କନକ ବ୍ୟୁରୋ: ୨୦୧୯ ସାଧାରଣ ନିର୍ବାଚନରେ ପୂର୍ବଭାରତକୁ ଦଖଲ କରିବା ଦାୟିତ୍ୱ ଦଳର ଚାଣକ୍ୟ, ଅଧ୍ୟକ୍ଷ ଅମିତ ଶାହା ନେଇଛନ୍ତି । ସେଥିପାଇଁ ବିଜେପି ଚାଣକ୍ୟ ଅମିତ ଶାହା ୧୨୦ ମିଶନର ଟାସ୍କ ରାଜ୍ୟ ନେତୃବୃନ୍ଦମାନଙ୍କୁ ଦେଇଥିଲେ । ଯାହାର ଷ୍ଟାଟସ ରିପୋର୍ଟ ପ୍ରସ୍ତୁତି ନେଇ ରାଜ୍ୟ ବିଜେପି କାର୍ଯ୍ୟାଳୟରେ ସମୀକ୍ଷା ବୈଠକ । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଜୁଏଲ ଓରାମଙ୍କ ଉପସ୍ଥିତିରେ ହୋଇଛି ମିଶନ ୧୨୦ର ମାନସ ମନ୍ଥନ । ଗତ ଜୁଲାଇ ମାସରେ ଅମିତ ଶାହା ଦଳୀୟ ସାଂଗଠନିକ ଦାୟିତ୍ୱରେ ଥିବା କେନ୍ଦ୍ରମନ୍ତ୍ରୀ ଓ ବରିଷ୍ଠ ନେତାମାନଙ୍କ ସହିତ ୧୨୦ ମିଶନର ରଣନୀତିରେ କ’ର ଉନ୍ନତି ହୋଇଛି ତାକୁ ନେଇ ସମୀକ୍ଷା ବୈଠକ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଗତବର୍ଷ ପଞ୍ଚାୟତ ନିର୍ବାଚନ ପରେ ବୁଥ କମିଟି ଗଠନ ଯୋଜନା କାର୍ୟ୍ୟକାରୀ କରିବା ପାଇଁ ଅମିତ ଶାହା ମନ୍ତ୍ରଣା ଦେଇଥିଲେ । ରାଜ୍ୟରେ ପାଖାପାଖି ୩୬ ହଜାର ପୁଲିଙ୍ଗ ବୁଥ ଥିବାବେଳେ ବିଜେପି ୨୨ ହଜାର ପୁଲିଙ୍ଗ ବୁଥରେ ବୁଥ୍ କମିଟି ଗଠନ କରିଛି ବୋଲି ଅମିତ ଶାହାଙ୍କ ସମୀକ୍ଷା ବୈଠକରେ ଜଣାଇଥିଲେ । ଏହାସହ ଆସନ୍ତା ଅଗଷ୍ଟ ୧୫ ତାରିଖ ସୁଦ୍ଧା ବାକିଥିବା ପୁଲିଙ୍ଗ ବୁଥ୍ ରେ ବୁଥ୍ କମିଟି ଗଢ଼ିବା କାର୍ୟ୍ୟ ତୁରନ୍ତ ଶେଷ କରି ରିପୋର୍ଟ ଦେବାକୁ ନିର୍ଦ୍ଦେଶ ଦେଇଥିଲେ ଅମିତ ଶାହା ବୋଲି ବିସ୍ୱସ୍ତ ସୂତ୍ରରୁ ଜଣାପଡ଼ିଛି ।
ତେଣୁ ଏନେଇ ରାଜ୍ୟ ବିଜେପି କାର୍ଯ୍ୟାଳୟରେ ବିଜପେିର ଦୁଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଜୁଏଲ ଓରାମଙ୍କ ଉପସ୍ଥିତିରେ ହୋଇଛି ମିଶନ ୧୨୦ର ସମୀକ୍ଷା ବୈଠକ । ମିଶନ ୧୨୦ର ଟାସ୍କ ୭୦ ପ୍ରତିଶତ କାର୍ଯ୍ୟ ଶେଷ ହୋଇଥିବା ବୋଲି ସୁଚନା ମିଳିଛି । କିନ୍ତୁ ଅନ୍ୟପଟେ ବାକିଥିବା ପୁଲିଙ୍ଗ ବୁଥରେ ବୁଥ କମିଟି ଗଠନ କରିବାରେ ସମସ୍ୟା ଉପୁଜିଥିବା ନେଇ ଚିନ୍ତାରେ ରାଜ୍ୟ ବିଜେପି । ଫଳରେ ବିଜେପିର ମିଶନ ୧୨୦ର ସ୍ୱପ୍ନ ଅଧୁରା ଭଳି ଏବେଠୁ ଲାଗୁଛି । “ବୁଥ୍ ରେ ବିଜୟ ମାନେ ନିର୍ବାଚନରେ ବିଜୟ” ଅମିତ ଶାହାଙ୍କ ମୂଳ ମନ୍ତ୍ର କୁ ସାଥିରେ ଧରି ଅଗଷ୍ଟ ୧୫ ସୁଦ୍ଧା ୧୨୦ ମିଶନର ଟାସ୍କ ରିପୋର୍ଟ ଆସନ୍ତା ୧୫ ତାରିଖ ସୁଦ୍ଧା ରିପୋର୍ଟ ଅମିତ ଶାହାଙ୍କୁ ଦେବ ରାଜ୍ୟ ବିଜେପି ।
ଓଡିଶା ଦାୟିତ୍ୱରେ ଥିବା ଦୁଇ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଜୁଏଲ ଓରାମ, ରାଜ୍ୟ ବିଜେପି ସଭାପତି, ବିଜେପି ବିଧାୟକ ଦଳ ନେତା, ଓଡିଶା ପ୍ରଭାରୀଙ୍କ ସହ ସାଂଗଠନିକ ଦାୟିତ୍ୱରେ ଥିବା ବରିଷ୍ଠ ନେତାମାନେ ଦିଲ୍ଲୀରେ ହେବାକୁଥିବା କାର୍ଯ୍ୟକାରିଣୀ ବୈଠକରେ ଅମିତ ଶାହାଙ୍କୁ ଦେବେ ମିଶନ ୧୨୦ ଷ୍ଟାଟସ ରିପୋର୍ଟ ।