ବହୁରୂପୀ ତେଜପ୍ରତାପ ! କେତେବେଳେ ଶିବ ତ କେତେବେଳେ କୃଷ୍ଣ ଏବେ କ୍ରିକେଟର ଅବତାରରେ ଦେଖାଗଲେ ଲାଲୁ ଲାଡଲା ।
ଏବେ ପର୍ଯ୍ୟନ୍ତ ଆପଣ ତେଜପ୍ରତାପଙ୍କ ବିଭିନ୍ନ ଅନ୍ଦାଜକୁ ଦେଖିଥିବେ ଯେଉଁ ଖାସ୍ ଅନ୍ଦାଜ ଯୋଗୁଁ ତେଜପ୍ରତାପ ସବୁବେଳେ ଚର୍ଚ୍ଚାର ପରିସରକୁ ଆସିଥାନ୍ତି । କିନ୍ତୁ ଆଜି ଆମେ ଆପଣଙ୍କୁ ଲାଲୁ ଲାଡଲାଙ୍କର ଫୁଲ୍ ଡୋଜ୍ ଡ୍ରାମା ଦେଖାଇବାକୁ ଯାଉଛୁ । ଯେଉଁଠାରେ କ୍ରିକେଟ୍ ,ସିନେମା ଏବଂ ରାଜନୀତି ସବୁ ମିଶିଅଛି । ବଂଶୀ ବଜାଉଥିବା ରାଷ୍ଟ୍ରୀୟ ଜନତା ଦଳର ନେତା ତଥା ବିହାରର ପୂର୍ବ ସ୍ୱାସ୍ଥ୍ୟମନ୍ତ୍ରୀ ତେଜପ୍ରତାପ ଯାଦବ କ୍ରିକେଟ୍ ବଲ୍ ହାତରେ ଧରି କ୍ରିକେଟ୍ ପିଚ୍ ଉପରେ ଭାଗ୍ୟ ପରୀକ୍ଷା କରୁଥିବାର ନଜର ଆସିଛନ୍ତି । ହାତରେ ବଲ୍ ଧରି ଚଉକା ଛକା ମାରୁଛନ୍ତି ତେଜପ୍ରତାପ । ଏହି ସମୟରେ ତାଙ୍କୁ ପ୍ରଶ୍ନଉତ୍ତର ମଧ୍ୟ ପଚରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରଶ୍ନରେ ତାଙ୍କୁ ପଚରାଯାଉଛି ଯେ ଆପଣ କାହାକୁ ଛକା ମାରୁଛନ୍ତି? ଉତ୍ତରରେ ସେ କହୁଛନ୍ତି ମୁଁ ମୋଦି ଜୀଙ୍କୁ ଛକା ମାରୁଛି । ଦୁଇଭାଇ ମିଶି ୨୦୧୯-୨୦ ବିଶ୍ୱକପ୍ ଜିତିବୁ ଏବଂ ସମସ୍ତଙ୍କୁ ଚଉକା ଛକା ମାରି ପିଚ୍ ରୁ ବାହାର କରିଦେବୁ । କ୍ରିକେଟ୍ ଖେଳିବା ପରେ ସେ ସାଇକେଲ୍ ମଧ୍ୟ ଚଲାଇଲେ । ଏଥିମଧ୍ୟରେ ସେ ଜଣେ ସିନେମା କଳାକାରଙ୍କୁ ଅଭିନୟ କରିବାକୁ ମଧ୍ୟ କହିଥିଲେ । ଏହାସହ ମିଛିମିଛିକା ଆକ୍ସନ୍ ,ରୋମାନ୍ସ ,ଡ୍ରାମା ସବୁ ଉକ୍ତ ସ୍ଥାନରେ ଗୋଟିକ ପରେ ଗୋଟିଏ ହୋଇ ଚାଲିଲା ।