ବର୍ଷା ସାଙ୍ଗକୁ ପ୍ରବଳ ପବନରେ ବେହାଲ ନେପାଳ । ଝଡବର୍ଷାରେ ୩୧ ମୃତ୍ୟୁ, ୪୦୦ ଆହତ
ବର୍ଷା ସାଙ୍ଗକୁ ପ୍ରବଳ ପବନରେ ବେହାଲ ନେପାଳ
କନକ ବ୍ୟୁରୋ : ଦକ୍ଷିଣ ନେପାଳର କେତୋଟି ଗାଁ’ରେ ଭୀଷଣ ଝଡ଼ବର୍ଷା ହେବାରୁ ଅନ୍ୟୂନ ୩୧ ଜଣ ଲୋକଙ୍କର ମୃତ୍ୟୁ ଘଟିବା ସହ ଅନ୍ୟ ୪୦୦ ଜଣ ଆହତ ହୋଇଥିବା କଥା ସୋମବାର ଦିନ ସରକାରୀ ଅଧିକାରୀମାନେ କହିଛନ୍ତି। ରବିବାର ସନ୍ଧ୍ୟା ବେଳେ ବାରା ଓ ପାର୍ସା ଅଞ୍ଚଳର କେତେଗୁଡ଼ିଏ ଗାଁରେ ଝଡ଼ବର୍ଷା ହୋଇଥିବା କଥା ଗୃହମନ୍ତ୍ରଣାଆଳୟର ଅଧିକାରୀମାନେ କହିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ନେସନାଲ ଏମରଜେନ୍ସି ଅପରେସନ୍ ସେଣ୍ଟର୍ କହିଛି କି, ବିଭିନ୍ନ ଡାକ୍ତରଖାନାରେ ଆହତମାନଙ୍କର ଚିକିତ୍ସା କରାଯାଉଛି। ପ୍ରଧାନମନ୍ତ୍ରୀ କେପି ଶର୍ମା ଓଲି ମୃତବ୍ୟକ୍ତିଙ୍କ ପ୍ରତି ଦୁଃଖ ପ୍ରକାଶ କରିବା ସହ ଶୋକସନ୍ତପ୍ତ ପରିବାର ସବୁକୁ ସମ୍ବେଦନା ଜଣାଇଛନ୍ତି। ଉଦ୍ଧାର ଓ ରିଲିଫ୍ କାର୍ଯ୍ୟ ଲାଗି ସେନା ଓ ପୁଲିସ ପଠାଯାଇଥିବା କଥା ସରକାରୀ ଅଧିକାରୀମାନେ କହିଛନ୍ତି।