ଜୁଏଲ ଓରାମ ବି ଏହି ଅବସରରେ ମୁଖ୍ୟମନ୍ତ୍ରୀଙ୍କ ଓଡିଆକୁ ନେଇ କଡା ଟିପ୍ପଣି କରିଥିଲେ ।
ଗାଁ ଭୋଟରଙ୍କୁ ଆକୃଷ୍ଟ କରିବା ପାଇଁ ପ୍ରାୟ ସବୁ ରାଜନୈତିକ ଦଳଙ୍କ ଷ୍ଟାର ପ୍ରଚାରକ ତାଲିକାରେ ସ୍ଥାନ ପାଇଛନ୍ତି ସିନେ ତାରକା । ବିଜେଡିରେ ମାଳମାଳ ଅଭିନେତା ଥିବାବେଳେ ବିଜେପିରେ ପିଙ୍କି ପ୍ରଧାନଙ୍କ ଶାଣିତ କଟାକ୍ଷ ମହଙ୍ଗା ପଡିବା ମନେ ହେଉଛି ।