କାଶ୍ମୀରର କ୍ରିଷ୍ଣା ଘାଟିରେ ସହିଦଙ୍କ ମୃତଦେହ ବିକୃତ କରିବା ପଛରେ ରହିଛି ପାକିସ୍ତାନ ସେନାର ହାତ ! ଭାରତ ପାଖରେ ଅଛି ପ୍ରମାଣ
କନକ ବ୍ୟୁରୋ : କାଶ୍ମୀରର କ୍ରିଷ୍ଣା ଘାଟିରେ ସହିଦଙ୍କ ମୃତଦେହ ବିକୃତ କରିବା ପଛରେ ପାକିସ୍ତାନ ସେନାର ହାତ ରହିଛି । ଏନେଇ ଭାରତ ପାଖରେ ପର୍ଯ୍ୟାପ୍ତ ଓ ବଳିଷ୍ଠ ପ୍ରମାଣ ଅଛି । ଭାରତ ସରକାର ଏପରି କୁତ୍ସିତ କାର୍ଯ୍ୟ କରିଥିବା ପାକିସ୍ତାନୀ ସେନା ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଦାବି କରିଥିବା ସୂଚନା ଦେଇଛନ୍ତି ବୈଦେଶିକ ମନ୍ତ୍ରାଳୟ ପ୍ରବକ୍ତା ଗୋପାଳ ବାଘଲେ ।
Kanak News is now on WhatsApp
Join and get latest news updates delivered to you via WhatsApp
ସହିଦ ଭାରତୀୟ ଯବାନଙ୍କ ରକ୍ତ ଦାଗ ନିୟନ୍ତ୍ରଣ ରେଖା ଯାଏଁ ଲମ୍ବିଥିବ, ଏବଂ ରୋଜା ନାଳା ନିକଟରେ ରକ୍ତର ଦାଗ ମିଳିବା ସ୍ପଷ୍ଟ କରୁଛି, ହତ୍ୟାକାରୀ ପୁଣି ପାକିସ୍ତାନ ଫେରିଯାଇଛି ବୋଲି ସେ କହିଛନ୍ତି । ଏହା ସହ ଏହି ହତ୍ୟାକାରୀମାନେ ପାକିସ୍ତାନ ପଟୁ ନୁହେଁ ପାକ୍ ଅଧିକୃତ କାଶ୍ମୀର ପଟୁ ଭାରତରେ ପ୍ରବେଶ କରିଥିବା ଜଣାପଡିଛି ବୋଲି ବୈଦେଶିକ ମନ୍ତ୍ରାଳୟ ପକ୍ଷରୁ କୁହାଯାଇଛି । ସେପଟେ ଆଜି ପାକିସ୍ତାନ ହାଇକମିଶନରଙ୍କୁ ସମନ କରି ଭାରତ ସରକାର ଏହି ସବୁ ତଥ୍ୟ ପ୍ରଦାନ କରି ପାକ୍ ସେନାର କାମକୁ କଡା ନିନ୍ଦା କରିଥିଲେ ।