ସଙ୍କଟରେ ପ୍ରଦେଶ କଂଗ୍ରେସ ! ନିଲମ୍ବନ ପରେ ଯୋଗେଶ କହିଲେ, ମୁଖ୍ୟମନ୍ତ୍ରୀଙ୍କ ଭଲ କାମକୁ ପ୍ରଶଂସା କରିବା କ’ଣ ଦଳ ବିରୋଧୀ ମନ୍ତବ୍ୟ ? ଖୁବଶୀଘ୍ର ବିଧାୟକ ପଦରୁ ଇସ୍ତଫା ଦେବି
ଯୋଗେଶ କହିଛନ୍ତି ଯେ, ମୁଁ ସେମିତି କୌଣସି ଭୁଲ କରି ନାହିଁ ଯେଉଁଥି ପାଇଁ ମୋତେ ନିଲମ୍ବନ କରାଗଲା । ମୁଁ କେବେ କୌଣସି ସ୍ଥାନରେ କଂଗ୍ରେସ ଛାଡ଼ିବି ବୋଲି କହିନାହିଁ । ଆଉ ବାକି ରହିଲା ମୁଖ୍ୟମନ୍ତ୍ରୀଙ୍କ ଭଲ କାମକୁ ପ୍ରଶଂସା କରିବା ଏହା କ’ଣ ଦଳ ବିରୋଧୀ ମନ୍ତବ୍ୟ ବୋଲି ପ୍ରଶ୍ନ କରିଛନ୍ତି ଯୋଗେଶ ।
କନକ ବ୍ୟୁରୋ: କଂଗ୍ରେସରୁ ନିଲମ୍ବିତ ହେବାପରେ ସୁନ୍ଦରଗଡ଼ ବିଧାୟକ ଯୋଗେଶ ସିଂହ ଗଣମାଧ୍ୟମ ସମ୍ମୁଖରେ ପ୍ରତିକ୍ରିୟା ରଖିଛନ୍ତି । ଯୋଗେଶ କହିଛନ୍ତି ଯେ, ମୁଁ ସେମିତି କୌଣସି ଭୁଲ କରି ନାହିଁ ଯେଉଁଥି ପାଇଁ ମୋତେ ନିଲମ୍ବନ କରାଗଲା । ମୁଁ କେବେ କୌଣସି ସ୍ଥାନରେ କଂଗ୍ରେସ ଛାଡ଼ିବି ବୋଲି କହିନାହିଁ । ଆଉ ବାକି ରହିଲା ମୁଖ୍ୟମନ୍ତ୍ରୀଙ୍କ ଭଲ କାମକୁ ପ୍ରଶଂସା କରିବା କ’ଣ ଦଳ ବିରୋଧୀ ମନ୍ତବ୍ୟ ବୋଲି ପ୍ରଶ୍ନ କରିଛନ୍ତି ଯୋଗେଶ । ଏବେ ବି ମୁଁ ନବୀନଙ୍କୁ ପ୍ରଶଂସା କରୁଛି । ମୋର ବ୍ୟକ୍ତିଗତ କାରଣରୁ ମୁଁ ରାହୁଲଙ୍କ ସଭାରେ ଯୋଗଦେଇ ପାରିବିନି ବୋଲି ପୂର୍ବରୁ କହିଥିଲି ।
Kanak News is now on WhatsApp
Join and get latest news updates delivered to you via WhatsApp
ବିଜେଡିରେ ମିଶିବି କି ନାହିଁ ଭବିଷ୍ୟତ କହିବ, ଏପର୍ଯ୍ୟନ୍ତ ମୋତେ କାହାର ନିମନ୍ତ୍ରଣ ଆସିନି ଆସଲେ ଜଣାଇବି ବୋଲି ସାମ୍ବାଦିକଙ୍କ ପ୍ରଶ୍ନ ଉତ୍ତରରେ କହିଛନ୍ତି ଯୋଗେଶ । ଦଳରୁ ମୋତେ ନିଲମ୍ବନ କରାଗଲା ତାକୁ ମୁଁ ସ୍ୱାଗତ ଜଣାଉଛି, ଖୁଶୀଘ୍ର ବିଧାୟକ ପଦରୁ ମଧ୍ୟ ଇସ୍ତଫା ଦେବି ବୋଲି କହିଛନ୍ତି ଯୋଗେଶ ସିଂହ । ପୂର୍ବରୁ ଅନ୍ୟମାନେ ମଧ୍ୟ ମୁଖ୍ୟମନ୍ତ୍ରୀଙ୍କ ପ୍ରଶଂସା କରିଛନ୍ତି । ତାହା କ’ର ଦଳ ବିରୋଧୀ ମନ୍ତବ୍ୟ ନୁହେଁ କି ? ସେମାନଙ୍କ ବିରୋଧରେ କି କାର୍ଯ୍ୟାନୁଷ୍ଠାନ ହୋଇଛି ବୋଲି ଚଢ଼ା ଗଳାରେ ପ୍ରଶ୍ନ କରିଛନ୍ତି ଯୋଗେଶ । ଲୋକମାନେ ମୋତେ ବିଶ୍ୱାସ କରି ଭୋଟ୍ ଦେଇଛନ୍ତି । ଆଗାମୀ କାର୍ଯ୍ୟପନ୍ଥା ବିଷୟରେ ଖୁବଶୀଘ୍ର ଜଣାଇବି ବୋଲି କହିଛନ୍ତି ଯୋଗେଶ ।
ଅନ୍ୟପଟେ କଂଗ୍ରେସ ହାଇକମାଣ୍ଡ ରାହୁଲଙ୍କ ଓଡ଼ିଶା ଗସ୍ତ ପୂର୍ବରୁ କଂଗ୍ରେସ ପାଇଁ ଅଡୁଆ ବଢ଼ିବାରେ ଲାଗିଛି । ନିକଟରେ କୋରାପୁଟ ବିଧାୟକ କୃଷ୍ଣଚନ୍ଦ୍ର ସଗରିଆ ଇସ୍ତଫା ପରେ ଗତକାଲି ନବ ଦାସଙ୍କ ଇସ୍ତଫା ଏବଂ ଆଜି ବିଧାୟକ ଯୋଗେଶ ସିଂହଙ୍କୁ ଦଳରୁ ନିଲମ୍ବନ ଘଟଣା ପ୍ରଦେଶ କଂଗ୍ରେସ ପାଇଁ ଅଡୁଆ ସୃଷ୍ଟି କରିଛି । ଆଗକୁ ନିର୍ବାଚନ ପାଖେଇ ଆସୁଥିବାବେଳେ ଗୋଟିଏ ପରେ ଗୋଟିଏ ସମସ୍ୟା କଂଗ୍ରେସ ପାଇଁ ମୁଣ୍ଡ ଟେକୁଛି ।