ତୃଷାର୍ତ୍ତ କୁକୁରକୁ ହାତରେ ପାଣି ପିଆଇ ଚର୍ଚ୍ଚା ସାଉଁଟିଲେ ବୃଦ୍ଧ ବ୍ୟକ୍ତି : ସୋସିଆଲ୍ ମିଡିଆରେ ଭାଇରାଲ୍ ହେଲା ମାନବିକତାର ଉଦାହରଣ ବୁଝାଉଥିବା ଏହି ଭିଡିଓ ।
ଅନେକ ଲୁକ୍କାୟିତ ପ୍ରତିଭାକୁ ନୂତନ ଦିଗ ଦେଲା ଭଳି ଲୋକଙ୍କ ମଧ୍ୟରେ ମାନବିକତାକୁ ଜାଗୃତ କରାଉଥିବା ପ୍ଲାଟଫର୍ମ ଟି ହେଉଛି ଇଣ୍ଟରନେଟ୍ । ଆଗରୁ ମାନବିକତା ଶବ୍ଦଟି ସମାଜରୁ ଉଭେଇ ଯାଇଥିବା ବେଳେ ଏବେ ଇଣ୍ଟରନେଟ୍ ରେ ଏଭଳି କିଛି ଭିଡିଓ ସେୟାର୍ ହେଉଛି ଯାହାକୁ ଦେଖି ଲୋକମାନଙ୍କ ଭିତରେ ମାନବିକତା ଜାଗ୍ରତ ହୋଇଛି । ଏଭଳି ଆଉ ଏକ ଭିଡିଓ ଏବେ ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହେଉଛି ଯାହା ଲୋକଙ୍କୁ ଖୁବ୍ ଭଲଲାଗିଛି ।
Kanak News is now on WhatsApp
Join and get latest news updates delivered to you via WhatsApp
You have not lived ur day, until you have done something for someone who can never repay you🙏🏼
Be compassionate in what you today. pic.twitter.com/SK7zXjCxnc— Susanta Nanda IFS (@susantananda3) February 25, 2020
ଭିଡିଓରେ ଜଣେ ବୃଦ୍ଧ ବ୍ୟକ୍ତି ଗୋଟିଏ ବୁଲା କୁକୁରକୁ ନିଜ ହାତରେ ପାଣି ପିଆଉଥିବାର ଦେଖାଯାଇଛି । ଦୁଇ ପାପୁଲିରେ ପାଣି ନେଇ ବ୍ୟକ୍ତି ଜଣକ କୁକୁରକୁ ପାଣି ପିଆଉଛନ୍ତି , କୁକୁରଟି ମଧ୍ୟ ଖୁବ୍ ପ୍ରେମରେ ପାଣି ପିଉଛି । ଏହି ଭିଡିଓଟିକୁ ଆଇଏଫଏସ୍ ଅଫିସର ସୁଶାନ୍ତ ନନ୍ଦା ପୋଷ୍ଟ୍ କରିଛନ୍ତି । ସେ ଭିଡିଓଟିକୁ ପୋଷ୍ଟ କରି ଲେଖିଛନ୍ତି , ଯାହାଙ୍କୁ ଆପଣ ସାହାଯ୍ୟ କରୁଛନ୍ତି ସେ ପୁନର୍ବାର ଆବଶ୍ୟକ ପଡିଲେ ଆପଣଙ୍କୁ ସାହାଯ୍ୟ କରିପାରିବ ନାହିଁ ଜାଣିି ସୁଦ୍ଧା ଆପଣ ଯଦି ତାକୁ ସାହାଯ୍ୟ କରୁଛନ୍ତି ତେବେ ଜାଣିନିଅନ୍ତୁ ଯେ ଆପଣଙ୍କ ଦିନଟି ଖୁବ୍ ଭଲରେ ଉପଭୋଗ କରିବାକୁ ଯାଉଛନ୍ତି । ବୃଦ୍ଧ ବ୍ୟକ୍ତିଙ୍କ ହାତ ପାପୁଲିର ପାଣିକୁ ତୃଷାର୍ତ୍ତ କୁକୁରଟି ପିଉଥିବାର ଭିଡିଓ ଏବେ ଖୁବ୍ ଭାଇରାଲ୍ ହୋଇଛି । ଯାହାକୁ ଲୋକମାନେ ଭୁରି ଭୁରି ପ୍ରଶଂସା ମଧ୍ୟ କରୁଛନ୍ତି ।