ଡୋକଲାମରେ ଭାରତୀୟ ସେନା ପଛକୁ ନହଟିଲେ ଯୁଦ୍ଧ ଆଶଙ୍କା ! ଚୀନ୍ ଗଣମାଧ୍ୟମ ଗ୍ଲୋବାଲ ଟାଇମ୍ସରେ ଭାରତକୁ ଧମକ
କନକ ବ୍ୟୁରୋ: ଭାରତକୁ ଚୀନର ପୁଣି ନାଲି ଆଖି । ସରକାରୀ ଗଣମାଧ୍ୟମ ଗ୍ଲୋବାଲ ଟାଇମ୍ସରେ ଭାରତକୁ ଧମକ ଦେଇଛି ଚୀନ୍ । ଗ୍ଲୋବାଲ ଟାଇମ୍ସରେ କୁହାଯାଇଛି କି, ଯଦି ଡୋକଲାମରେ ଭାରତୀୟ ସେନା ପଛକୁ ନହଟେ ତେବେ ଯୁଦ୍ଧ ପାଇଁ ଚୀନ ସେନା ପ୍ରସ୍ତୁତ ରହିଛି ।
Kanak News is now on WhatsApp
Join and get latest news updates delivered to you via WhatsApp
ସୀମାରେ ଅଧିକ ଦିନ ଏହି ବିବାଦକୁ ଲଗାଇ ରଖାଯାଇପାରବନି ଏବଂ ଆବଶ୍ୟକ ପଡିଲେ ଦୁଇ ସପ୍ତାହ ଭିତରେ ଏକ ମିଲିଟାରୀ ଅପରେସନ୍ କରିବ ବୋଲି ମଧ୍ୟ ଧମକ ଦେଇଛି ଚୀନ୍ । ଯଦି ଯୁଦ୍ଧ ହୁଏ ତେବେ ଯୁଦ୍ଧର ପରିଣତି କଣ ହେବ ତାହା ମଧ୍ୟ ସ୍ପଷ୍ଟ ଅନୁମେୟ ବୋଲି କହି ପରୋକ୍ଷରେ ଧମକ ଦେଇଛି ଗଣମାଧ୍ୟମ । ଏହା ସହିତ ଡୋକଲାମ ପରିସ୍ଥିତି ପାଇଁ ଚୀନ୍ ଗଣମାଧ୍ୟମ ଭାରତର ମୋଦି ସରକାରଙ୍କୁ ଦାୟୀ କରିଛି ।
ମୋଦି ସରକାର ବିବାଦୀୟ ଡୋକଲାମ ଅଂଚଳରେ ଜାଣିଶୁଣି ସୈନ୍ୟ ମୁତୟନ କରିଛନ୍ତି ବୋଲି ପ୍ରକାଶ କରିଛି ଗ୍ଲୋବାଲ ଟାଇମ୍ସ । ଦୀର୍ଘ ଏକ ମାସରୁ ଅଧିକ ସମୟ ହେବ ଡୋକଲାମ ଅଂଚଳରେ ଚୀନର ରାସ୍ତା ନିର୍ମାଣକୁ ନେଇ ଭାରତ ଓ ଚୀନ ସେନା ମୁହାଁମୁହିଁ ହୋଇଛନ୍ତି । ଫଳରେ ସୀମାରେ ଯୁଦ୍ଧ ପରିସ୍ଥିିିତି ସୃଷ୍ଟି ହୋଇଛି ।