ବିଶ୍ୱର ପ୍ରଥମ ଘଟଣା, ୩୦୦ କୁମ୍ଭୀରଙ୍କୁ ହତ୍ୟା ! ସଂରକ୍ଷଣ ଫାର୍ମରେ ଯୁବକଙ୍କୁ କୁମ୍ଭୀର ଖାଇଯିବା ପରେ ତାତିଲେ ଜନତା, ମାରଣାସ୍ତ୍ର ସହାୟତାରେ ହତ୍ୟା କଲେ ଶତାଧିକ କୁମ୍ଭୀର
କନକ ବ୍ୟୁରୋ: ବିଶ୍ୱର ପ୍ରଥମ ଘଟଣା, ୩୦୦ କୁମ୍ଭୀରଙ୍କୁ ହତ୍ୟା । ଜନ ଆକ୍ରୋଶର ଶୀକାର ହୋଇଛନ୍ତି ପାଖାପାଖି ୩୦୦ କୁମ୍ଭୀର । ଇଣ୍ଡୋନେସିଆ ପାପୁଆ ରାଜ୍ୟର ସୋରେଙ୍ଗ ଜିଲ୍ଲାରେ ଉତ୍ୟକ୍ତ ଲୋକେ ଛୁରୀ ଓ ବିଭି୍ନ୍ନ ମାରଣାସ୍ତ୍ର ସାହାଯ୍ୟରେ ୨୯୨ କୁମ୍ଭୀରଙ୍କୁ ହତ୍ୟା କରିଛନ୍ତି । ଏକ କୁମ୍ଭୀର ସଂରକ୍ଷଣ ଫାର୍ମରେ ଜଣେ ଯୁବକକୁ କୁମ୍ଭୀର ଖାଇଯିବା ପରେ ଉତ୍ୟକ୍ତ ଲୋକ ଏ କାଣ୍ଡ ଘଟାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଘଟଣାରୁ ଜଣାପଡିଛି ଯେ ୪୮ ବର୍ଷିୟ ସୁଗିତୋ ଘାସ ଆଣିବା ପାଇଁ ଯାଇଥିବା ବେଳେ ଫାର୍ମ ଭିତରକୁ ଖସି ପଡିଥିଲେ । ସେଠାରେ କୁମ୍ଭୀର ତାଙ୍କୁ ଆକ୍ରମଣ କରି ଖାଇଯିବା ପରେ ଉତ୍ୟକ୍ତ ଲୋକେ ଥାନା ଘେରାଉ କରିଥିଲେ । ଜନବସତି ଅଂଚଳରେ କୁମ୍ଭୀର ଫାର୍ମକୁ ବିରୋଧ କରିବା ସହ ମୃତବ୍ୟକ୍ତିଙ୍କ ଖଣ୍ଡ ବିଖଣ୍ଡିତ ଶରୀର ଧରି ବିକ୍ଷୋଭ କରିଥିଲୋ ସ୍ଥାନୀୟ ଲୋକେ । ତେବେ ଫାର୍ମ ପକ୍ଷରୁ କ୍ଷତିପୂରଣ ପାଇଁ ପ୍ରତିଶ୍ରୁତି ଦିଆଯାଇଥିଲେ ମଧ୍ୟ ଲୋକମାନେ କ୍ରୋଧର ବଶବର୍ତି ହୋଇ ଏଭଳି କାଣ୍ଡ କରିଛନ୍ତି ।