କନକ ବ୍ୟୁରୋ: ଓଡିଶାରେ ମିଶନ ୧୨୦ ଫେଲ ନେଇ କାରଣ ଖୋଜୁଛି ଭାରତୀୟ ଜନତା ପାର୍ଟି । ସାଧାରଣ ନିର୍ବାଚନରେ ଭାରତୀୟ ଜନତା ପାର୍ଟିର ଫଳାଫଳକୁ ନେଇ ରାଜ୍ୟ କାର୍ଯ୍ୟାଳୟରେ ଆୟୋଜିତ କୋରକମିଟି ବୈଠକରେ ଏନେଇ ହୋଇଛି ମାନସ ମନ୍ଥନ । ରାଜ୍ୟ କାର୍ଯ୍ୟାଳୟରେ ଆୟୋଜିତ ବୈଠକରେ କାରଣ ଖୋଜା ଚାଲିଛି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ରାଜ୍ୟ ପ୍ରଭାରୀ ଅରୁଣ ସିଂହ, ରାଜ୍ୟ ସଭାପତି ବସନ୍ତ ପଣ୍ଡାଙ୍କ ସମେତ ବରିଷ୍ଠ ନେତାଙ୍କ ଉପସ୍ଥିତିରେ ଏହି ଆଲୋଚନା ହୋଇଛି । ବିଭିନ୍ନ ସ୍ଥାନରେ ଦଳୀୟ ପ୍ରାର୍ଥୀ କାହିଁକି ପରାଜିତ ହେଲେ ସେ ନେଇ ଆଲୋଚନା ହୋଇଛି । ଏବଂ ରାଜ୍ୟରେ ବିଜେପିର ଭୋଟ ହାର ବୃଦ୍ଧି ପାଇଥିବାବେଳେ ୧୨୦+ ମିଶନ୍ ବିଫଳ ହୋଇଥିଲା ଏବଂ ସରକାର ଗଢ଼ିବାରୁ ମଧ୍ୟ ଦଳ ବଂଚିତ ରହିଲା । କେଉଁଠି ଦଳର ଯୋଜନା ବିଫଳ ହେଲା ଏବଂ କ’ଣ ପାଇଁ ଦଳକୁ ଏଭଳି ସ୍ଥିତିର ସମ୍ମୁଖୀନ ହେଲା ତାହା ଉପରେ ମାନସ ମନ୍ଥନ ହୋଇଛି ।