ଭାରତୀୟ ଟେଲିକମ ବଜାରରେ ଯେବେଠାରୁ ରିଲାଏନ୍ସ ପାଦ ଥାପିଛି, ସେବେଠୁ ଇଂଟରନେଟର ଦାମ ବହୁତ ଶସ୍ତା ହୋଇଯାଇଛି । କହିବାକୁ ଗଲେ ତ ବର୍ତ୍ତମାନ ସମୟରେ ଇଂଟରନେଟର ମୂଲ୍ୟ ଗୋଟିଏ କପ ଚାହା ସହ ବି ସମାନ । ସେହିପରି ଜିଓକୁ ଦେଖି ବାକି ଟେଲିକମ କଂପାନୀଗୁଡିକ ମଧ୍ୟ ଇଂଟରନେଟର ଦାମ ଅପେକ୍ଷାଠାରୁ ଅଧିକ ଶସ୍ତା କରିଦେଲେଣି । ତେବେ ଶସ୍ତା ଇଂଟରନେଟ କାରଣରୁ ଅନଲାଇନ ଟିଭି ଏବଂ ଭିଡିଓଗୁଡିକର ଷ୍ଟ୍ରିମିଂରେ ବହୁତ ଲାଭ ମିଳୁଛି । ବର୍ତ୍ତମାନ ସମୟରେ ଅଧିକାଂଶ ଇଂଟରନେଟ ୟୁଜର୍ସ ଅନଲାଇନ ଟିଭି ବ୍ୟବହାର କରୁଛନ୍ତି । ଯେଉଁଥିପାଇଁ ଇଂଟରନେଟରେ ବହୁତ ସାରା ଆପ୍ ମଧ୍ୟ ଉପଲବ୍ଧ ହେଉଛି, ଏଥିରେ ବହୁତ କମ ଦାମରେ ଏଚଡି କ୍ୱାଲିଟିର ଟିଭି ଚ୍ୟାନେଲଗୁଡିକ ଉପଲବ୍ଧ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ଆପଣ ଜିଓ ବ୍ୟବହାର କରୁଛନ୍ତି, ତେବେ ଆପଣ ବିନା କୌଣସି ଶୁଳ୍କରେ ଅର୍ଥାତ୍ ମାଗଣାରେ ଜିଓ ଟିଭି ଆପରୁ ୧୦୦ରୁ ଅଧିକ ଏଚଡି ଚ୍ୟାନେଲ ଦେଖିବାର ଲାଭ ଉଠାଇପାରିବେ । ହେଲେ ଅନ୍ୟ କଂପାନୀର ଗ୍ରାହକଙ୍କୁ ଏଥିପାଇଁ ଟଙ୍କା ଦେବାକୁ ପଡିଥାଏ । ଇଂଟରନେଟରେ ଅନଲାଇନ ଟିଭି ଦେଖିବା ପାଇଁ ହେଲେ ଡିଟ୍ଟୋ ଟିଭି ଆପ ଏବଂ ୱେବସାଇଟ୍ ବହୁତ ଗୁଣରେ ଭଲ ବୋଲି କୁହାଯାଉଛି ।
ଡିଟ୍ଟୋ ଟିଭି ଦ୍ୱାରା ଆପଣ ବାର୍ଷିକ କେବଳ ୧୭୦ ଟଙ୍କା ଏବଂ ୨୦ ଟଙ୍କା ପ୍ରତିମାସ ଶୁଳ୍କ ବାବଦକୁ ଦେଇ ସମସ୍ତ ଏଚଡି ଚ୍ୟାନେଲ ଦେଖିପାରିବେ । ତେବେ ଏହି ସୁବିଧାର ଲାଭ ଆପଣ କମ୍ପ୍ୟୁଟର, ମୋବାଇଲ, ଏବଂ ସ୍ମାର୍ଟ ଟିଭି କିମ୍ବା କୌଣସି ବି ଡିଜିଟାଲ ଡିଭାଇସରେ ଉଠାଇପାରିବେ । ଏହାଛଡା ଆପଣ ଏହାଠାରୁ ବି ଶସ୍ତା ଅର୍ଧବାର୍ଷିକ ଏବଂ ସପ୍ତାହିକ ପ୍ଲାନଗୁଡିକର ଲାଭ ମଧ୍ୟ ଉଠାଇପାରିବେ ।